رائي المتواضع في 301

[osamaos20022]

مبدائيا الحكم مبني علي خبره كبيره بالسيارات الفرنسيه
استمرت الي 10 سنوات حتي الان
بدايه من ميجان 1 الي ميجان 2 تم الللوجان
حاليا بفكر اغير اللوجان باخري تكون اتوماتيك
ولعدم افتناعي ان سياره كوري متوسطه يندفع فيها 140 الف
كان امامي اختيار الفرنساوي من جديد وذلك لسهوله الصيانه والحصول علي قطعه الغيار بالنسبه لي
فكرت في 301
واول ما وصلت التوكيل فرع طنطا اتصلوا بي
روحت شوفتها
شكلها الخارجي جيد لو انه اقل من المعتاد للبيجو واقل من الستروين
التابلوه شكله جيد لكنه فقير الخامات الي اقصي حد لا يزيد اي شئ عن اللوجان
يعيبه زراير الزجاج
الصالون واسع والشنطه بحر
اخطر ما في الموضوع
وش العربيه تفتح الكابوت
تلاقي اخطر ما في الموضوع الكشاف علي الهواء مفيش سدر للعربيه
يعني خبطه بجون من الجنب بجون
قررت ان لا تصلح نهائيا خدت بالي منها لوحدي رغم ان كان معاي محترف سيارات
وبصراحه رغم كرهي للكوري الا ان الريو تكسيب وبقوه والنسيان برده صفقه اقيم
واللي شاف الستروين يقول نفس البنظام ولا ايه

[Moh.El Saady]

حضرتك تقصد ايه ان زراير الزجاج فيها عيب؟؟ ويعني ايه الكشاف على الهواء ممكن توضيح بعد اذنك؟

[osamaos20022]

زراير الزجاج في نصف التابلوه ولا يوجد كنترول في الابواب

الكشاف علي الطاير يعني من غير حمايه من صاج العربيه او التي تسمي صدر العربيه

[Moh.El Saady]

زراير الزجاج في نصف التابلوه ولا يوجد كنترول في الابواب

الكشاف علي الطاير يعني من غير حمايه من صاج العربيه او التي تسمي صدر العربيه

بالنسبة لموضوع زراير الزجاج لا اعتقد ان ده عيب هو بس مكانها متغير وموجودة بجوار الفتيس وده من وجهة نظري ميزة لأنه تغيير مش زي اي عربية تانية

بالنسبة لموضوع الفوانيس انا ما شوفتهاش بصراحة ومفهمش فيها بس برده ده مش عيب خطير قوي يعني على ما اعتقد

[mahmoud_afifi]

رأي حضرتك يحترم طبعا. بس موضوع الزراير ده وجهات نظر. يعني الحكايه دي كانت موجوده في المرسيدس موديل الثمانينات ومتهيألي اوائل التسعينات. يعني مش حاجه جديده او توفير لأنها كانت في المرسيدس ! وانا عن نفسي شايف ان شكل الزراير لذيذ ودي اراء :)
بالنسبه للخامات انا مش خبير في الفرنسي بس متهيألي كل الفرنسي كده او بحسه نفس الخامه دي.
اما بالنسبه لموضوع الصدر دي الي غريبه فعلا!
وشكرا للتقييم

[mohjarr]

أحترم رأيك على الرغم من أنى لم ألاحظ حكاية الكشافات دى بس متهيألى لو أية عربية أخدت خبطة فى الفانوس برده هايتكسر! موضوع الزراير ده موجود فى عربيات فرنساوى أخرى على سبيل المثال الرينو الداستر و ده مش عيب فيها .
بالنسبة للسيتروين إللى هاينطبق على البيجو هاينطبق على السيتروين .
معلش سؤال هوه حضرتك رأيت أية فئه من البيجو 301 .

[nafea]

مبدائيا الحكم مبني علي خبره كبيره بالسيارات الفرنسيه
استمرت الي 10 سنوات حتي الان
بدايه من ميجان 1 الي ميجان 2 تم الللوجان
حاليا بفكر اغير اللوجان باخري تكون اتوماتيك
ولعدم افتناعي ان سياره كوري متوسطه يندفع فيها 140 الف
كان امامي اختيار الفرنساوي من جديد وذلك لسهوله الصيانه والحصول علي قطعه الغيار بالنسبه لي
فكرت في 301
واول ما وصلت التوكيل فرع طنطا اتصلوا بي
روحت شوفتها
شكلها الخارجي جيد لو انه اقل من المعتاد للبيجو واقل من الستروين
التابلوه شكله جيد لكنه فقير الخامات الي اقصي حد لا يزيد اي شئ عن اللوجان
يعيبه زراير الزجاج
الصالون واسع والشنطه بحر
اخطر ما في الموضوع
وش العربيه تفتح الكابوت
تلاقي اخطر ما في الموضوع الكشاف علي الهواء مفيش سدر للعربيه
يعني خبطه بجون من الجنب بجون
قررت ان لا تصلح نهائيا خدت بالي منها لوحدي رغم ان كان معاي محترف سيارات
وبصراحه رغم كرهي للكوري الا ان الريو تكسيب وبقوه والنسيان برده صفقه اقيم
واللي شاف الستروين يقول نفس البنظام ولا ايه

انت قصد حضرتك سدر العربيه او بيقولوا عليها القاطمه اللى بيركب فيها الشبكه والفوانيس ؟؟؟

موجودهوفيه البلاستيك مغطيه .... استحاله الكشافات تبقى متعلقه فى الهوا ... وممكن تخش على جوجل وتعمل سيرش فى الصور وهتلاقى كلامى صح

وموضوع الزراير انا شايفه ميزه مش عيب وبالذات اللى ورا علشان الاطفال

ان شوفت العربيه بنفسى وما شاء الله تحفه ....


وانا شايف ان الخامات الداخليه زى الطابلوه والفرش مينفعش تقارنه بلوجان وبالنسبه لسعرها انا شايف انها wow بالنسبه لفئات تانيه زى الريو والاكسنت اللى هى نازله علشان تنافسهم


وفى الاخر احب اقول لحضرتك ان العربيات ازواق

تقبل مرورى

[adelghanem]

حضرتك تتاكد من صدر العربية تانى وتعيد تقييم العربيه

[koj@k]

أي حد يشوف اللوجان وال elysee أو ال 301 هيعرف فرق الخامات

أنا لا معايا دي ولا دي
بس دي كلمة حق

ال elysee وال 301 افخم بكتيييير

[kar!m]

الفيكترا لحد 2003 .. برضه مفاتيح الزجاج جنب الفتيس.

[Habd]

مش لما الناس تشتريها و تقيمها الاول :)
و بعدين يا باشا انت معاك لوجان او مجربها و زرايرها ف النص برضه يعنى المفروض اتعودت :)
تمشى الاول العربيات و تتجرب حوالى سنة كده و لا حاجة و بعدين يبقى فيه كلام

[Ahmed Amin]

أي حد يشوف اللوجان وال elysee أو ال 301 هيعرف فرق الخامات

أنا لا معايا دي ولا دي
بس دي كلمة حق

ال elysee وال 301 افخم بكتيييير

+111 كلام مظبوط.

أنت بتقارن رينو لوجان, ب بيجو 301 وسيتروين اليزيه !!!

شكلها الخارجي جيد لو انه اقل من المعتاد للبيجو واقل من الستروين

أنت مش واخد بالك أنت بتتكلم عن عربية بكام, ونازلة لأنهي شريحة من الناس وفي أنهي شريحة سعرية.

ياراجل دانت نفسك بتقول

ولعدم افتناعي ان سياره كوري متوسطه يندفع فيها 140 الف

فا لو عايز حاجة مش أقل من المعتاد ممكن تروح علي 308 أو 508 أو 5008 أو c4 أو ds5.
وممكن تبدأ بال 207 وال 308 لو بتدور عال سعر, تلاقي سعرهم هتلاقي سعرهم قريب من ال 140 وعربية فخمة ومريحة ومتانة وأمان.

واول ما وصلت التوكيل فرع طنطا اتصلوا بي

ممكن تقولي توكيل بيجو فين دا اللي في طنطا.! عشان اللي أعرفه أن طنطا مفهاش توكيل لا بيجو ولا مركز خدمة معتمد..
كانت فين المكان دا اللي شوفت فيه العربية.

قررت ان لا تصلح نهائيا خدت بالي منها لوحدي... رغم ان كان معاي محترف سيارات

والعربية لا تصلح نهائي وأخد بالك منها لوحدك ؟!!
لا تعليق بصراحة.

[osamaos20022]

LeitoSR

طريقه الرد مستفزه جدا

صاله عرض توكيل بيجو في شارع الامين

[Ahmed Amin]

أسامة بيه. انا مكنتش حابب ارد ف الموضوع دا تاني, بس حابب اوضح لك نقطة واحدة بس وهيا ان ردي السابق كان رد علي كلامك.!! تعقيب يعني. لانه كان بالنسبة لي كان الكلام مستفز مع احترامي ليك..

لما تكون بتقول انك واحد خبرة كبيرة بالسيارات الفرنسية,,,
و ١٠ سنين ورايح تشوف عربية ومسكت ف الفانوس بتاعها وقلت انو مش متثبت كويس فبكدا استنتجت إن "العربية لا تصلح نهائياً".!! وكل دا عشان فانوس .؟؟!!
فادا كان كلام مستفز للقراءة. ومش كلام من واحد خبرة أبداً.

مع العلم ان كل فوانيس البيجو في الغالب بتبقي متثبتة علي تلات محاور اتنين من فوق في كورسليه العربية وقاعدة من تحت. ومفيش عربية اوروبي او حتي صيني هتبقي بالشكل اللي انت وصفته دا.

ومع إني لسه مشوفتهاش بس مش منطقي كلامك ان الفانوس في الهوا. يعني لو مشيت بسرعة بقي ودوست فرامل مرة واحدة الفانوس هيقع مثلاً.؟؟ او هيقع من المطبات.!! معلش فهمني يعني أيه

تلاقي اخطر ما في الموضوع الكشاف علي الهواء مفيش سدر للعربيه
يعني خبطه بجون من الجنب بجون
قررت ان لا تصلح نهائيا خدت بالي منها لوحدي رغم ان كان معاي محترف سيارات

طيب لو خبطة بالجون او بيجو صممت كشاف عال هوا يبقي احسن لهم يغيرو نشاط ويروحو يبيعو لب بقي مادام حاطين الكشاف علي الهواء ومش متثبت كويس وكويس جداً بجسم العربية.!

الكشاف علي الطاير يعني من غير حمايه من صاج العربيه او التي تسمي صدر العربيه

طيب وبالنسبة لفانوس الكورولا والكامري والاند كروزر ومعظم العربيات الجديدة اللي فانوسها بارز عن صاج العربية لتعزيز الايرودينامكس، بتسمي دا عيب خطير في العربية برضه. ولا تصلح نهائياً


خليني أسئلك قرارك دا جه عليه أيه,
يعني أولاً فين تجربتك للعربية "القيادة" عشان تحكم عليها كسواقة وكراحة وثبات..
بعدين تبدأ تشوف بعد السواقة والراحة الإمان الإكسسوارات اللي فيها والجوانب الجيدة فيها مقارنة بسعرها والجانب السيئة.

يعني انت رأيك المتواضع فالعربية يحترم طبعاً ودي حاجة تخصك وترجع لك.
لكن لما تقول ان العربية لا تصلح أبداً عشان مش عاجبك فانوسها. فا دا كلام هواه.. لا من خبرة ولا يعجب اي حد مالك للعربية او بيفكر يشتريها.
ومن هنا كان ردي عليك، اللي هوا رد علي كلامك.

بعدين أنت بتقارن خامات البيجو الداخلية باللوجان وبتقول

""التابلوه شكله جيد لكنه فقير الخامات الي اقصي حد لا يزيد اي شئ عن اللوجان""

طيب بالعقل خلينا نشوف الصورتين دول.





انا مش هعيب ف اللوجان ولا بعيب ف عربية أي احد. بس بص كدا تاني عال صورتين وقولي أنت بتقارن أيه بأيه, وإزاي.؟!!

انت بتقارن ما بين عربية ال base موديل بتاعه ١٠٧ الف. واعلي فئة فيها ب ١٣٤ الف.
بعرببة كوري ب ١٤٠ الف وعربية رينو متقفلة ف المغرب,

البيجو اللي مش عاجباك خاماتها ومواصفاتها دي عربية مواصفات اوروبي ومتقفلة ف أوروبا أسبانيا بالتحديد. مش متقفلة في المغرب زي اللوجان. ولا مواصفات كوري.
يعني مفيش تهريج من ناحية الأمان واختبارات البيئة لإن الاتحاد الأوروبي شديد مع المصنعين في الكلام دا.
وعربية سعرها اللي بتبدأ منه ١٠٧ ألف مقارنة بأنها عربية أوروبي وسيدان ومتقفلة ف أوروبا وقطع غيارها سعرها معقول مقارنة بالياباني والكوري يعني مش اغلي وفي حاجات ارخص منهم كمان تبقي كلمة Good Deal شوية عليها. وكفاية أسم بيجو لوحدة والأسد عليها.

عندك عربيات بيجو ال ٥٠٥ كانت عندنا او ال ٥٠٤ موديل ٧٧ و ٧٨ و ٨٠. شغالين علي موقف طنطا واسكندرية الزراعي وفي عبود كمان كل يوم شغل متواصل. بتقطع كل يوم مشوار مش اقل من ٢٥٠ كيلو رايح جاي.
وزي الفل لحد انهارده بتدور من أول تكة وسحبها ممتاز. لا يكاد يقل شئ عن العربيات الجديدة.
هاتلي كدا عربية ياباني ولا كوري او حتي اوروبي تاني. وانت تعرف الفرق ما بين صناعة بيجو ومواتيرها وعمرها وبين أي شركة تانية حتي لو ياباني او كوري.

اخر حاجة انت بتناقد نفسك في اول الكلام مستكتر ال ١٤٠ الف علي عربية كوري.. و بتعيب في عرببة بيجو اوروبي نازلة للفئة المتوسطة و البيز موديل فيها ب ١٠٧ الف ودي حاجة محصلتش من فترة كبيرة بالنسبة لعرببة اوروبي وتقفيل وخامات أوروبي.
وبتقول الريو تكسب وبقوة وبقو حلوين ال ١٤٠ عليها..!!!!

طيب لو مكنتش بتدور عال سعر زي ما بدأت في اول الموضوع. ممكن تزود ١٠ الاف وتشتري بيجو ٣٠٨ اول فئة.
وهتبقي وهتبقي مسكت العرببة من النص جبت عربية بيجو فرنساوي. وخامات وامان وراحة واكسسوارات وعربية تعيش وكل اللي انت عاوزة.
لكن واضح انك عايز المعادلة الصعبة. عربية في خامات واكسسوارات ال ٣٠٨ و ٥٠٨ بسعر ١٠٠ الف جنيه. ولما روحت شوفت البيجو ال ٣٠١ كنت باني أمل علي كدا واتصدمت لما لاقيتها بسيطة شوية في تصميمها. ونسيت خالص انت كنت رايح تشوف عربية بتتكلم في بيز برايس ١٠٧ الف واوروبي.

انا من رأيي ان العربية جميلة جدا كمواصفات مع سعر وانا بتوقع لها نجاح كبير إن شاء الله.
وشكرا علي عنوان الصالة. انا مكنتش اعرف ان في صالة لبيجو في طنطا وهبقي أروح وأبص عليها.

[abou-yahia]

المقارنات لازم تتصف بلموضوعيه

ولازم يكون صاحبها عنده مرونه لان في الاخر المسائل نسبيه جدا

وبتختلف من شخص لاخر

يعني لازم الواحد يحط اعتبارات كتير في التقييم

نفس الفئه السعريه الفئه المستهدفه اعتبارات الامان التاريخ السابق لمثيلاتها الخبره الواقعيه اقتصاديات التشغيل
وهلم جرا

الاستاذ http://www.nilemotors.net/Nile/members/11385.html مش فصده اكيد يستفز حضرتك بدليل انه وافق حضرتك في بعض النقاط واختلف في اخري

والهدف هوه الوصول لتقييم موضوعي ليس اكتر

وشكرا علي سعه صدرك