تكييف ال 308

[Tarek elbeblaw]

السلام عليكم
أنا الحمد لله لسه شاري بيجو 308 مستعمله من حوالي شهر ونصف
تكيفها كويس لكن مش بنفس برودة ال Lanos , بصراحه اللانوس كان تلاجه
المهم لاحظت وانا ماشي بالعربيه بالليل سواء على المحور او الدائري و طافي التكييف أن في هوا سخن (اسخن من درجة حرارة الجو) داخل من ريش التكييف , فراح صاحبي قايلي شغل زرار ال Recycle (اللي بيمنع دخول الهوا من بره) و شغلته, لكن برده لسه الهوا السخن بيدخل من الريش.

وبعد كده سمعت رأيين من اصحابي , واحد بيقول ان ده ممكن يكون عيب في العزل بتاع الكبوت وعلشان كده حرارة الموتور بتدخل عليك , والتاني بيقول ان الهوا ده بتاع التكييف السخن لأن كل العربيات الأوروبي التكييف السخن بيكون شغال على طول لان الجو عندهم برد وان انا لما باشغل الساقع السخن مبيفصلش ولكن الساقع بيبقى أقوي منه

أعتذر عن الاطاله وانتظر النصيحه
شكرا

[aldesha989]

الغى السخن وامرك لله هيحسن اداء التكيف معاك

[Haitham G]

الكلام ده مش سليم حضرتك ممكن تروح التوكيل لان ممكن يكون عندك مشكلة فى العربية

[Ahmed Amin]

وبعد كده سمعت رأيين من اصحابي , واحد بيقول ان ده ممكن يكون عيب في العزل بتاع الكبوت وعلشان كده حرارة الموتور بتدخل عليك , والتاني بيقول ان الهوا ده بتاع التكييف السخن لأن كل العربيات الأوروبي التكييف السخن بيكون شغال على طول لان الجو عندهم برد وان انا لما باشغل الساقع السخن مبيفصلش ولكن الساقع بيبقى أقوي منه

أعتذر عن الاطاله وانتظر النصيحه
شكرا

الكلام دا مش صح. ومفيش حاجة إسمها ""كل العربيات الأوروبي التكييف السخن بيكون شغال على طول لان الجو عندهم برد" دا فتي بحتي.
لان كل العربيات الاوروبي في مصر لما بتكون قافل التكيف وقافل الشباك مش بيدخلك هوا ودرجة حرارة الكابينة بتبقي طبيعية.
وفي اوروبا العربيات بينزل فيها سخانات في الكراسي كمان وفي الحالتين انت اللي بتختار تشغلهم امتي مش بيكونو شغالين علي طول.!!

إحتمال ريش زرار ال Recycle عندك مش بتقفل لما بتضغط علي الزرار وبتفضل مفتوحة فبيدخلك هوا من برة وبياخد معاه الهواء السخن اللي في محيط الموتور وهوا معدي من عال موتور.

[HOSSAM99]

للأسف الموضوع ده موجود عندي في الـ3o7 و أحترت فيه و موصلتش لحل و بلاحظة في الشتاء فقط و بيبقي بسيط جدا لازم تقرب أيدك قوي علشان تحه و هو مجرد دفا بسيط

[Tarek elbeblaw]

شكرا للجميع على مشاركتهم
ان شاء الله هروح التوكيل قريبا وأشوف الموضوع
بس هو ينفع ألغي السخن خالص من العربيه على أساس انه ملهوش فايده في جونا الحر ده زي ما aldesha989 بيقترح
وسؤال ل HOSSAM99 المشكلة ان الهوا اللي بيدخل ده مستفز جدا في الصيف واعتقد ان له تأثير سلبي على برودة التكييف , فليه حضرتك ماجربتش تلغي السخن وهل بتشعر ان الهوا السخن ده ممكن يكون بيقلل تبريد التكييف ولا التكييف عندك بيسقع كويس !
شكرا

[Unendlich]

يا سيدي الفاضل الموضوع ببساطة هيبقى موتور البوابة اللي بتمنع دخول الهوا من برة لما بتدوس على زرار ال recycle بايظ
الغاء السخن ده فتاوى مصريين زي ما في عضو تفضل و وضحلك

[HOSSAM99]

أولا بلاش تلغي السخن لأن ده كمالية في العربيه بلاش تخسرها . ثانيا ألغاء السخن هايعرض دورة التبريد للخطر لأنك بتقطع مشوار المياه و تعوضه بخرطوم في الغاليب بيبقي ضعيف و مبيستحملش

أما عن أن زرار التدوير ما بيفتحش و يقفل البوابه فده مش صحيح لأن الهوا الخن ده و البوابه مفتوحة كميته مختلفه عنه و هي مقفوله بالإضافة إلي إن هوا التكييف و أداءه بيتأثر بالزرار ده لما بتقفل البوابه و بالتالي هو شغال
و مش معقول تبقي البوابة عطلانه في أكثر من 8 عربيات 3o7 فيهم نفس العيب

ترجيحي للموضوع إن نظام تدوير الهواء فيه عيب بيمرر هوا (مبيقفلش بإحكام)

أما المشكله بالنسبالي فهي عاديه جدا و مش مؤثره أوي معي إلا إنها لو أتحلت هاتزود أداء التكييف بنسبة كبيره

[Tarek elbeblaw]

أولا بلاش تلغي السخن لأن ده كمالية في العربيه بلاش تخسرها . ثانيا ألغاء السخن هايعرض دورة التبريد للخطر لأنك بتقطع مشوار المياه و تعوضه بخرطوم في الغاليب بيبقي ضعيف و مبيستحملش

أما عن أن زرار التدوير ما بيفتحش و يقفل البوابه فده مش صحيح لأن الهوا الخن ده و البوابه مفتوحة كميته مختلفه عنه و هي مقفوله
معاك حق فعلا

بالإضافة إلي إن هوا التكييف و أداءه بيتأثر بالزرار ده لما بتقفل البوابه و بالتالي هو شغال
و مش معقول تبقي البوابة عطلانه في أكثر من 8 عربيات 3o7 فيهم نفس العيب

ترجيحي للموضوع إن نظام تدوير الهواء فيه عيب بيمرر هوا (مبيقفلش بإحكام)

أما المشكله بالنسبالي فهي عاديه جدا و مش مؤثره أوي معي إلا إنها لو أتحلت هاتزود أداء التكييف بنسبة كبيره

اعتذر على تأخري في الرد بسبب انشغالي
وان شاء الله هروح التوكيل واشوف اذا كان في حل للمشكله ديه
ولا لأ
شكرا

[AMIRB11S]

نفس الكلام عندى بالظبط بس انا معايا 106 و بحس فعلا ان الهويات بتطلع هوا سخن خفيف كدة بس ساعات بروح قافل الهواية خالص عشان ميجيليش هوا اصلا مش عارف اية دة

[Rsarabia]

معظم السيارات الاوروبى خصوصا الفرنسى سواء بيجو او رينو او سيتروين فيهم نفس المشكلة دى
هو سيستم التبريد عندهم كدا ملهاش حل و التبريد و التكييف عندهم عموما جيد و لكن مش ممتاز
يعنى بلاش مقارنة بين تكييف اى عربية اوروبى مع الانوس و الفيرنا و الانسر و الالنترا و الكورولا و السيفيك

[Haitham G]

مع احترامى لحضرتك الكلام ده مش صح لأن انا ركبت معظم العربيات اليابانى ومفيش فرق فى التكيف خصوصا ان الكمبروسر فى ال 308 يابانى

[Tarek elbeblaw]

معظم السيارات الاوروبى خصوصا الفرنسى سواء بيجو او رينو او سيتروين فيهم نفس المشكلة دى
هو سيستم التبريد عندهم كدا ملهاش حل و التبريد و التكييف عندهم عموما جيد و لكن مش ممتاز
يعنى بلاش مقارنة بين تكييف اى عربية اوروبى مع الانوس و الفيرنا و الانسر و الالنترا و الكورولا و السيفيك

بالنسبه لمشكلة الهوا السخن في الفرنساوي كلام حضرتك صحيح