ساحة حاجزي 301 .... الجديد

[Amr 301]

السلام عليكم ورحمة الله وبركاته
انا حبيت اعمل الموضوع دا عشان يكون مكان تجمع حاجزي ال 301 للتواصل ومعرفة اخر أخبار الحجوزات والاستلام واسعار الحجز..... وان شاء الله يكون الموضوع دا دليل لينا جميعا ويساعد اللي عايز يشتري

ارجو من الاخوة الكرام اللي حاجزين 301 يدخلو يقولو اخر الاخبار

عن نفسي
انا حاجز مع اتومبيل الحجاز من 30 مايو ع 137 ومستني استلم ان شاء الله ف الدفعة اللي جاية يوم 15 الشهر دا زي مابيقولو

[mohjarr]

أحد أقربائى حاجز عند أتومبيل الحجاز أيضاً منذ فترة أيضاً و حاسس إنهم بيماطلوا و كل شوية بمعاد مختلف و يتحجج بالتوكيل إتأخر. طيب لازمتها إيه الإعلانات إللى فى الجرنال إللى بتقول تسليم فورى؟ الصراحة أنا إبتديت أدور ليه عند أى معرض تانى لأنى حاسس بعدم مصداقيه منهم فى مواعيدهم.. اللى أعرفه معنى تسليم فورى يعنى أستلم بمجرد ما أدفع ثمن السيارة.

[yassermotors]

صح .. وعلى ايه الاوفر برايس أدام كله بيتأخر في التسليم
انا حاجز عند التوكيل .. وبالسعر الرسمي .. يوم 18 / 5
والتسليم قبل 10 / 7 ان شاء الله

[eldeep]

صح .. وعلى ايه الاوفر برايس أدام كله بيتأخر في التسليم
انا حاجز عند التوكيل .. وبالسعر الرسمي .. يوم 18 / 5
والتسليم قبل 10 / 7 ان شاء الله

بعد إذنك ممكن تقولى مين التوكيل اللى حضرتك حجزت عنده ، علشان عايز أحجزها أنا كمان

[damasry]

ان شاء الله نازل احجز السيارة هاى لاين لصديق ليا بكرة

والتسليم كمان 5 ايام بالكتير ان شاء الله


على فكرة العربية موجودة والتوكيل كل شوية بيوزع دفعات من العربية على الموزعين والمعارض بس هى لعبة قذرة من الكل عشان الاوفر برايس.

كنت فى بى اوتو فى المعادى يوم 30 مايو وقالى الحجز ب5 الاف والاستلام فى اول اسبوع من يونيو والاوفر 3 الاف لكل فئة.

بس اضطريت اسافر خارج البلد ولسه راجع رحت ليهم بيقولى مفيش غير البيز لاين اوتو وباوفر 7 الاف جنيه.

اقوله عايز الهايلاين يقولى اخر الشهر ومقدرش اقولك سعر ليها.

مشيت والحمدلله ها احجزها واستلمها فى خلال ايام من مكان تانى.

[damasry]

على فكرة اللى عايز يحجز من خلال التوكيل ممكن يروح فرع صلاح سالم ويقابل الاستاذ محمد كامل ويقوله انه من طرف محمد قاسم وان شاء الله التسليم يكون فى خلال شهر او شهر ونص للى مش عايز الاوفر برايس

[Amr 301]

انا لما شكيت ف اتومبيل الحجاز انهم بيماطلو اتصلت بمعارض تانية زي سمير ريان والاحمدي والقصراوي والقرش والكل كان بيقول ان فيه شحنة نازلة ع 15-6 حتي اتصلت بالتوكيل من يومين قالي ان فعلا ف شحنة جاية ع 15 بس كلها محجوزة وان الحجز مع التوكيل بيسلم كمان 3 شهور .... انا حاجز ال هاي لاين ....

[yassermotors]

بعد إذنك ممكن تقولى مين التوكيل اللى حضرتك حجزت عنده ، علشان عايز أحجزها أنا كمان

انا حاجز عند توكيل بيجو فرع صلاح سالم امام مسجد الرحمن الرحيم .. بالتوفيق
وفكك من أي اشتغالات تانية

[Amr 301]

اه الاحبار ياجماعة ..... الناس دي بتنصب علينا ولا اه .... المفروض الاستلام 15-06 ومفيش اي حاجة لسه

[Amr 301]

القول الفصل ان العربية دي استلامها ع اخر الشهر كدا ان شاء الله .... بلد ملهاش صاحب كله شغال بالغش والخداع

[Demallawy]

ميعاد استلام 301

هل فى اخبار عن ميعاد استلام دفعة يونيه؟؟