اشتريت بيجو 301 اليوم

[toty froty]

الف الف مبروك و ربنا يبارك لك فيها و في انتظار التقرير ان شاء الله

[hamaka]

مبروك يا باشا وربنا يكفيك شرها

[Mohamed GEMY]

ممكن اعرف جبتها من اي معرض لان انا المفروض ان شاء الله هنزل احجزها اليوم او غدا

[mhf_77]

مليون مبروك وربنا يكفيك شرها ويديك خيرها ان شاء الله

[الجنرال]

الف مبروك طبعا على العربية .. ويا رب تكون فاتحة خير عليك وربنا يرزقك خيرها ويكفيك شرها ويحفظهالك يا رب

[Moh.El Saady]

الف مبروك عليك يا باشا بس ياريت تقرير شامل عن كل حاجة في العربية لأن في ناس كتير مستنة التقرير ده وياريت يكون بالصور بقة

[abdulhafeez]

الف مبروك
ربنا يديك خيرها ويعيذك من شرها

[dramir1]

ربنا يديك خيرها ويكفيك شرها ...في انتظار التقرير...هي تقفيل فرنسي؟؟
وياريت اسعارها والفرق بين الفئات

[aboamina]

الف مبروك كلنا مستنيين تقريرك عنها ان شاء الله لان في ناس كتير وانا منهم بنفكر نشتريها

[mohjarr]

ألف شكر لكم جميعاً الصراحة لم أتوقع كل هذه الردود .. إن شاء الله أول لما أستلم هأعمل تقرير مبدئى عنها و بعد ذلك تقرير أخر بعد الإستخدام.
إنطباعى الأول أن السيارة تقفيلها أكثر من جيدجداً الفئة الهاى لاين أفضل من البيس لاين من حيث الشكل و المضمون و تزيد عنها بجنوط 16 سبور و كاوتش ماركة ميشلان أو جوديير و سينسور الباركيج و و تكييف ديجيتال و و كاسيت بيلت إن شكلة أكثر من رائع خصوصاً بعد بدأ تشغيل السيارة و إضائة الأنوار و 2 إيرباج.
شنطة السيارة كبيرة جداً على الرغم من أنه لا يظهر ذلك قبل فتحها . عموماً شكل السيارة و جودة التقفيل كان من الممكن أن يضعها فى فئة سعرية أعلى من ذلك بكثير و أعتبرها صفقة كقيمة و جودة مقابل المال. يبدو أن التوكيل قام بتوزيع أول دفعة على المعارض ليحقق الإنتشار و الدعايا لها ولذا تجدها ببعض المعارض بزيادات متفاوتة مع الأخذ فى الإعتبار أن كل الألوان متوفرة ماعادا البعض المميز مثل Bianca White و Rich OAK

[mohjarr]

ممكن اعرف جبتها من اي معرض لان انا المفروض ان شاء الله هنزل احجزها اليوم او غدا

معرض أباظة أوتو تريد بس هايكون فيه زيادة عن السعر الرسمى للتسليم الفورى. بالنسبة للحجز من التوكيل أفاد أنه يوجد حجز الأن و الأستلام فى أحد الدفعتين القادمتين فى شهر 8 و شهر 9

[Muahmmad Honda]

الف مبروووووووووك و منتظر التقرير على نار !! قريت عنها فى اهرام الجمعة اللى فاتت و الصراحة عجبتنى جدا و سعرها بردو !! ربنا يباركلك فيها ان شاء الله

[mohjarr]

الف مبروك

لسه امبارح قريت عنها فى ملحق الاهرام للسيارات

سعرها خرافة بالنسبة لحجمها - اسمها - مميزاتها

احد مميزاتها الشنطة 640 لتر - انا عندى اللوجان الشنطة بحر 520 لتر

مكتوب سعرها يبدأ من 108000 جنيه

مقارنة السيارة من وجهة نظرى ب اللانسر او ربما ( الكورولا )

من حيث الكفاءة والراحة -

وطبعا انت الوحيد فى المنتدى اللى هيكلمنا عنها

ويستفيض فى الكلام

منتظرين بفارغ الصبر - بس ياريت كل صغيرة وكبيرة من اول ما تحط المفتاح فى الباب لغاية من

تنزل من العربية

بالنسبة للحجم سيدان ومش اى سيدان لأ - دى سيدان كبيرة

وبيجو - اسم بيجو يكفى حتى ركبت عجلة ماركة بيجو

إن شاء الله هأعرض التقرير بمجرد الإستلام و على فكرة إنت ممكن تشوفها فى معرض أباظه إللى فى شارع التسعين.. أنا شايف إنك ساكن فى نفس المنطقة بس إللى معروضة الأن البيزلاين و يوجد الهاىلاين بتاع السى إليزيه برضه فممكن تشوف الشكل الخارجى بتاع ال 301 على البيزلاين ثم تلقى نظرة على الهاى لاين بتاع الستروين لترى الفارق بين البيزلاين و الهاى لاين.

[asuity]

إن شاء الله هأعرض التقرير بمجرد الإستلام و على فكرة إنت ممكن تشوفها فى معرض أباظه إللى فى شارع التسعين.. أنا شايف إنك ساكن فى نفس المنطقة بس إللى معروضة الأن البيزلاين و يوجد الهاىلاين بتاع السى إليزيه برضه فممكن تشوف الشكل الخارجى بتاع ال 301 على البيزلاين ثم تلقى نظرة على الهاى لاين بتاع الستروين لترى الفارق بين البيزلاين و الهاى لاين.

ممكن اسالك ليه اخترت البيجو على الاليزيه.

[Moh.El Saady]

ألف شكر لكم جميعاً الصراحة لم أتوقع كل هذه الردود .. إن شاء الله أول لما أستلم هأعمل تقرير مبدئى عنها و بعد ذلك تقرير أخر بعد الإستخدام.
إنطباعى الأول أن السيارة تقفيلها أكثر من جيدجداً الفئة الهاى لاين أفضل من البيس لاين من حيث الشكل و المضمون و تزيد عنها بجنوط 16 سبور و كاوتش ماركة ميشلان أو جوديير و سينسور الباركيج و و تكييف ديجيتال و و كاسيت بيلت إن شكلة أكثر من رائع خصوصاً بعد بدأ تشغيل السيارة و إضائة الأنوار و 2 إيرباج.
شنطة السيارة كبيرة جداً على الرغم من أنه لا يظهر ذلك قبل فتحها . عموماً شكل السيارة و جودة التقفيل كان من الممكن أن يضعها فى فئة سعرية أعلى من ذلك بكثير و أعتبرها صفقة كقيمة و جودة مقابل المال. يبدو أن التوكيل قام بتوزيع أول دفعة على المعارض ليحقق الإنتشار و الدعايا لها ولذا تجدها ببعض المعارض بزيادات متفاوتة مع الأخذ فى الإعتبار أن كل الألوان متوفرة ماعادا البعض المميز مثل bianca white و rich oak

هو البيس لاين فيها نوع كاوتش مختلف؟؟؟ ولا هو الفرق في الجنوط فقط؟؟