تقرير عن مواصفات وأسعار ال ٥٠٨ الخليجي

[sherifffff]

الأخ الكريم شريف. بارك الله فيك على هذا التقرير الرائع عن العربية الخليجي.
انا دلوقتى نفسي اشتري العربية دى بس تكون فيها الأي درايف والتافيجيشن ودي مابتنزلش فى مصر. وماعرفش عارض بتجيب الخليجي منها. فهل حضرتك او اى حد ممكن يساعدني فى انى اشتريى العربية بالمواصفات الخليجية حتي لو سعرها غالي شوية.

بالنسبة للون. انا لو مكانك اجيب لون ابيض فرش بيج ودا موجود عند وكالة الحاج حسين على رضا وكمان جنط 19. دا اجمد لون للعربية بس محتاج محافظة جدااا

شكراً أخي الكريم
هأحاول أسألك حد يكون نازل مصر قريب
بس لازم تسأل هل الضمان هيكون ساري في مصر ولا لأ

[sherifffff]

السلام عليكم
شكراً على التفاعل
امس رحت الفرع الرئيسي في الرياض
بعيد عني ٤٠٠ كيلو بس المشوار كان يستاهل
وكانت المفاجأة
بدأوا عروض تصفية علي موديلات ٢٠١٣ لحد مايخلصوها لأنهم - علي حسب كلامهم - هينزلوا موديلات ٢٠١٤ في رمضان
طبعاً هتكون أغلي وهتكون بنفس المواصفات بالنسبة لل allura بس الaccess هيزودوا عليها جنوط ١٦ وفتحة سقف
المواصفات بالظبط زي ما كتبتها في أول الموضوع مع إختلاف إن ال allura مفيهاش تدفئة للكراسي بس فيها دعم لأسفل الظهر ومفيهاش نظام طلب النجدة بس زيادة فيها نظام قياس مساحة ركن السيارة
طبعاً الكراسي جلد والنافيجاشن موجود ، أنا جربته بس ماعجبنيش، وبالنسبة للجنوط بتنزل ١٨ بس وماعندهومش ١٩

نيجي للسعر
ال access نازلة من ٨٢ الف إلى ٧٦ ألف ريال ( نازلة ٦ ألاف ريال )
وال allure نازلة من ١١٠ ألف إلى ١٠١ ألف ريال ( نازلة ٩ ألاف ريال )

الألوان كلها موجودة ما عدا البيچ والأبيض اللؤلؤي
والدواخل متوفرة بيچ أو أسود لكل الألوان

كدة السيارة سعرها بقى معقول لو قارناها بسعرها في مصر
أنا شفت هناك تقريباً كل الألوان
الدواخل البيچ أشيك وأفخم بس مش شايفها عملية
الكراسي الجلد السوداء شييييييييييييك جداً

العروض دي في فرع الرياض بس حتى الآن

من فضلكم قولولي رأيكم في اللون الخارجي ، خاصة البني الغامق
المفروض أحجز خلال أيام قبل ما الألوان تخلص

[falcon77]

السلام عليكم
شكراً على التفاعل
امس رحت الفرع الرئيسي في الرياض
بعيد عني ٤٠٠ كيلو بس المشوار كان يستاهل
وكانت المفاجأة
بدأوا عروض تصفية علي موديلات ٢٠١٣ لحد مايخلصوها لأنهم - علي حسب كلامهم - هينزلوا موديلات ٢٠١٤ في رمضان
طبعاً هتكون أغلي وهتكون بنفس المواصفات بالنسبة لل allura بس الaccess هيزودوا عليها جنوط ١٦ وفتحة سقف
المواصفات بالظبط زي ما كتبتها في أول الموضوع مع إختلاف إن ال allura مفيهاش تدفئة للكراسي بس فيها دعم لأسفل الظهر ومفيهاش نظام طلب النجدة بس زيادة فيها نظام قياس مساحة ركن السيارة
طبعاً الكراسي جلد والنافيجاشن موجود ، أنا جربته بس ماعجبنيش، وبالنسبة للجنوط بتنزل ١٨ بس وماعندهومش ١٩

نيجي للسعر
ال access نازلة من ٨٢ الف إلى ٧٦ ألف ريال ( نازلة ٦ ألاف ريال )
وال allure نازلة من ١١٠ ألف إلى ١٠١ ألف ريال ( نازلة ٩ ألاف ريال )

الألوان كلها موجودة ما عدا البيچ والأبيض اللؤلؤي
والدواخل متوفرة بيچ أو أسود لكل الألوان

كدة السيارة سعرها بقى معقول لو قارناها بسعرها في مصر
أنا شفت هناك تقريباً كل الألوان
الدواخل البيچ أشيك وأفخم بس مش شايفها عملية
الكراسي الجلد السوداء شييييييييييييك جداً

العروض دي في فرع الرياض بس حتى الآن

من فضلكم قولولي رأيكم في اللون الخارجي ، خاصة البني الغامق
المفروض أحجز خلال أيام قبل ما الألوان تخلص

ابيض على طول. حتى لو الفرش اسود بعد كدا الأسود لأن العربية دى بريستيج وطويلة ف بتبقى شغالة و الابيض والاسود

[Moratoz]

طبعا اه

[s7oda]

[right]
السلام عليكم

دة تقرير متواضع وسريع عن الجميلة ٥٠٨ هنا في السعودية
أنا بعد الإستخارة نويت بإذن الله أجيبها بس محتار أي فئة
موديل ٢٠١٣ موجود منة فئتين بس

ال allura بكل كمالياتها
سعرها ١١٠ ألف ريال وجمركها حوالي ١٠٠ ألف جنية

وال access مع بعض الكماليات الزيادة
سعرها ٨٢ ألف ريال وجمركها حوالي ٧٥ ألف جنية

ودي مقارنة بين ال allura و ال access ;

الجنوط ١٨الومونيوم (مقابل ١٦ حديد مع طاسات) حاجة تكسف!
حساسات خلفية وامامية وجانبية ( مقابل خلفية فقط )
إطار نيكل حول الزجاج من الخارج ( مفيش )
رشاشات لغسيل الأنوار ( مش مهم )
الأنوار زينون وليدات بتلف مع المنحنيات ( مقابل هالوجين بدون عدسة ومبتلفش )
المرايات بتضم كهربائياً ( مبتضمش ) مشكلة!
دخول بدون مفتاح ( بمفتاح ريموت )
تشغيل بدون مفتاح ( عادي بمفتاح )
فرامل يد الكترونية ( مقابل يدوية )
شاشة ملاحة ( مقابل شاشة صغيرة وتحتها رف )
نظام آي درايف ( مفيش ومكانة درج تخزين )
تكييف إلكتروني رباعي المناطق ( مقابل أحادي يدوي)
الكراسي جلد بتحكم كهربائي مع تدفئة ( مقابل قماش بتحكم يدوي بدون تدفئة )
نظام صوتي متطور مع ١٠ سماعات ( مقابل عادي مع ٨ سماعات )
شاشة لعرض السرعة وتعليمات الملاحة بنظام البروجيكتور تحت الزجاج الأمامي ( مفيش ) دلع!
الزجاج عازل للحرارة غامق شوية ( مقابل عادي )
ستارة خلفية و جانبية خلفية ( مفيش )
قياس ضغط الإطارات ( مفيش )
مانع سرقة ( مفيش )
٣ مداخل كهرباء ( مقابل واحد )
نظام نداء النجدة sos ( مفيش )

الفئتين طبعاً بالمحرك thp 1.6 156hp turbocharged مع جير تبترونيك مع بدالات خلف المقود
وفيهم ؛
تحكم بالسرعة
مثبت سرعة
شاشة معلومات بين عداد السرعة ولفات المحرك
usb
ضمان مليون كيلومتر أو خمس سنوات
صيانة ال ٢٥٠٠ كيلو مجانية وبعدين كل ١٠٠٠٠ كيلو وتكلفتها ثابتة ٥٥٠ ريال

السؤال؛
هل الفروقات دي تستاهل الفرق في السعر دة؟
٢٨ ألف ريال بالإضافة ل ٢٥ ألف جنية جمرك

باشا مسألتش عن موضوع الضمان وهتدخل ضمان هنا في مصر والا لا ؟

وبعدين عندك مسألت البنزين هل البنزين 95 او 92 اللي هيمشي معاها علشان فية عك كتير في الموضوع دة ؟ ولان البنزين الاحمر في السعودية ب تقريبا 40 هلله او ازيد شوية هنا عندنا في مصر ب 6 جنية مهمة جاااااااااااااامد تعرف الموضوع دة؟
والاهم شكرا على معلوماتك الجامدة دي

[princex1]

دي اسعار وصلتني بالايميل من فرع مكة

508 ACCESS SDN, PRICE SR75000++
508 ALLURE S/R , PRICE SR96999++
508 ALLURE OPT , PRICE SR99999++

sherifffff ممكن اعرف عامل ايه مع العربيه ة التوكيل ؟
و اسعار الجمارك دي اكيده؟

[eleanor]

اولا الخليجى مالوش ضمان فى مصر
ثانيا موديلات 2013 الى بتنزل مصر كلها التعديل الجديد يعنى بنزين 92 عادى جدا
والعربيه دى ولا الجنوط ال17 ولا 18 بيعملو بلالين علشان الكاوتش كبير مش رفيع زى الكورى علشان حوض العربيه كبير
توكل على الله واشترى الكامله هاتعجبك قوى واى استفسار تانى تحت امرك