تقرير مبدئى لبيجو 301 بعد إستلامى

[saint2011]

ألف مبرووووووك يا باشا ربنا يباركلك فيها ويديك خيرها ويكفيك شرها وياريت تدبحلها أو تطلع حاجة لله شكرا لله على فضله عليك وفى أنتظار تقرير تفصيلى عن السيارة

[mohjarr]

اسف مشاركة مكرره
و مبروك مره تانيه

و بعد اذنك خلصتها علي كام
و في عندهم تاني و لا خلصت

خلصت على 138.000 و للأسف الدفعة نفذت بالكامل و يوجد حجوزات ل 42 عربية ده إللى ذكره لى مندوب المعرض بعد رغبه إثنين من أقربائى فى شرائها.

[mohjarr]

الف مبروك .... حابب اسألك عن العزل يعني صوت الموتور مسموع قوي زي ما في ناس بتقول ولا طبيعي؟

صوت الموتور ليس عالياً لهذه الدرجة و معظم الناس التى تكلمت عن الموتور جربت السيارة داخل معارض و السيارة بارده . و على فكرة بعد تغيير الزيت لأول مرة سيهدى أكثر من ذلك. الصوت الذى لاحظتة عالى هو عند تشغيل التكييف على ماكس حتى تصل لدرجة الحرارة المطلوبة و هو ليس مزعج داخل السيارة و لكنه مسموع من الخارج.

[horas3000]

خلصت على 138.000 و للأسف الدفعة نفذت بالكامل و يوجد حجوزات ل 42 عربية ده إللى ذكره لى مندوب المعرض بعد رغبه إثنين من أقربائى فى شرائها.

شكرا يا زعيم
و كما توقعت
الضغط عليها شديد و سعرها هيعلي

[mohjarr]

على فكره العربيه موديل 2014

فعلاً أوراق السيارة بالكامل تشير أن السيارة موديل 2014

[mohjarr]

ربنا يعطيك خيرعا و يكفيك شرها.فى انتظار تقرير مفصل من حضرتك لان الفتى فى العربيه دى للركب وياريتهم اشتروها او جربوها.مليون مبروك مره تانيه

مجرد رأى...الفتى فى العربية دى جاى من أن سعر العربية أكثر من رائع بالنسبة لإمكانياتها مما سيضر الكثير من الماركات المغالى فى ثمنها و إذا أثبت أيا من توكيل بيجو و سيتروين أحقيتهم بثقة الناس ستتغير الكثير من الأسعار الموجودة هذه الأيام من كورى و يابانى و حتى صينى.

[mohjarr]

ياريت ياجماعه نعمل رابطه لملاك 301

يا ريت إعتبرنى معاك بس نشوف الأول عددنا كام فى المنتدى.

[mohjarr]

ألف مبروك يا باشا
وياريت تقولنا علي الأسعار بتاعت العربيه دي كام لكل الفئات ان أمكن

على ما أتذكر :
الفئة الأولى 107.000 مانوال
الفئة الثانية 123.000 أول فئة أتوماتيك
الفئة الثالثة 134.900 هاى لاين
طبعاً دى الأسعار الرسمية و ماحدش بيبيع بيها دلوقتى لو لقيتها عند أى حد. لما حاولت أحجز عند التوكيل أول لما شاهدت السيارة بالجرنال ذكر لى أن أول دفعه ستكون فى أول شهر 8 و ثانى دفعة أخر شهر 9

[esam_ayad]

معلش عندي سؤال تاني.
إنت سالت عن قطع غيارها؟ لأن كل الناس مابتحبش تشتري البيجو والستروين علشان الصيانه وقطع الغيار اللي بيقولو عليها ناااااار

[mohie777]

الف مبروك يا باشا ربنا يديك خيرها ويكفيك شرها

[secondman]

الف مبروك
ربنا يديك خرها ويكفيك شرها ويجعل سعيها فى الخير ديما

[shawkylotfy]

ربنا يباركلك فيها

[mohamed_henedi]

صوت الماتور عالى اوى ولا فى العادى

[tareq mm]

بسم الله ما شاء الله ربنا يملاها بركة و يحفظها .. و يكفيك شر طريقك

[boosy]

الف مبرووك ربنا يباركلك فيها يارب ابقي اقرالها المعوذتين :)
بابا حجز واحدة من التوكيل في المعادي واختار اللون الاسود رقم واحد والنحاسي رقم ٢
وقاله هيستلمها كمان شهرين
ياريت تبقي توافينا بتفاصيل اكتر لاننا اول مرة نجرب البيجو ومحتاجين نعرف تفاصيل شكرا ليك والف مبروك ليك