ثانى تقرير عن البيجو 508 طبعا بعد الاستاذ احمد فهمى

[eleanor]

بسم الله الرحمن الرحيم
الحمد لله ربنا كرمنى وجبت البيجو 508 وكنت حابب اعمل تقرير عنها
وطبعا مش هيبقى زى التقرير اللى كتبه الاستاذ احمد فهمى
ومعلش انا ماليش فى كتابه التقارير فاعذرونى على طريقه الكتابه وارجو انه ميكنش ممل من طريقه الكتابه

1-بالنسبه للسياره من الخارج فهى انسيابيه جدا وشيك جدا وبتدليك الطابع الفخم اكثر من الرياضى
والعربيه جنط 17 وليدات خلفيه واماميه وزينون والاضاءه بتتحرك مع لفه الدركسيون والشبوره كمان
بتنور مع الدركسيون وده طبعا بيبقى على نظام الاوتو فى الاضاءه
والمريات ضم من الداخل او مع الريموت وبتفتح كمان مع السنتر بتاع العربيه
واهم حاجة ان العربيه بتفتح وتقفل ببصمه الايد من غير ريموت ودى حاجه جميله ومريحه جدا
والعربيه مزوده بحساسات ركن خلفيه وحساس اضاءه وحساس مطر


2-من الداخل العربيه فرش جلد طبيعى ومتفصل بطريقه مريحه جدا يعنى متملش وانت سايقها
والابواب فرش جلد برده وخامات التابلوه والزراير ومسكه الفتيس جميله جدا ده غير النور الابيض اللى فى
منتصف عصايه الفتيس وكمان فيها امكانيه النقلات من ورا الدركسيون وده بيدى طابع رياضى
والدركسيون بيتحرك فى 4 اتجاهات والكراسى بتتحرك كهرباء وفيها نظام الفقرات للظهر
والكنبه واسعه جدا ومريحه جدا مع امكانيه طى الكنبه لتكبير الشنطه
ويوجد ستائر جانبيه للابواب الخلفيه وعلى الزجاج الخلفى وطبعا كل ده بيدى احساس بالفخامه

3-اما بالنسبه للموتور والفتيس فالموتور 1600 سى سى تيربو 156 حصان وتم تعديل الموتور
ليعمل ببنزين 92 بدون اوكتان بوستر فى موديلات 2013 والفتيس استيب ترونيك 6 غيارات
وهو يعتبر اوتوماتيك عادى مش زى الباسات بخاصيه التحكم المانيوال
وبالصراحه الموتور التيربو سحبه جامد جدا جدا بالنسبه لوزن العربيه

انا طبعا اسف مره تانيه انى طولت فى التقرير وكان غير منظم فانا بعتذر
وانا تحت امركم فاى استفسار

[Ahmed_selmy]

مبروك يا باشا وربنا يباركلك فيها ويكفيك شرها.

[abudrsh]

مبروك عليك العربية و أهم نقطة محناجة تفسير ازاى تم تعديل العربية لتعمل على بنزين 92 ؟


و هل جربت العربية و سحبها على 95 و حسيت بفرق ؟

[eleanor]

مبروك عليك العربية و أهم نقطة محناجة تفسير ازاى تم تعديل العربية لتعمل على بنزين 92 ؟


و هل جربت العربية و سحبها على 95 و حسيت بفرق ؟

هو موضوع تعديل الموتور ده من التوكيل ومش بتصقف على بنزين 92 وسحبها حلو جدا جدا وبدون اوكتان بوستر ولا حاجة وبصراحه ماجربتش بنزين 95

[ooooosooooo]

الف مبروك وتقرير جميل ...بس انا كنت محتاج منك تقرير عنك انت من ساعة ما اعجبت بالسيارة لغاية ما امتلكتها يعنى اية الى شدك فيها ولما رحت المعرض واتفرجت عليها ولون عربيتك اية ولية اخترت فئة الهاى لاين وبعد كل دة تنزل لنا ب((((((الصوررررررررررر))))))وياريت تكون صور سيارتك انت والف مبروك
وعقبال ما اعمل تقريرى انا عنها عن قريب يارب

[eleanor]

الف مبروك وتقرير جميل ...بس انا كنت محتاج منك تقرير عنك انت من ساعة ما اعجبت بالسيارة لغاية ما امتلكتها يعنى اية الى شدك فيها ولما رحت المعرض واتفرجت عليها ولون عربيتك اية ولية اخترت فئة الهاى لاين وبعد كل دة تنزل لنا ب((((((الصوررررررررررر))))))وياريت تكون صور سيارتك انت والف مبروك
وعقبال ما اعمل تقريرى انا عنها عن قريب يارب

بص يا باشا انا الاول اشتريت كروز هاى لاين وبعتها وهى عامله 4000 كيلو وكانت بكياسها علشان مارتحتش فيها خالص وقررت اركب اوروبى وكنت هاشترى بى ام الفئه الخامسه موديل 2002 لغايه ما شوفت البيجو 508 على النت وبعد كده شوفتها فى معرض وعجبتنى جدا وبعد كده شوفت الفيديوهات والريفيو بتاعها من كذا موقع ولما قعدت فيها ارتحت فيها والحمد لله قررت اجيبها والحمد لله ربنا كرمنى وجبتها واللون اسود فرش مابين اسود ورمادى غامق وبصراحه بتركبها مش بتحس باى حاجة بره بتحس انك فى مملكه تانى خالص

[Eng_Moh.Dewair]

الف مبروك ربنا يديك خيرها و يبعد عنك شرها . يا ريت شويه صور هيضيفوا للموضوع اكتر

[ooooosooooo]

شكرا جدا على ردك الجميل وتنفيذ طلبى وانا رحت النهاردة اتفرجت على السيارة وكما كنت متوقع انبهرت بها جدا جدا بس نسيت اسئل انت بستخدم بنزين كام واخبارة اية مع السيارة ثانيا انا كنت قرات ان الكاسيت فية مخرج usb -aux ودورت وانا داخل السياراة بس لا وجود لشئ بس بصراحة سيارة جميلة وربنا يبارك لحضرتك فيها بس لو مفيهاش مخرج usb تبقى حاجة تضايق جدا اخيرا في انتظار صور للسيارة والف مبروك

[eleanor]

شكرا جدا على ردك الجميل وتنفيذ طلبى وانا رحت النهاردة اتفرجت على السيارة وكما كنت متوقع انبهرت بها جدا جدا بس نسيت اسئل انت بستخدم بنزين كام واخبارة اية مع السيارة ثانيا انا كنت قرات ان الكاسيت فية مخرج usb -aux ودورت وانا داخل السياراة بس لا وجود لشئ بس بصراحة سيارة جميلة وربنا يبارك لحضرتك فيها بس لو مفيهاش مخرج usb تبقى حاجة تضايق جدا اخيرا في انتظار صور للسيارة والف مبروك

الله يبارك فيك انا بستخدم بنزين 92 وبدون اوكتان بوستر علشان موديل 2013 اتعدل انه يشتغل بنزين 92 عادى وياباشا العربيه فيها usb and aux جوه مسند اليد اللى فى النص هتلاقى فتحتين واحده مخرج كهرباء والثانيه فيه usb and aux

[eleanor]

الف مبروك ربنا يديك خيرها و يبعد عنك شرها . يا ريت شويه صور هيضيفوا للموضوع اكتر

انا بحاول بس مش عارف ليه الصور مش عايزه تترفع

[ooooosooooo]

الله يبارك فيك انا بستخدم بنزين 92 وبدون اوكتان بوستر علشان موديل 2013 اتعدل انه يشتغل بنزين 92 عادى وياباشا العربيه فيها usb and aux جوه مسند اليد اللى فى النص هتلاقى فتحتين واحده مخرج كهرباء والثانيه فيه usb and aux

تصدق دى الحاجة الوحيدة الى ماشفتهاش لما اتفرجت على السيارة شكرا لك ومعلش حاول ترفع لنا الصور وشكرا لك:018a1d~146:

[S O P H O S]

الف مبروك

[eleanor]

الف مبروك

الله يبارك فيك ويكرمك باحسن منها ان شاء الله

[lanos2004]

بيجو ابداع فى شكل العربيات
شكلها تحفه
وكمان تيربو ما شاء الله

[eleanor]

بيجو ابداع فى شكل العربيات
شكلها تحفه
وكمان تيربو ما شاء الله

فعلا تحس ان بيجو حطت خبرتها فى العربيه دى