تقرير مبدئى لبيجو 301 بعد إستلامى

[hossam_elwani]

وبعد طول انتظار

الف مليون مبروك

وفعلا اللون الابيض عليها شيك جداااا زى اختها الكبيره 508 لون جبار عليهم

اخبار الخامات الداخليه ايه ؟؟

وهل الاستبن بيجى بجنط ولا لا ؟؟

تحياتى

[د.محمدعبدالعال]

ألف مبروك وربنا يباركلك فيها ويكفيك شرها وشر الطريق
بسم الله ماشاء الله العربية جميلة واللون الأبيض ده سيد الألوان
يا ترى سعر الهاي لاين كام ؟

[mohjarr]

صوت الماتور عالى اوى ولا فى العادى

صوت الموتور فى العادى و لا يعلى إلا لما تكون على الSport mod بس صوت جميل ستستمتع به خصوصاً مع التسارع الرهيب عندما تكون على هذه الوضعية.

[mohjarr]

معلش عندي سؤال تاني.
إنت سالت عن قطع غيارها؟ لأن كل الناس مابتحبش تشتري البيجو والستروين علشان الصيانه وقطع الغيار اللي بيقولو عليها ناااااار

فقط أسعار قطع الغيارة المذكورة بإعلانات الجرائد ولكن مع الإنتشار الكبير المتوقع لسيارتين أتوقع توافر قطع الغيار بأسعار مناسبة داخل و خارج التوكيل.

[mohjarr]

الف مبروك يا باشا والله فرحتلك ..... انا بقالي اسبوع مستني معاك

ربنا يباركلك فيها يااارب ... و ما شاء الله اللون جامد اوي عليها

مستنين منك تقرير متيين بقي عن السحب والكيك داون والسبورت درايف وطبعا الثبات والنعومه مع المطبات

انا حاجز برضه .... بس يارب السعر ميغلاش عشان الواحد كده هيشحت

الثبات أكثر من جيد جداً و بالنسبة للنعومة فى الدريكسيون فهو أنعم من السيراتو التى كانت معى و بالنسبة للمطبات فعند إستلامى للسيارة أحسست ببعض النشوفية لذا ذهبت لأحد محلات الكاوتش لوضع نيتروجين و سألت الفنى أن يقوم بقياس ضغط الكاوتش فوجده على 40 فى حين أنه من المفترض أن يكون على 32 و بعض وضع النيتروجين و ضبط الضغط على 32 أحسست بفارق شاسع و أصبح من النادر أن أشعر بالمطبات الصغير التى كنت قد قاسيت من عند إستخدامى للسيراتو.
قمت بتجربة السبورت درايف و لم أكن أتوقع هذا الفارق الهائل بين ال D و ال Ds قوة تسارع رهيبة و عزم قوى جداً بالنسبة لموتور مثل هذا ولكن مع علو فى صوت الموتور عندما تتخطى 5 rpm ولكن ستستمتع به .
الفرامل أيضاً أكثر من ممتازة و أفضل من فرامل السيراتو التى كانت معى .

[mohjarr]

ألف مبروك ربنا يعطيك خيرها ويبعد عنك شرها
سؤال كدا عن الباركينج سينسور.... هل فية شاشة بتبينلك فاضل قد اية مسافة زى ال 307 مثلا ولا صوت فقط ؟؟

الشاشة التى فى الوسط تتحول لشاشة بها رسم السيارة و الأبعاد وتظهر لك مدى قربك من أى شىء عند الرجوع إلى الخلف مع التنبة الصوتى طبعاً و عند إستخدامك لجهاز الكاسيت يخفت صوت الكاسيت و يظهر صوت السينسور.

[mohjarr]

1000 مبروك
بلد الصنع ايه

السيارة فرنسية و تجميع فى مصنع بيجو و سيتروين فى أسبانيا و جواب المرور ذكر منشاء أوروبى.

[mohjarr]

كان عندي سؤال بس .... البروشور بتاع البيجو 301 الهاي لاين مكتوب انها زجاج ملون ؟؟؟

يا تري فعلا الزجاج ملون غامق يعني .... ومثبوت فالورق بتاعها انها زجاج ملون؟؟؟؟

الزجاج ليس غامق و ليس مثبوت على الرخصة .

[mohjarr]

وبعد طول انتظار

الف مليون مبروك

وفعلا اللون الابيض عليها شيك جداااا زى اختها الكبيره 508 لون جبار عليهم

اخبار الخامات الداخليه ايه ؟؟

وهل الاستبن بيجى بجنط ولا لا ؟؟

تحياتى

الخامات الداخلية جيدة جداً و الإستبن حديد 15

[mohjarr]

ألف مبروك وربنا يباركلك فيها ويكفيك شرها وشر الطريق
بسم الله ماشاء الله العربية جميلة واللون الأبيض ده سيد الألوان
يا ترى سعر الهاي لاين كام ؟

سعر الهاى لاين الرسمى 134.900 و يتراوح فى المعارض الأن إذا وجدت من 138.000 الى 142.000 للتسليم الفورى

[waleedelpiloot]

الثبات أكثر من جيد جداً و بالنسبة للنعومة فى الدريكسيون فهو أنعم من السيراتو التى كانت معى و بالنسبة للمطبات فعند إستلامى للسيارة أحسست ببعض النشوفية لذا ذهبت لأحد محلات الكاوتش لوضع نيتروجين و سألت الفنى أن يقوم بقياس ضغط الكاوتش فوجده على 40 فى حين أنه من المفترض أن يكون على 32 و بعض وضع النيتروجين و ضبط الضغط على 32 أحسست بفارق شاسع و أصبح من النادر أن أشعر بالمطبات الصغير التى كنت قد قاسيت من عند إستخدامى للسيراتو.
قمت بتجربة السبورت درايف و لم أكن أتوقع هذا الفارق الهائل بين ال d و ال ds قوة تسارع رهيبة و عزم قوى جداً بالنسبة لموتور مثل هذا ولكن مع علو فى صوت الموتور عندما تتخطى 5 rpm ولكن ستستمتع به .
الفرامل أيضاً أكثر من ممتازة و أفضل من فرامل السيراتو التى كانت معى .

هيه باور كهربا ولا زيت زى السيراتو؟؟
السبورت مود زى قوة السيراتو ولا اكتر ولا اقل؟؟

[mohamed1979]

الف مبرووك و ربنا يبارك فيها
اللون الأبيض عليها تحفه ما شاء الله

[محمد مطاوع]

الف مبروك لحضرتك، ربنا يباركلك فيها.
حضرتك جربت سواقتها على سرعات عالية ?? كان ايه أخبار الثبات ساعتها ?? و ايه مدى تأثير التيكيف على السحب??

[Ahmed Amin]

ماشاء الله جميلة واللون تحفة عليها.
ألف مبرووك. وربنا يبارك لك فيها يارب.

[mahamedaraby]

الف الف مبرووووك واختبار موفق ان شاء الله
والله فعلا دى عربيات يندفع فيها فلوس وتستحقها