اوبل استرا 2003 الي بيجو 307مو2007

[said22]

الاخوه الأعزاء انا عندي استرا 2003 1600 والعربيه بصراحه حمالة اسيه بفكر اغير ل307 موديل 2007 sw فما رأيكم وشكرا

[dedo_ryo]

بما انك قولت حماله اسيه يبقي بلاش 307 لانها مش بتاعت اسيه دي بنت بشاوات

[Ahmed Amin]

العربية من رأيي Good value for money
بس دا في حالة أنك تجيب حاجة أستعمال نضيف ومش متهانة ومش عاملة حوادث.
أسعار قطع الغيار متوسطة جداً مقارنة بالكوري والياباني,
راحة في السواقة وأمان وثباتة عال طريق وحساسات الركن ومثبت السرعة كل دا هيبسطك من العربية,
العربية قبل ما تجيبها تكشف عليها في التوكيل وأبعد عن أبو رواش لأني كشفت عندهم وكان زي قلته
وتتأكد من عمل الصيانات الازمة لها بالتوكيل والتأكد من سلامة الفتيس لأنها لو بتتعمل برة هيبقي صاحبها كان بيسترخص ف قطع الغيار أو مهمل في الصيانة,
هتتعبك بعد كدا,
لكن لو لاقيت حاجة نضيفة فالعربية هتريحك جداً

[said22]

اخي العزيز شكرا للمعلومات القيمه

[Ahmed Amin]

الشكر لله وأبقي عرفنا عملت أيه,
ولو لاقيت حاجة أبقي قولنا علي حالتها وسعرها قبل ما تشتري عشان تأخد أراء أكتر تساعدك في الشراء.