هام جدا بخصوص 301 , نظام التعليق الخلفي!!!

[zooma2009]

اعتقد من اهم الاشياء اللي لازم نتأكد منها نظام التعليق

انا سألت التوكيل ومحدش جاوبني علي نظام التعليق الخلفي

الامامي ماكفرسون عادي زي اي عربيه لكن الخلفي مالتي لينك ولا تورشن بيم؟؟؟

محدش جاوبني .... لدرجه اني نزلت مره تحت العربيه فالمعرض عشان اشوفها وعلي اد معلوماتي المتواضعه انها مش مالتي لينك

لأن فيه عمود واصل بين العجلتين من ورا والسوست والمساعدين مش جوا بعض

استنتاجي الشخصي انها torsion beam "twist axle" اللي هيا قضيب التوائي



وطبعا المالتي لينك افضل فالثبات والنعوميه ومع فواصل الكباري واقل فالتنطيط الخلفي

ياريت رأي الخبراء في بيجو عن نظام التعليق ده لأنه فالسيراتو عامل مشاكل جامده ومخلي العربيه ناشفه وبتتنطط من ورا
مع ان نفس النظام فالتويوتا كورولا الشكل القديم والعربيه ناعمه جدا مع انها برضه مش ثابته اوي

انا قلت انقل الخبر للأمانه لأن اكيد محدش لسه عارف؟

وياريت لو حد استلم العربيه يقولنا ايه الاخبار؟

علي فكره انا كنت حاجز اليزيه وغيرت وحجزت بيجو 301 وربنا يقدم اللي فيه الخير

[asuity]

اعتقد من اهم الاشياء اللي لازم نتأكد منها نظام التعليق

انا سألت التوكيل ومحدش جاوبني علي نظام التعليق الخلفي

الامامي ماكفرسون عادي زي اي عربيه لكن الخلفي مالتي لينك ولا تورشن بيم؟؟؟

محدش جاوبني .... لدرجه اني نزلت مره تحت العربيه فالمعرض عشان اشوفها وعلي اد معلوماتي المتواضعه انها مش مالتي لينك

لأن فيه عمود واصل بين العجلتين من ورا والسوست والمساعدين مش جوا بعض

استنتاجي الشخصي انها torsion beam "twist axle" اللي هيا قضيب التوائي



وطبعا المالتي لينك افضل فالثبات والنعوميه ومع فواصل الكباري واقل فالتنطيط الخلفي

ياريت رأي الخبراء في بيجو عن نظام التعليق ده لأنه فالسيراتو عامل مشاكل جامده ومخلي العربيه ناشفه وبتتنطط من ورا
مع ان نفس النظام فالتويوتا كورولا الشكل القديم والعربيه ناعمه جدا مع انها برضه مش ثابته اوي

انا قلت انقل الخبر للأمانه لأن اكيد محدش لسه عارف؟

وياريت لو حد استلم العربيه يقولنا ايه الاخبار؟

علي فكره انا كنت حاجز اليزيه وغيرت وحجزت بيجو 301 وربنا يقدم اللي فيه الخير

شكرا يا باشا على التوضيح
بس انت ليه غيرت لبيجو ده انت كنت من اوائل الناس اللي حجزت اليزيه
انا حاجز اليزيه وحابب اسمع منك سبب التغيير

[adelghanem]

صحيح ليه غيرت لبيجو من اليزيه للاستفاده

[الجنرال]

انا مبدئيا عندي نفس السؤال ليه غيرت للبيجو؟؟ اعتقد ان التوكيل هو السبب اذا مكانش مقاس الجنط :d

عموما .. ربنا يهدينا للخير

[zooma2009]

طبعا بشكركم عالاهتمام والعربيتين فعلا زي بعض ف كل حاجه وكنت محتار جدا بينهم

بس اللي خلاني اغير للبيجو هوا التوكيل وتوافر مراكز الخدمه والصيانه

هنا فأسكندريه حتي مفيش مركز صيانه لسيتروين , مركز خدمه عز العرب مش شغال وبيعمل الصيانه بتاعه العربيه ف مركز تاني اسمه المصريه الاوروبيه !!!!

علي عكس البيجو فيه توكيل فالعامريه وفيه مركز صيانه معتمد فقلب اسكندريه ف شارع فؤاد

تاني سبب هو ثقافه الشعب المصري اللي بيحب البيجو الي حد ما اكتر من السيتروين ( مع ان مفيش فرق) .... وده ممكن يفرق بعد كده في اعاده البيع ان شاء الله

ياريت حد يشاركنا برأيه فموضوع التعليق ده لأنه اكيد نفس النظم برضه فالسيتروين سي اليزيه

[eng.m7md.ali]

على فكرة في فرق كبييييييير جداً بين التعليق في الاوروبي والكوري لصالح الاوروبي طبعا سواء المالتي لينك او التورشان

التورشان الاوروبي محترم جداً ومش زي الكوري

[zooma2009]

على فكرة في فرق كبييييييير جداً بين التعليق في الاوروبي والكوري لصالح الاوروبي طبعا سواء المالتي لينك او التورشان

التورشان الاوروبي محترم جداً ومش زي الكوري

اكييد فيه فرق طبعا .... بس تفتكر التورشن بيم بتاع البيجو ال 301 او الاليزيه هيدي الثبات والنعومه المطلوبه؟؟؟ :b4_592:

[Ahmed Amin]

على فكرة في فرق كبييييييير جداً بين التعليق في الاوروبي والكوري لصالح الاوروبي طبعا سواء المالتي لينك او التورشان

التورشان الاوروبي محترم جداً ومش زي الكوري

الكلام دا مظبوط. وأيوة هيدي الثبات والنعومة المطلوبة, عندك علي سبيل المثال البيجو ٣٠٧ وسيتروين C4 نظام تعليقهم الخلفي Torsion Beam.
والعربيتين عفشتهم وركوبتهم سواء في الكراسي الأمامي او الخلفي من اريح ما تكون.
مينفعش تقارن ما بين البيجو او الاوروبي بالكوري. البيجو والستروين ثباتهم عالي.
لو عايز تجرب الفرق بنفسك اركب سيراتو عال كرسي الخلفي وبيجو ٣٠٧ او ستروين سي فور وانت تشوفه وتحسة بنفسك.

[zooma2009]

الكلام دا مظبوط. وأيوة هيدي الثبات والنعومة المطلوبة, عندك علي سبيل المثال البيجو ٣٠٧ وسيتروين c4 نظام تعليقهم الخلفي torsion beam.
والعربيتين عفشتهم وركوبتهم سواء في الكراسي الأمامي او الخلفي من اريح ما تكون.
مينفعش تقارن ما بين البيجو او الاوروبي بالكوري. البيجو والستروين ثباتهم عالي.
لو عايز تجرب الفرق بنفسك اركب سيراتو عال كرسي الخلفي وبيجو ٣٠٧ او ستروين سي فور وانت تشوفه وتحسة بنفسك.

شكرا يا باشا عالمعلومه انا اول مره اعرفها

انا فعلا عارف ان السيتروين عامه والبيجو ثابتين ومريحين جدا

بس اول مره اعرف ان التعليق بتاعهم تورشن بيم

طمنتني يا باشا

[الجنرال]

ممكن بقه سؤال علشان اخوكم جاهل

ايه بقه نظام التعليق وايه الانواع اللى قلتوها دي؟؟

[zooma2009]

ممكن بقه سؤال علشان اخوكم جاهل

ايه بقه نظام التعليق وايه الانواع اللى قلتوها دي؟؟

نظام التعليق ده هوا اللأجهزه اللي واصله بين العربيه وبين الكاوتش ,, وهيا مسئوله عن امتصاص الصدمات وتخفيفها عشان متوصلش للركاب

نظام التعليق ببساطه هوا المساعدين والسوست والاجزاء الللي رابطه بينهم

من الامام معظم العربيات شببه بعض

من الخلف فيه انواع كتيره اشهرهم التورشن بيم ( بيكون فيه الكاوتتشين اللي ورا متصلين ببعض عن طريق عمود صلب ) وده قديم نوعا ما وارخص ولكن يعيبه انه اقل ثباتا واقل نعومه من النوع التاني

النوع التاني: مالتي لينك او متعدد الوصلات وده بيكون كل كاوتش متصل بجسم العربيه عن طريق وصلات متعدده وبيكون الكاوتشين اللي ورا غير متصلين ببعض
وفي الحاله دي لو كاوتش اتأثر بحفره مثلا الصدمه مش ببتنتقل للكاوتش التاني لأنه غير متصلين بعمود صلب
عشان كده فالغالب بيكون النظام ده اكثر ثباتا وانعم , ولكنه مكلف واغلي فالتصنيع والصيانه

وده علي اد معلوماتي المتواضعه

[Ahmed Amin]

شكرا يا باشا عالمعلومه انا اول مره اعرفها

انا فعلا عارف ان السيتروين عامه والبيجو ثابتين ومريحين جدا

بس اول مره اعرف ان التعليق بتاعهم تورشن بيم

طمنتني يا باشا

الشكر لله. وربنا يبارك فيك.
ومبروك عال عربية مقدماً. أختيار موفق.
و متنسناش بقي بأحلي تقرير مفصل لما تستلمها إن شاء الله.

[الجنرال]

اشكرك يا زوما على التوضيح :)

[Tarek elbeblaw]

شكرا يا zooma على شرح نظام التعليق لاني برضه ماكنتش عارف الفرق

[zooma2009]

اشكرك يا زوما على التوضيح :)

ربنا يخلييك يا جنرال .... واحنا هنا كلنا اخوات .... وممكن قريب نكون رابطه واحده كمان isa ;)