إعـــــــلان

Collapse

.

,
See more
See less

معلومات و تقييم للبيجو 508

Collapse
X
 
  • Filter
  • الوقت
  • Show
Clear All
new posts

  • معلومات و تقييم للبيجو 508

    هذه اول مشاركة لى فى المنتدى لكنى متابع من فترة طويلة, اتمنى ان تنال رضاكم
    اشتريت عربية 508Base line من فترة و هى عملا 1150 كيلو بالضبط, اول صيانة عند 2500 كم, لكنى رحت مركز الصيانة مرتين للاستفسار و رؤية السيارة نفسها فى الصيانة.
    حبيت اشارك معكم رأيي كمالك و مزاياها و عيوبها عشان لو حد بيفكر يشتريها




    نبدأ الموضوع
    الموتور 10/9
    - 156 حصان تربو رهييييييب, العربية سحبها ما شاء الله ممتاز , و للعلم انا بحط بنزين 92, اكيد فى فرق عن ال 95 لكن لو شفت فرق الاداء بالنسبة لفرق سعر البنزين ده غير ان 95 بيتغش ف اغلب محطات مصر.
    - 92 بيخلى صوت العربية عالى اول ماتدور لكن بينزل بعد 3-4 دقايق, نسبة انضغاط المتور 10.5 : 1 و دى نسبة بالعافية تنفع 92 , لو كانت 1:11 كان بقى مستحيل 92.
    - 92 فى الطلعات الشديدة DRAG بيخلى العربية تكركر سنة بس ال ECU بيلحق و يظبط دورة الحرق فمبتحسش بيها الا لو كان الشارع حواليك هادى ( دى حاجة مزعجة لو كنت من نوع اللى بيحبو السواقة الرياضية و الحرق, لو كانت سواقتك هادية و جوه قلب المحافظة مش هاتحس بيها نهائيا).
    - بصراحة 92 ممشينى كويس , تفويلة ال 95 بتخش على 360-400 جنية, تفويلة ال 92 تخش على 100 جنية عشان تانك العربية 72 ليتر, من الاخر اداء 92 بتاع 85-90% من ال 95 و لكم الاختيار.
    - كنت بامشى بيها على نزلة على 160 (لسة فى التليين و مش عايز اشد عليها) ولا تسمع للمتور صوت و تحس ان الاحصنة عايزة تكمل عادى ( كان معايا النترا 2012 قبلها , سحب الانترا بعد ال 100 زى ال 508 بعد ال 150).


    العفشة 10/8
    - ممتازة لكن بها بعض الطقطقة الخفيفة تكاد لا تحس بها, لكن التوكيل قال كده عادى فى الاول و بدأت تختفى بالتدريج فعلا.

    الامان 10/9
    - 6 وسائد هوائية – ABS – EBD ----- ستاندارد النظام الاوروبى, الصراحة ال ABS ممتاز و ساعدنى كتييير فى انى ملبسش ف مطبات قدامها رملة بسرعة عالية.

    التوكبل
    - رحت مركز ابو رواش اشوف ايه نظام الصيانة, قطع الغيار متوافرة و بالنسبة لمثل فئاتها تعتبر رخيصة, المشكلة ان مصنعية التوكيل نااار , يركبوا انذار مثلا ب 1500 جنية, و ده عيب فى النوكيل.
    - الناس محترمين و مؤدبين فى المركز و علم و خبرة بالعربية جيدا , لكن كله بتمنه , ادفععع.

    الامان للسيارة
    - اموليزر مانع سرقة
    - الانذار لو طلبته, التوكيل يركبهولك بعدها ب 45 يوم عشان بيجيبوه من فرنسا ب 3500 جنية و مصنعية 1500 جنية , بس بصراحة تكنولوجيا الانذار تستاهل.
    - الانذار رباعى الانظمة يعنى :
    1- يصفر لو حد حاول يفتح بمفتاح متقلد غير الاصلى.
    2- يصفر لو الزجاج تغيرت ملامحة ( يعنى لو حد سرطن الزجاج بالسبراى من غير ما يهز العربية)
    3- يصفر لو حد جلس على اى كرسى او دخل فى اى حتة فى فراغ العربية الداخلى – سينسور مساحة)
    4- دى ماينفعش تركب فى مصر – و هى سنسور ميول لو العربية جت تتجر بونش – تصفر على طول

    الفخامة : ما شفت احلى من كده خامات و تشطيب , تحس انها BMW او Mercedes .
    الكنبة الخلفية تتنى للاخر و تبقى مفتوحة بحرى عالشنطة
    ممكن تضبط ارتفاع اضائة النور الواطى ل 3 مراحل من الارض
    كماليات لا تعد فعلا, تحتاج تقرا الكتالوج 330 صفحة عشان تعرف كماليتها
    الوسع من جوه رهيب قدام و ورا و فى الشنطة تحط جمل.
    انا ال High line مدخلتش دماغى عشان السمارت كى غير مألوف بالنسبالى, لو نسيتها دايرة او حاجة, ده غير ان اعطاله رخمة و احيانا السنسور بتاعه بيهنج و ده كلام حد من جوه بيجو.




    المزايا:
    - موتور جبار, ما تحس انه 1600CC .
    - فرامل قوية و مستقرة.
    - اقتصادية ( التفويلة بتقعد معايا 9 ايام, متوسط مشاويرى اليومية 70 كم اغلبها طريق سريع ).
    - فخامة BMW من جوه.
    - كراسى مريحة جدا مع مسند رأس جديد من نوعه.
    - واسعة جدا ( طولى 182 سم و ليا صديق طوله 176 سم خليته يقعد فى الكنبة ورائى و ركبه مش لامسه الكرسى الادام وانا قاعد مستريح عال اخر.
    - تكييف تحفة, بيتلج العربية فى عزالظهر فى اقل من 5 دقائق+ يوجد مبرد فى التابلوه و فى المسند الجانبى + 4 فتحات خلفية لكن ال High line تضيف امكانية التحكم فى درجة التكييف الخلفى .


    العيوب:
    - زاوية رؤية المرايات الجانبية صغيرة الى حد ما
    - التوكيل مصنعيته نااااار
    - لا يمكن اى حد غير التوكيل يمد ايده فيها عشان انظمتها المعقدة.
    - لمبة الحزام و صوت التنبيه للركاب الاماميين ما بيطفى و بيكون مزعج جدا حتى يجبرك على شد الحزام (بشده ورا ضهرى و اسند عليه)
    - الاستبن اللى معاها طاسة, بصراحة عيب
    - بيديك مفتاح ريموت و مفتاح ب شفرة لكن بدون ريموت ( عيب على بيجو الصراحة )
    ارجو ان اكون افدتكم, معلش عال رغى الكتير

    Last edited by The_League; 19-05-2013, 09:49 PM. سبب آخر: تصحيح معلومة رقم

  • #2
    الف مبروك عليك بس كان لزوم شوية صور لازوم التفاريح كده هههههههه

    Comment


    • #3
      أنا مش عاوز أقولك عشان هبقى بضرك مش بنفعك

      انذار الحزام بيفصل بعد 120 ثانية , بس يا ريت تلبسه أأمنلك لانه ال airbags ممكن تؤذيك
      لانك كده بالنسبة للعربية رابط الحزام و ال airbags هتفتح

      Comment


      • #4
        المشاركة الأصلية كتبت بواسطة hossam_elwani مشاهدة المشاركة
        الف مبروك عليك بس كان لزوم شوية صور لازوم التفاريح كده هههههههه
        الله يبارك فيك , صور جوجل احلى , العربية متربة و حالتها نيلة

        Comment


        • #5
          تقيم رائع
          مشكورررر ..

          Comment


          • #6


            Uploaded with ImageShack.us
            المفتاحين

            Comment


            • #7
              المشاركة الأصلية كتبت بواسطة lanos.lover مشاهدة المشاركة
              أنا مش عاوز أقولك عشان هبقى بضرك مش بنفعك

              انذار الحزام بيفصل بعد 120 ثانية , بس يا ريت تلبسه أأمنلك لانه ال airbags ممكن تؤذيك
              لانك كده بالنسبة للعربية رابط الحزام و ال airbags هتفتح

              شكرا على النصيحة , فعلا ال air-bags أامن مع الحزام :D

              Comment


              • #8
                ربنا يباركلك يابشا ف عربيتك ويرزقك خيرها ويكفيك شرها

                بس معلش , انا مش مصدق ان فيه حد لسة مبيلبسش حزام الامان

                ياباشا المفروض تبرمج مفسك عليه , وقبل ماتشغل العربية تكون لابسه
                [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

                Mr_7oda سابقا

                Comment


                • #9
                  المشاركة الأصلية كتبت بواسطة mahmoud nagieb مشاهدة المشاركة
                  ربنا يباركلك يابشا ف عربيتك ويرزقك خيرها ويكفيك شرها

                  بس معلش , انا مش مصدق ان فيه حد لسة مبيلبسش حزام الامان

                  ياباشا المفروض تبرمج مفسك عليه , وقبل ماتشغل العربية تكون لابسه

                  شكرا لمرورك , اهو بحاول اعود نفسى عليه ههههههه

                  Comment


                  • #10
                    بسم الله ما شاء الله.
                    الف مبروك وربنا يديك خيرها ويكفيك شرها.
                    جبت لون ايه بقى ؟ والفرش الداخلي لونه ايه ؟
                    وايه الفروق الجوهريه بين الbase line والhigh line ؟؟ اصل ماشوفتش حد اشترى الhigh line خالص !

                    شكرا مقدما :)

                    Comment


                    • #11
                      المشاركة الأصلية كتبت بواسطة mahmoud_afifi مشاهدة المشاركة
                      بسم الله ما شاء الله.
                      الف مبروك وربنا يديك خيرها ويكفيك شرها.
                      جبت لون ايه بقى ؟ والفرش الداخلي لونه ايه ؟
                      وايه الفروق الجوهريه بين الbase line والhigh line ؟؟ اصل ماشوفتش حد اشترى الhigh line خالص !

                      شكرا مقدما :)
                      الله يبارك فيك, جبتها رمادى فاتح, و الفرش اشود لكل الBase line
                      الفرق بينهم ان ال High line تزيد ب:
                      1- فتحة سقف
                      2- جنوط 17 بدل 16
                      3- سمارت كى
                      4- كشافات زينون بتلف مع الدركسيون
                      5- فرامل يد كهرباء
                      6- ستائر خلفية مع الزجاج
                      7- دواسات جلد
                      8- ممكن تختار دواخل اسود او بيج
                      9- تكييف رباعى المناطق بدل الثنائى
                      اعتقد لا يوجد فرق اخر, شكرا

                      Comment


                      • #12
                        المشاركة الأصلية كتبت بواسطة the_league مشاهدة المشاركة
                        الله يبارك فيك, جبتها رمادى فاتح, و الفرش اشود لكل الbase line
                        الفرق بينهم ان ال high line تزيد ب:
                        1- فتحة سقف
                        2- جنوط 17 بدل 16
                        3- سمارت كى
                        4- كشافات زينون بتلف مع الدركسيون
                        5- فرامل يد كهرباء
                        6- ستائر خلفية مع الزجاج
                        7- دواسات جلد
                        8- ممكن تختار دواخل اسود او بيج
                        9- تكييف رباعى المناطق بدل الثنائى
                        اعتقد لا يوجد فرق اخر, شكرا
                        متشكر جدا على رد حضرتك

                        الفروقات كلها يمكن الاستغناء عنها بس الفرش البيج عليها في الصور على النت شكله ماشاء الله وهم خساره انه موجود في اعلى فئه بس.

                        ربنا يباركلك في العربيه يارب

                        Comment


                        • #13
                          ربنا يباركلك فيها و يكفيك شرها .
                          الانذار امكانياته رهيييييييييييييييييه و مش خساره فيه الفلوس...
                          و ربنا هو الحارس فى الاول و الاخر .

                          Comment


                          • #14
                            الف مبروك يا باشا و تتربى فى عزك ههههههه. ربنا يباركلك فيها ان شاء الله. انا بس ليا ملاحظه انى حاسس ان قطع غيار البيجو دايما بسمع ارقام مبالغ فيها جدا فهل ده فى كل قطع الغيار ولا الحاجات الدوريه سعرها عادى و لا ايه بالظبط؟
                            mohamed

                            Comment


                            • #15
                              المشاركة الأصلية كتبت بواسطة Mohamed said مشاهدة المشاركة
                              الف مبروك يا باشا و تتربى فى عزك ههههههه. ربنا يباركلك فيها ان شاء الله. انا بس ليا ملاحظه انى حاسس ان قطع غيار البيجو دايما بسمع ارقام مبالغ فيها جدا فهل ده فى كل قطع الغيار ولا الحاجات الدوريه سعرها عادى و لا ايه بالظبط؟
                              الله يبارك فيك, اللى انا فهمته ان الصياة الدورية رخيصة بالنسبة لفئتها, تكاد تكون كالاقل منها , كان عندى ورقة بكا اسعار قطع الغيار من شهرين قبل ماجيب السيارة بس للاسف ضاعت , بس انا فاكر ساعتها انها كانت ممتازة (كنت بقارنها بالسيفيك الهاى لاين و كانت السيفيك اغلى فى قطع غيار معظم الحاجات مع انها category اقل) اول ماروح الصيانة تانى هاسال و ساوافيك بالتفاصيل شكرا


                              اا بالمناسبة, هما مصنعيتهم حراقة اوى تكاد تكون ضعف او 3 اضعاف بالنسبة لباقى التوكيلات, ممكن تجيب منهم القطعة و تحاول تركبها بنفسك
                              Last edited by The_League; 20-05-2013, 09:10 PM. سبب آخر: اضافة

                              Comment

                              Working...
                              X