ايه هى الالوان الحلوة فى 301 ؟

[Bmember]

السلام عليكم
ممكن الاعضاء اللى استلموا 301 او اتفرجوا على معظم الوانها يقولولنا مشكورين ايه احلى الوان 301 لأن فى ناس عايزة تحجزها و مش لاقية العربية كتير علشان تتفرج عليها
حتى جزء من المعارض اللى بتبيعها مش عارضاها اصلا او مخلينها فى المخازن علشات الاحداث
و فى الوان قليلة زى الموكا مش ناس كتيرة شافتها و هو لون جديد شوية و بالتالى مش عارفين حلو عليها اللون ده و لا ايه
و فى لون شوفته مره شبه البرونزى بتاع الصنى بس افتح شوية
و اخبار الفضى بتاعها ايه ؟
يا ريت اللى اتفرج عليها يفيدنا بسرعة علشان نقدر نحدد اللون و نحجز
هنتعبكوا معانا

[aboamina]

الموكا اللي في الاعلان شكله حلو والابيضفي واحد معانا هنا في المنتدى جايبه وشكله رائع

ولو عايز نصيحتي الفضي هو اكتر لون عملي واكيد شكله هيبقى حلو برضه

[yassermotors]

الفضي روووووووووووووووووووووووووووعة .. وخاصةً في الهاي لاين
الاسود جميل جداً برضه ..

[Ahmed Amin]

الأبيض تحفة عليها, مع أخونا مهاجر,
وشكلها فخم فيه,,

http://www.nilemotors.net/Nile/359777-301.html

والسيلفر روعة علي كل العربيات.



والأسود طبعاً ملك الألوان.


أما اللون الموكا اللي نازلة بيه في معظم الأعلانات بصراحة معجبنيش شخصياً.



فمن رأيي الشخصي أحسن الألوان بالترتيب
سيلفر عشان مناسب لكل العربيات وحلو عليها
أبيض جميل جداً, بس عايز عناية دائمة وعيبه أنو الخدوش بتبان فيه بسرعة علي عكس السيلفر
وأخيراً الأسود.

[mohjarr]

الألوان إللى شوفتها .. الأبيض (لون عربيتى) و الفضى و الفرانى و الذهبى ممكن نقول عليه شامبين . الألوان الفاتحة مش بيبان فيها التراب و الألوان الغامقة بيبان فيها التراب بسرعة و تحتاج تتمسح كل شوية.
لو مش عاجبك الأبيض أرشحلك الفضى لسة مستلم واحدة لأحد أقربائى... بس نصيحة ماتحطش لون معين فى دماغك لقلة المعروض من السيارة و حجز معظم الدفعات القادمة لذلك إذا وجدت أى معرض يوفر لك السيارة ستجد بالكثير لونين لتختار بينهم... و إللى تلاقيه تجيبه لو مستعجل .. مش قادر أقولك إحنا لفينا أد إيه علشان نجيب أخر عربية دى و ماكانش فيه غير فضى و أخدناه... مبروك مقدماً

[mohjarr]

الأبيض تحفة عليها, مع أخونا مهاجر,
وشكلها فخم فيه,,

http://www.nilemotors.net/nile/359777-301.html

يا باشا ليا الشرف تحط صورة عربيتى ... شكراً لكل مجهوداتك لمساعدة كل الأعضاء

[Ahmed Amin]

يا باشا ليا الشرف تحط صورة عربيتى ... شكراً لكل مجهوداتك لمساعدة كل الأعضاء

الشرف لينا يا مهاجر باشا,, والشكر لله,
أنا بس حبيت أوريله جمال اللون عال طبيعة وهوا عليها هنا في مصر,
بدل صور الإعلانات اللي بتبقي علي النت مش بتبقي حلوة أوي زي الصورتين اللي فوق السودا والموكا.

[Ahmed Amin]

لو مش عاجبك الأبيض أرشحلك الفضى لسة مستلم واحدة لأحد أقربائى... بس نصيحة ماتحطش لون معين فى دماغك لقلة المعروض من السيارة و حجز معظم الدفعات القادمة لذلك إذا وجدت أى معرض يوفر لك السيارة ستجد بالكثير لونين لتختار بينهم... و إللى تلاقيه تجيبه لو مستعجل .. مش قادر أقولك إحنا لفينا أد إيه علشان نجيب أخر عربية دى و ماكانش فيه غير فضى و أخدناه... مبروك مقدماً

بالظبط كدا, زي ما أستاذ مهاجر وضح إنك ممكن تحط لون معين في بالك, وتروح متلاقيهوش وبعدين تحجزة وتستني فترة كبيرة علي ما العربية تيجي,, وفي الأخر ما يجيش زي ما حصل مع ناس هنا وتيجي عربيات بألوان تانية وتلاقي كمان السعر زاد.

فأحسن حاجة في الوقت الحالي اللي أحنا فيه أنك تروح المعارض اللي العربية متوفرة عندها,
تشوف الألوان اللي موجودة علي الطبيعة وتخلص وأنت واقف دلوقتي أحسن من بكرة..

[محمد سيدو]

https://www.facebook.com/media/set/?set=a.443485552412069.1073741856.209357345824892&type=3

ده متهيالي اللون الدهبي

[damasry]

الالوان اللى شفتها بعينى وقعدت فيها لحد دلوقتى:

1- الموكا
2- السماوى
3- الفضى
4- الشامبين (البرونز)
5- الرمادى

مشوفتش الاسود ولا الابيض

افضل الالوان من وجهة نظرى بالترتيب:
1- الموكا
2- الرمادى
3- الابيض

[Hema_Basha]

يل جماعة محدش يعرف اللي حاجزين هيستلموا امتي

[zooma2009]

يل جماعة محدش يعرف اللي حاجزين هيستلموا امتي

المفروض ان في دفعه هتتسلم علي يوم 20 - 7 ان شاء الله .... ده كلام التوكيل

[Hema_Basha]

المفروض ان في دفعه هتتسلم علي يوم 20 - 7 ان شاء الله .... ده كلام التوكيل

ده اللي حاحزين امتي اصل انا حاجز من اسبوعين

[Bmember]

الف شكر

شكرا لكل الاعضاء اللى ساعدونى
تعبناكم معانا
انا الحمد لله حجزت الهايلاين بس قالولي اختار 3 الوان
اخترت الفضى و الشامبين و الموكا بالترتيب و قالولى ان قدامى شهر اقدر اغير الترتيب ده
بس لسه شوية محتار بينهم لانى مشوفتش الموكا على الطبيعة
هما فى التوكيل بيقوليلى حلو و مختلف
لو حد يعرف مكان معروضة فيه الموكا يا ريت مشكورا يقوللى عليه
ربنا يسهل
الف شكر

[damasry]

الموكا اللى هو البنى كان معروض فى التوكيل صلاح سالم بجوار مسجد الرحمن الرحيم

نصيحتى الشامبين لون ملوش درجة (خصوصا فى ال301) ومش حلو لأنه مش مبين تصميمها الهجومى