مشكلة اختيار العربية

[mohamed hussei]

ياجدعان اية رايكم بيجو 301 هاي لاين ولة اليزية هاي لاين ولة تيدا ولة اية ياريت حد يكون عندة خبرة يقول

[khaabas]

شوف كل العربيات حاليا سواء جديد او مستعمل بيطلع فيها عيوب
الالمانى والاوربى الفتيس dsg وحاجات تانية
اليابانى والكورى ممكن علب الدريكسيون او المساعدين
يبقى المعيار فى الاختيار دور دايما على توافر قطع الغيار بره التوكيل وجواه وتكون فى المتناول علشان تريح دماغك وموش اى مشكلة تقبلك توقف بالشهور
وعلى ايه هو الواحد بيجيب العربية علشان يركبها ويطلع عينها وله علشان هى اللى تركبه
بالاضافة بص دايما على سعر اعادة البيع
ودى وجهة نظرى الشخصية من مرمطة سنين :)
وخلى بالك طرقنا المصرية ليها طبيعة خاصة بتكون السبب فى دمار حاجات كتير فخلى بالك برده وهات حاجة تناسب طرقنا وجونا
ومتقلش اصل دى اوربى او بتنجانى هى العربية حلوة وصناعتها ممتازة بس هل تناسب البيئة هنا

[mohjarr]

ياجدعان اية رايكم بيجو 301 هاي لاين ولة اليزية هاي لاين ولة تيدا ولة اية ياريت حد يكون عندة خبرة يقول

السيارة معى و مع أثنين من أقاربى و ليس بها أية مشاكل.. كنت أملك سيراتو هاى لاين أعلى فئة قبل البيجو ال 301 و فارق رهيب فى العفشة . تسارع و ثبات السيارة أكثر من جيد جداً. الحجوزات على السيارة كبيرة جداً و ستحتاج إما الحجز و الإنتظار أو دفع أوفر برايس .

[mohamed_henedi]

انا كنت فى نفس الازمة وفى الاخر قررت بيجو 301......كده كده بيجو ولا تيدا الاتنين مش عربيات سوق..بس البيجو افخم وشكلها عربية عن التيدا بالرغم من خوفى من خوازيق الفرنساوى لتوكلت على ربنا وحجزت البيجو