محتارة فى الاختيار ياريت تساعدونى بسرعة

[TeMoON]

انا متفق معاكم يا شباب ان البيجو عربية جامدة وبالاخص 307 بس انا بقول ان العربية لو المانى تكون احسن ودا عن تجربة ما بين بيجو وما بين فولكس انا بضم صوتى مع حازم باشا وبقول جيتا او اوكتافيا لان الاتنين دول هما احسن عربيتين موجودين فى السوق حاليا وعن تجربة بس البيجو مشكلتة فى الكمبيوتر والتهيس بتاعة ومشكلة بيجو كمان فى الفتييس الاوتوماتيك انة بيبوظ بطريقة غريبة فا انا بنصحك يا رونى تفكرى فى المانى هيكون احسن حاجة ليكى فى مصر وظروفها لان الالمان بينتجو عربيات خدمة شاقة وهى الى بتنفع فى البلد دى

[ssafwat]

اختلف معاك بشدة وعنف يا تيمون لا الكمبيوتر بتاع البيجو بيهيس ولا الفتيس بيبوظ لا بطريقة غريبة ولا غير غريبة ، ده بالعكس مسمعتش حد اشتكى من فتيس 307 الا لو كان محتاج تحديث للسوفتوير بتاع العربية. اللي كان فيه مشكال زمان ومش في الفتيس نفسه ولكن في حساس الفتيس وده جزء خارجي كانت ال 406 ودي كمان مشكلة اتحلت من زمان اوي.

براحة انا شايفة ان الـ 307 Sw عربية ممتازة لعيلة لأنها ممكن تتحول 7 راكب وعلى النقيض ممكن تتحول نص نقل بالإضافة الا انها أعلى اوبشيونز في العربيات في الفئة السعرية دي.

رأي يا روني اشتري الخليجي كده كده هيا اوبشيونز اعلى من الوكيل وأرخص منه حوالي 10 - 15 الف جنيه.

[TeMoON]

على فكرة يا ssafwat انا بتعامل مع بيجو من 2002 لحد انهردة والحمد لله الى ششفتة من العربية لحد انهردة عملنى منها حاجات كتير وهقولك فتيس البيجو الاتوماتيك بيبوظ لية لان عزم الموتور بيكون اقوى من عزم التيس فا من كتر الجرى والاستخدام الفتيس دايما بيغير بلوف واوقات بيوصل انة بيتغير كامل وانا شفت كدا 307 بالحالة دى وانا نفسى معايا 206 1600 اتوماتيك الفتيس شاط لوحدة وانا ماشى دا غير الى بيحصل فى 406 وغيرة وغيرة بس هى بصراحة عربية انا بحترمها ولو حبيت اركب فى بيجو انا هركب 406 مش 307 ولا 206 ولا اى موديل اقل من 406 لانها عربية فعلا جديرة بالاجترام ولانها عربية محترمة رغم عيوب الفرنساوى عموما والى منها بيجو طبعا وعلى فكرة البيجو 307 sw عربية عائلية كويسة جدا ومريحة جدا بس بردو يا جماعة مفيش عربية ما بتخلاش من العيوب بس فى عيوب ممكن الواحد يتغاضى عنها وفى عيوب مش ممكن نفوتها بس هى بيجو للاسف عربية نضيفة جدا وجميلة جدا جدا جدا بس ما تنفعش فى مصر مع شباب انما مع واحد كبير او اوحدة ست او بنت هتمشى معاها لان الفرنساوى عاوزة معاملة حنينة اوى اوى اوى عكس الالمانى الخدمة الشاقة

[ronyhima]

الحمد لله اخيرا اشتريت بيجو 308 من الامارات بس بقى عايزة اعرف جمركها كام ؟؟؟؟؟

جبتها فاضية يادوب مريات كهرباء واتوماتيك

تنصحونى بأية اجيب لها من هنا ؟؟؟؟ عايزة اشترى الحوامل اللى بتبقى فوقها علشان الشنط بكام فى مصر ؟؟؟ وكشافات الضباب بكام ؟؟؟ ومثبت السرعة بكام ؟؟؟

ياريت تعرفونى بسرعة علشان بأمر الله هشحنها فى خلال اسبوع

على فكرة قبل ما اشترى البيجو شوفت الفورد بصرااااااااااحة اختصار لكلمة بلاستيك الباب من الداخل كلة بلاستيك فظيعة حسيت انى هرمى فلوسى فى الارض

وشوفت (( ليون )) خطيررررررررررررررررررررة كنت هموت عليها بس للاسف اقل حاجة 2000 سى سى مافيش 1600 خالص

وطبعا شوفت(( الاوبل )) والله الالمان دول ما بيفكروا العربية حديد وتتحمل بس من جوة حسيت كأنى راكبة 128 او 132 مافيش فيها اى شكل ولا تجديد صارمة جدااااااااا من جوة العربية دة عايزة واحد مهندس بيشتغل فى الصحراء علشان تتحمله انما ما تنفعش حد عايش فى المدينة ابدا صعبة بمعنى الكلمة من جوة انما من برة رهيبة حديد فعلا

بعد ما شوفت دة كلة حسيت ان فعلا الفرنساوى مافيش احسن منة وسط فى كل حاجة ومن جوة جميل و ذوووقة عالى جدااا

يالاة بقى مستنية ردكم وعقبال ما تشتروا اللى نفسكم فية

[Mahmoud_405]

الف مبروك ربنا يديك خيرها ويكفيكي شرها ..... تقريبا الجمارك 40 % من تمن العلربية + 23 ضريبة يعني كلة 63%... بس مش متاكد
متهيالي لسة التوكيل مااشتغلشي في ال 308 استيني شوية لما التوكيل ينزلها بشكل رسمي وتنزل معاها الاكسيسوريس وقطع الغيار بتاعتها

[waleedabbas]

الف مبروك ربنا يباركلك فيها

[TeMoON]

على فكرة العربية لسة شوية على ماتنزل من التوكيل والعربية 308 عربية تحفة بس هى النقطة كلها ان قطع الغيار لسة مش متوفرة اوى انا ابن عمتى ناوى يجيب واحدة ان شاء الله بس الكاملة بس مستنين شوية على ما تكون العربية خدت وضعها فى السوق لانها عربية تحفة والكاملة منها مالهاش حل مفيهاش حاجة مش موجودة

[Nour_Peugeot]

هموووووووووووووووووووووووووووووت علي العربيه دي ال 308

يخربيت كده العربيه تحفه فعلا

[hozayen]

انصحك بفولكس جيتا ودي عن تجربة استهلاكها للبنزين قليل جدا في منها الخليجي شكله احسن من الداخل لكن عيبه ان عفشته واطية شوية وفي مواصفات الوكيل وهما معالجين حكاية العفشة الواطية علشان المطبات في مصر وسعرها دلوقتي من 155ل 185 الف حسب الكماليات وهي اسرع من الباسات وده رقم تليفوني للاستفسار عن اي تفاصيل 0107807068 مهندس mostafa hozayen

[kemo0o]

انا شايف ال 308 تححححححححفة وبصراحة عجبتني موت والف مبروك