بيجو 301 الفئه الاولى مانويل

[ah-elgendy]

لو حد يعرف هو بيجو 301 الفئه الاولى ديه مفيهاش ولاعه يعنى الواحد يشغل الكمبروس بتاع نفخ الكاوتشازاى ازاىوكمان المديلوتر انا بصراحه مستغربها وانا ببحث عن العربيه قريت كده

[Ahmed Amin]

كل العربيات فيها مخرج 12v
دا أستاندرد ثابت.

لكن فيها حاجة أسمها Smoker kit دي اللي مش موجودة في الفئات الأولي
أعتقد ممكن تكون الولاعة ومكان تفريغ مخلفات السجاير,

لكن العربية فيها فيها مخرج 12v ودا أستاندرد ثابت.
يعني هتعرف تشغل كمبرويسر الهوا أو أي حاجة بتشتغل علي مخرج الولاعة.

[Unendlich]

موضوع الولاعة ده مختفي من كتير من موديلات الأوروبي الحديث
دول عالم أصلهم بيهتموا بالبيئة و كده
انما مخرج الولاعة (تحط شاحن, منفاخ, عفريت أزرق بقى) ميقدرش يشيله
دي حاجة من أيام الهكسوس

[ah-elgendy]

تسلموا يا رجاله اصل انا قديم شويه مش مواكب التكنولوجيا موديل 99 بقى معلش

[Ahmed Amin]

ولا يهمك واللي ناقص منها هيا ال Smoker Kit بس,
والمفروض أنها موجودة في الهاي لاين.
بس كله فيه مخرج 12V

[ah-elgendy]

ولا يهمك واللي ناقص منها هيا ال smoker kit بس,
والمفروض أنها موجودة في الهاي لاين.
بس كله فيه مخرج 12v

انت شايف انها عربيه كويسه ولا اوبل كورسا انا محتار انا عملت موضوع عن الكورسا محدش رد فيه ولا عارف يفدنى من حث كل حاجه صيانه وقطع غيار وقوه و رفاهيه

[Ahmed Amin]

أسف جداً مشوفتش مشاركتك غير دلوقتي,
أنا عن نفسي بميل للبيجو أكتر, بس لو كنت هتقارن ما بين البيجو 301 والأسترا الجديدة كنت هقولك أسترا.
لكن الكورسا مش عاجباني أووي وكمان لو بيجو 301 مع أسترا هتبقي بتقارن عربيتين صالون مع بعض وهتشوف فرق السعر والأمكانيات, لو معاك فلوس الأسترا تبقي أفضل وكماليات أزيد شوية وأريح, لو فرق السعر عالي هتبقي البيجو صفقة أفضل.
أما الكورسا حاسس أنها مالهاش نصيب في السوق السنة دي زي الأسترا والبيجو 301
ولازم برضه تشوف أسعار قطع الغيار للعربيتين قبل ما تقرر و تختار.

[sehs15]

انا برضه ناوي اجيب المانيوال بس للاسف هيحتاج تظبيط كتير زي اركبله سماعتين و فوجات و وحده رفع وانذار بس مش عارف هيتكلف كام ... انا مش عايز اجيب الهاي لاين عشان مش بحب الاوتوماتيك و معييش سيوله

[Ahmed Amin]

تركيب السماعات والفوجات سهل, بالنسبة لوحدات الرفع معرفش تتكلم كام بصراحة بس لو انت مش ناوي علي أوتوماتيك من الأساس هات المانيوال ومش هتفرق طالما كدا كدا مش بتحب الأوتو ومفيش سيولة حالياً,
وتبقي تعمل الحاجات اللي ناقصاك في التوكيل من إنذار ووحدات رفع.
الفوجات والسماعات ممكن تركبها برة عادي, بس من رأيي خلي الفوجات في التوكيل وتركب الفوج الأصلي, والسماعات بس اللي ركبها برة لو حبيت بحاجة سوني نضيف.

[ahmedmohamed7]

هو المانيوال بتاع ال 301 موجود اصلا ...؟ ممكن الاقيها فين ؟ و الاوفر برايس ماشى عليها برده ؟

[Hema_Basha]

تركيب السماعات والفوجات سهل, بالنسبة لوحدات الرفع معرفش تتكلم كام بصراحة بس لو انت مش ناوي علي أوتوماتيك من الأساس هات المانيوال ومش هتفرق طالما كدا كدا مش بتحب الأوتو ومفيش سيولة حالياً,
وتبقي تعمل الحاجات اللي ناقصاك في التوكيل من إنذار ووحدات رفع.
الفوجات والسماعات ممكن تركبها برة عادي, بس من رأيي خلي الفوجات في التوكيل وتركب الفوج الأصلي, والسماعات بس اللي ركبها برة لو حبيت بحاجة سوني نضيف.

طب الفوجات في التوكيل والسماعات لو بره متخرجش العربية من الضمان وفي حاجة تانية برضو عاوز اسال عليها النور اللي هو بيتركب في الابواب من تحت اللي اسمه ghost shadow ده لو ركبته يخرج العربية من الضمان

[Ahmed Amin]

أي لعب في الضفيرة أو سنتر العربية هيخرج العربية من الضمان,
سواء عشان تركب أنذار أو وحدات رفع, دول لازم في التوكيل,,

أما الفوجات والسماعات هتلاقي معمول حسابها في العربية, ورا هتلاقي سلك المساعات مستنيك,
والفوجات برضه هتلاقي سلكها المفروض موجود ورا الأكصدام.

[Hema_Basha]

أي لعب في الضفيرة أو سنتر العربية هيخرج العربية من الضمان,
سواء عشان تركب أنذار أو وحدات رفع, دول لازم في التوكيل,,

أما الفوجات والسماعات هتلاقي معمول حسابها في العربية, ورا هتلاقي سلك المساعات مستنيك,
والفوجات برضه هتلاقي سلكها المفروض موجود ورا الأكصدام.

طب انت رايك ايه اركبهم بره ولا التوكيل احسن وهيتكلفوا كام تقريبا

[Ahmed Amin]

مانا قلت لك يا باشا السماعات والفوجات ممكن تركب بره عادي لأن معمول حسابهم في الوصلات,
أما الانذار ووحدات الرفع لازم في التوكيل, وزي أي توكيل بتتكلف في رينج 1000

أتاكد بس أن عندم في دراع النور الزرار رقم B اللي هيا بكرة جنب البكرة الأساسية اللي بتشغل منها النور الصغير والكبير. لو موجودة يبقي كله تمام
لو مش موجودة يبقي هتركب الفوجات كمان في التوكيل.

[M3L]

هو المانيوال بتاع ال 301 موجود اصلا ...؟ ممكن الاقيها فين ؟ و الاوفر برايس ماشى عليها برده ؟

موجود بس في التوكيل بـ 108000 بالحجز برده زي الاوتوماتيك .. أنا سألت بره في كذا معرض ومعارض كبيرة بس مش موجودة أصلا.