القول الفصل فى فتيس ال307 /308

[dem0]

السلام عليكم

محتاج القول الفصل فى فتيس ال307/308

دورت كتير فى المنتدي

ولقيت مواضيع كتير ناس بتقول الوضع بينحل بسوفت وير جديد فى مركز مودرن

وناس تقول جلب

وناس تقول المشكلة ملهاش حل

فى حد عنده اليقين لاني عجباني عربية وعايز اخدها بس مقلق من موضوع الفتيس

لانه كان سبب بعدي عن الميجان

[shawkylotfy]

هاتها مانيوال

[MohammedAladel]

أحب أقول لحضرتك إن فتيس ميجان كويس جدا ! وأعطاله عادية وبتحصل فى أى فتيس أوتو مش زى فلا تقلق من ناحيته
بالنسبة لفتيس بيجو دا ...عن تجربة مالك سابق للسيارة وعضو معانا فى المنتدى ... فتيسها فعلا فيه عيب تصنيع وبيجو اعترفت بيه وللاسف قال لى باعها بسبب الفتيس ! وبعدها اشترى ميجان مانيوال

[dem0]

هاتها مانيوال

شكرا ع الرد انا اللى قدامي اوتو يعني مخدهاش ؟!

[TOOLA]

متابع, مع انى كنت معتقد ان ال 308 مفيهاش المشكلة ديه

[dem0]

أحب أقول لحضرتك إن فتيس ميجان كويس جدا ! وأعطاله عادية وبتحصل فى أى فتيس أوتو مش زى فلا تقلق من ناحيته
بالنسبة لفتيس بيجو دا ...عن تجربة مالك سابق للسيارة وعضو معانا فى المنتدى ... فتيسها فعلا فيه عيب تصنيع وبيجو اعترفت بيه وللاسف قال لى باعها بسبب الفتيس ! وبعدها اشترى ميجان مانيوال

كنت قريت ان فى مشاكل فى فتيس الاوتو لموديل 2005/2006



ومنتظر حد معاه 307 اوتو وحصلت معاه المشكلة يفيدنا انحلت ولا ايه

[MohammedAladel]

فتيس 2005 هو نفسه 2009 .... بس هما عدلوا سوفت وير الفتيس عشان يحسنوا سلاسة النقلات لأن مع السوفت وير القديم فى ال 2005 كان فيه نتشة بين الأول والتانى عشان كدا عملوا السوفت وير دا وابتدى ينزل رسمى فى كل ميجان بعد كدا .... لكن فتيس dp0 معروف جدا إنه فتيس ناجح ومحترم

[dem0]

فتيس 2005 هو نفسه 2009 .... بس هما عدلوا سوفت وير الفتيس عشان يحسنوا سلاسة النقلات لأن مع السوفت وير القديم فى ال 2005 كان فيه نتشة بين الأول والتانى عشان كدا عملوا السوفت وير دا وابتدى ينزل رسمى فى كل ميجان بعد كدا .... لكن فتيس dp0 معروف جدا إنه فتيس ناجح ومحترم

تمام وحسب المشاركة دي ومشاركة تانيه انه هو هو نفس فتيس ال307/308 وc3/c4 من ستروين وموديلات من الفلوانس

http://www.nilemotors.net/Nile/3873958796-post12.html

وفى ناس كتير بتتكلم

بتقول اولا ممكن يكون الزيت عايز يتغر وانا اتكلمت مع اكتر حد غير زيت فتيس وقالى محصلتش معاه

http://www.nilemotors.net/Nile/284316-307.html

يعني مشكلة الفتيس كاملة مكملة فى اهمال وعدم متابعه صيانته ؟! لو كدا عادي جدا لان دي مشاكل جميع الاتوماتيك

[dem0]

على فكرة انا كنت صرفت نظر عنها لكن رجعت تاني لانى معروض علي واحده وعجباني بصراحة لكن فيها نتشه بين الاول والتاني
وهو قالى اخر مره فى الصيانه قالوله ان المشكلة تغيير سير مش عارف ايه بيتكلف 800 جنيه
لكن بردة هو معملهاش لا فى التوكيل ولا مركز معتمد ده علمها عند ميكانيكي غير زيت وسيور للعربية لكن مجاش جنب الفتيس

وشكلي هبدء ادور عليها مانويل بس شايف انها نادرة شويه لان معظم المعروض اوتو

طيب لو 2007 مانويل تعمل كام ولو اوتو تعمل كام

[dem0]

http://www.nilemotors.net/Nile/160408-al4-gearbox-fault-1-6-steptronic-c4-307-406-206-a.html

[dem0]

متابع, مع انى كنت معتقد ان ال 308 مفيهاش المشكلة ديه

والله مش متاكد من معلومة الفتيس نفس ال308 او لا لكن ممكن تسئل وتتأكد

لانه هو عربيات كتير مش نفس الفتيس طبعا لكن بنفس الديناميكيه والتصميم ونفس المشاكل

[medori]

اللى اعرفة من واحد زميلى معاة 307 sw ان مشكلة الفتيس كانت فى موديلات 2006 و 2007 انما اتحلت من اول 2008 فى ال307 و ال308 كلها نزلت من اول 2008 تقريبا فمفيهاش المشكلات دية

طبعا فية النتشة المشهورة فى كل التيب ترونيك ال4 سرعات اللى فى السرعة التانية بس انا حستها فى ال307 واضحة اوى تحت رجلك عن الميجان، هى بتتظبط سوفت وير و فى EIM عارفين يتصرفوا معاها احسن من وجية اباظة الحقيقة

[dem0]

اللى اعرفة من واحد زميلى معاة 307 sw ان مشكلة الفتيس كانت فى موديلات 2006 و 2007 انما اتحلت من اول 2008 فى ال307 و ال308 كلها نزلت من اول 2008 تقريبا فمفيهاش المشكلات دية

طبعا فية النتشة المشهورة فى كل التيب ترونيك ال4 سرعات اللى فى السرعة التانية بس انا حستها فى ال307 واضحة اوى تحت رجلك عن الميجان، هى بتتظبط سوفت وير و فى EIM عارفين يتصرفوا معاها احسن من وجية اباظة الحقيقة

http://www.nilemotors.net/Nile/3873543817-post15.html

العيب بيظهر فى 308

هي النتشه بين الاول والتاني دي طبيعي !؟ ولا عيب لان العربية فيها نتشه بين الاول لكن بعد كدا العربيه فايقة

[medori]

http://www.nilemotors.net/Nile/3873543817-post15.html

العيب بيظهر فى 308

هي النتشه بين الاول والتاني دي طبيعي !؟ ولا عيب لان العربية فيها نتشه بين الاول لكن بعد كدا العربيه فايقة

زى ما قولت لحضرتك انا سوقت الميجان و ال307 و ال 2 فيهم نفس النتشة و اللى اعرفة انها موجودة فى كل العربيات اللى فيها تيب ترونيك 4 سرعات و دية مش مشكلة اوى، هى بتتعالج سوفت وير و بتبقى ضعيفة اوى

حضرتك خايف من العربية عشان كدة بتشوف الناس اللى مش بتشكر فى العربية بس، فى نفس الموضوع اللى حضرتك جايبة فوق، ناس بتشكر فى العربية و فى الستروين اللى هى نفس العربية برضة، انا شايف ان هو موضوع تعود، اللى بيركب اوروبى عامة و فرنساوى خاصة لازم يبقى عارف انة معاة عربية ممتازة بس اهم حاجة انة يحافظ عليها، شغل الدعك بتاع الكورى و حط اى قطع غيار هيتعبك جامد ساعتها، بس لو حافظت عليها هتاخد منها اداء ملوش زى فعلا غير فى عربيات اعلى منها بكتير اوى

انا نصيحتى ليك هات العربية بس اهم حاجة تكون 2008 و انت طالع و تكون صيانتها بتتعمل فى التوكيل او مراكز الخدمة عشان تكون عارف الhistory بتاعها عشان العدادات ممكن تتغير و مش بتتعرف الا من تاريخ الصيانات و تكشف عليها فى التوكيل قبل ما تدفع جنية واحد فيها

[dem0]

زى ما قولت لحضرتك انا سوقت الميجان و ال307 و ال 2 فيهم نفس النتشة و اللى اعرفة انها موجودة فى كل العربيات اللى فيها تيب ترونيك 4 سرعات و دية مش مشكلة اوى، هى بتتعالج سوفت وير و بتبقى ضعيفة اوى

حضرتك خايف من العربية عشان كدة بتشوف الناس اللى مش بتشكر فى العربية بس، فى نفس الموضوع اللى حضرتك جايبة فوق، ناس بتشكر فى العربية و فى الستروين اللى هى نفس العربية برضة، انا شايف ان هو موضوع تعود، اللى بيركب اوروبى عامة و فرنساوى خاصة لازم يبقى عارف انة معاة عربية ممتازة بس اهم حاجة انة يحافظ عليها، شغل الدعك بتاع الكورى و حط اى قطع غيار هيتعبك جامد ساعتها، بس لو حافظت عليها هتاخد منها اداء ملوش زى فعلا غير فى عربيات اعلى منها بكتير اوى

انا نصيحتى ليك هات العربية بس اهم حاجة تكون 2008 و انت طالع و تكون صيانتها بتتعمل فى التوكيل او مراكز الخدمة عشان تكون عارف الhistory بتاعها عشان العدادات ممكن تتغير و مش بتتعرف الا من تاريخ الصيانات و تكشف عليها فى التوكيل قبل ما تدفع جنية واحد فيها

طمنتى ربنا يطمنك

العربية اللى قدامي 2007 عارف تاريخها كويس لانها من وهى صالة وانا شايفها
صاحبها محافظ عليها جداً حتى لسه مغير زيت وسيور وعامل لها صيانه من قريب
بس لما قالى موضوع الفتيس والواحد لانه سمع قبل كدا فقلقت

وبصراحة انا راكب كوري اه ركبت فرنساوي لكن يعني مشوار كدا البيجو او الرينو والاتنين كانوا مانويل

ايه الفرق بين 2007 و 2008 ؟

وتعمل كام كل واحده فيهم رنج السعر اليومين دول