مشكلة في 406

[shadygalal669]

بسم الله الرحمن الرحيم

السلام عليكم و رحمة الله

انا معايا عربيه بيجو 406 موديل 1999
اللي حصل اني كنت في مشوار و طالع كوبري وعلي طلعه الكوبري العربيه كانت واخده ال3 و هديت عشان الطريق زحمه و مشغل التكيف و العربيه جت سقطت غيار عشان تطلع الكوبري لقيتها اول ما سقطت الغيار بطلت ادورها تدور لكن اول ما ادوس بنزين تبطل تاني علي طول
كان في ميكانيكي علي الكوبري بموتسيكل كدا جه فتح الكبوت وكان معاه مفتاح قلب حاجه او فتح حاجه تحت عند الجزء اللي معلم عليه ده



وبعدين قالي دور قامت العربيه دارت و مفيهاش مشاكل و بعدين فتح علبة الفيوزات اللي خلف البطاريه و قلب الفيشه المربعه مش لاقيلها صوره للاسف هي في علبة الفيوزات اللي خلف البطاريه و قالي انا كدا قالب الفيشه و العربيه مشيت قالي حساس مش فاكر ايه طار من العربيه و راح اشتري حساس تاني مكانه و نزل تتحت العربيه ركبه من تحت كدا حساسا منغير اي فيشه عباره عن حلقه دائريه كدا

انا مكنتش عارف اروح معاه لان كان معي اختي و امي و زوجة اخي

المهم العربيه قعدت يومين كدا و عملت نفس القصه تاني مع اخويا راح لميكانيكي قاله افضل فيشه البطاريه و رستر الكمبيوتر و هتدور و ده اللي حصل فعلا

مجرد ما رستر الكمبيوتر العربيه مشيت عادي وقاله لو عملتها تاني رستر تاني وخلاص

انا عايز اعرف ايه اللي عمله الراجل ده خلاها تدور في الاول وايه الحساس اللي عامل زي الحلقه ده يادوبك حط عليه زيت وركبه من تحت
وممكن يكون ايه العيب دلوقتي ؟؟

اسف علي الاطالة

[egyptiandiver]

ربنا معاك و الاخوة يساعدوك في قسم بيجو.

[shadygalal669]

يارب

[shadygalal669]

upppppppppppppp

[abou-yahia]

لا مش عارف

[abou-yahia]

ومش عارف تقريبا الميكانيكي ده عمله اشتغاله بموضوع الحساس

لان تقريبا مفيش حساس من اسفل غير الشكمان

وفوق مطرح العلامه فيه حساس الهواء والستيبر

الستيبر لما يكون فيه مشكله يعمل موضوع القطع بتاع العربيه

بس بيكون ليه مقدمات

وبرضك ضربه المفتاح فيه متهيالي متفرقش

عموما ياريت توديها لحد بيفهم

وان شاء الله خير

[shadygalal669]

تمام الف شكر يا رجاله

هروح اوديها عند علي اللي في صقر قريش

[mohamedadelemam]

متابع لحضرتك وياريت حضرتك تقول لنا عملت فيها ايه وشكرا

[م أحمد]

هى مش الحتة دى بتاعت أيدل البنزين ؟؟؟

كانت بتقطع معايا و الراجل نظفه و بطلت تقطيع بس قال لى عايز يتغير ، سعر الاستيراد 100 جنيه و الجديد فوق ال500 تقريبا

[mohamedadelemam]

متشكر جدا لحضرتك يا فندم

[mbx4e]

عندك نور في شارع بورسعيد من ناحية السواح ممكن يفيدك جدا وحاجتهم اورجنال ونظيفه ويدلوك على ميكانيكية بيجو على اصولها

[mbx4e]

روح له بعد العصر اسال على الاستاذ محمد

[eleanor]

الحساس ده حساس الكرنك وده كده باظ ولازم واحد جديد
والفيشه هو ماقلبهاش هو فصلها من الفيوزات وركبها تانى حاجه زى الريستارت بس من غير مايفصل البطاريه وده خطر على لوحه الكمبيوتر
غير حساس الكرنك بواحد اصلى وافصل البطاريه وفضى الشحنه الزياده اللى فيها علشان ماتزودش كهرباء معاك وان شاء الله هاتبقى تمام