خبراء البيجو 405

[mohammed dodda]

كنت عايز أعرف من رجالة البيجو هل كل ال405 البرستيج أوتوماتيك ولا نزل منه مانيوال ؟؟ وهل كله 2000 سىسى ولا فى منه 1600سىسى ؟؟..واحد زميل عنده بيجو 405 برستيج 1998 مانيوال 2000 سى سى وعاملة 240 ألف كيلو تقريبا بره وجوه ماعدا رفرف..تعمل فى حدود كام؟؟
واستفسار برضه : كنت عايز أعرف ال405 تقفيل مصرى بدأت من موديل كام؟ والفرنساوى أخرها موديل كام؟؟ وشكرا مقدما

[dedo_ryo]

الفرنساوي اخره 94 و هتعرفها من التابلوه و من الشنطه
و بالنسبه ان اغلب البرستيج 2000 سي سي المكنه السوده و لكن في منها 1600 المكنه الفضي و شوفت واحده كانت 1800 بس مش عارف دي مكنه الشركه ولا تسقيط و في منها مانيوال و اتوماتيك لكن الاتوماتيك نادر شويه

[mohammed dodda]

أشكرك وأرجو مشاركة باقى رجالة البيجو ياريت ياجماعة اللى يعرف اجابة للأستفسارات ميبخلش علينا بالمعلومة...وعلى فكرة انا دورت فى ارشيف ال405 هنا فى منتدى البيجو قبل ما أسأل ولقيت مشاركة لاحد الاعضاء المحترمين بيتكلم عن ان الموديل نزل من88-99 وفى مصر منه 4 طرازات(سىسى1600-1800-2000 برستيج-1900 اللى اسمه mi16 )..وملقيتش اجابة لاستفساراتى بخصوص فتيس البرستيج وسنة موديلات المصرى والفرنساوى ؟؟؟؟؟

[mohamedhossny]

البرستيج دائما بفتيس اوتوماتيك بس للاسف لما بيبوظ محدش بيعرف يصلحة فالتاس بتغيرة لمانوال والبرستيج 98 فرنساوى مكنة سودا

[a7medelsayed]

405 برستيج

كنت عايز أعرف من رجالة البيجو هل كل ال405 البرستيج أوتوماتيك ولا نزل منه مانيوال ؟؟ وهل كله 2000 سىسى ولا فى منه 1600سىسى ؟؟..واحد زميل عنده بيجو 405 برستيج 1998 مانيوال 2000 سى سى وعاملة 240 ألف كيلو تقريبا بره وجوه ماعدا رفرف..تعمل فى حدود كام؟؟
واستفسار برضه : كنت عايز أعرف ال405 تقفيل مصرى بدأت من موديل كام؟ والفرنساوى أخرها موديل كام؟؟ وشكرا مقدما

أنا عندي عربية بيجو 405 برستيج تقفيل فرنساوي 2000 سي سي مانيوال مو 97 ...........
و البرستيج كله تقفيل فرنساوي...... والتابلوه بتاعها بيكون أبنوس مش أسود زي المصري والإيراني..... ومفيش حاجة اسمها برستيج 1600 سي سي....... البرستيج كله 2000 سي سي........ والعربية بالمواصفات اللي بتتكلم عنها دي تساوي حوالي 38-42 ألف جنيه (قياسا على أن سعر ال1600 مصري يتراوح من 30-35 ألف)......
أهم حاجة لما تشتري بيجو 405 برستيج فرنساوي، لازم تعرف أن أكبر مشكلة فيها هي الحرارة في الصيف...... العربية مواصفاتها فرنساوي بالكامل ومش متعودة على الحر بتاع مصر..... بس الموضوع ده خلاصته غسلة محترمة لدورة التبريد أول كل صيف وجركن مياة خضرا....
تاني مشكلة إن مش أي صنايعي يشتغل فيها..... ومعظم الصنايعية بيعكوها..... خصوصا بتوع الكهربا بيبوظوا الدنيا لأن الكهربا بتاعتها معقدة ومليانة تفاصيل.......
فيما عدا ذلك سيارة ممتازة ورائعة............ وعلى فكرة لو خايف من موضوع إنها 2000 سي سي عشان البنزين، أحب أقولك إن اللتر بيعمل 10.5 كم ..... يعني أحسن من أي عربية لانوس أو فيرنا 1600 سي سي..... وده طبعا بفضل الحقن الإليكتروني والسلندر الفرنساوي الرفيع...... ده غير الميزة الرهيبة في العربية دي أن التانك بتاع العربية 80 لتر.... ود رائع في أزمات البنزين (املاه وانساه).......

[eleanor]

معلش بس هو فيه خلط فى الالفاظ معنى برستيج يعنى فرنساوى ودى فى منها 1600 و2000 سى سى
وكان بينزل مانيوال والخليجى منها هى الاوتوماتيك وفى الغالب العربيه بتبقى فرش بيج من جوه
والفرنساوى اخره سنه92 تقريبا وخليك بعيد عن الانجكشن فيها علشان صيانته صعبه وقطع غياره قليله يعنى خليك فى الكربراتير
وبالنسبه للعربيه الى حضرتك بتتكلم عليها تعمل فى حدود 35000 الف لو مش محتاجه مصاريف خالص

[a7medelsayed]

معلش بس هو فيه خلط فى الالفاظ معنى برستيج يعنى فرنساوى ودى فى منها 1600 و2000 سى سى
وكان بينزل مانيوال والخليجى منها هى الاوتوماتيك وفى الغالب العربيه بتبقى فرش بيج من جوه
والفرنساوى اخره سنه92 تقريبا وخليك بعيد عن الانجكشن فيها علشان صيانته صعبه وقطع غياره قليله يعنى خليك فى الكربراتير
وبالنسبه للعربيه الى حضرتك بتتكلم عليها تعمل فى حدود 35000 الف لو مش محتاجه مصاريف خالص

الإنجيكشن موجودة معايا فرنساوي مو97..... بقالها معايا تسع سنين وقطع غيارها متوفرة عادي جدا ..........
والكراسي مش بيج ولا حاجة .... الكراسي رمادي..... هي التابلوه بتاعها ابنوس وفيها فوانيس شبورة..... وده فرق الشكل الوحيد بينها وبين ال405 العادية.........

[eleanor]

الإنجيكشن موجودة معايا فرنساوي مو97..... بقالها معايا تسع سنين وقطع غيارها متوفرة عادي جدا ..........
والكراسي مش بيج ولا حاجة .... الكراسي رمادي..... هي التابلوه بتاعها ابنوس وفيها فوانيس شبورة..... وده فرق الشكل الوحيد بينها وبين ال405 العادية.........

حضرتك موديل 97 ده وجيه اباظه مش فرنساوى 100%

[mohammed dodda]

أنا عندي عربية بيجو 405 برستيج تقفيل فرنساوي 2000 سي سي مانيوال مو 97 ...........
و البرستيج كله تقفيل فرنساوي...... والتابلوه بتاعها بيكون أبنوس مش أسود زي المصري والإيراني..... ومفيش حاجة اسمها برستيج 1600 سي سي....... البرستيج كله 2000 سي سي........ والعربية بالمواصفات اللي بتتكلم عنها دي تساوي حوالي 38-42 ألف جنيه (قياسا على أن سعر ال1600 مصري يتراوح من 30-35 ألف)......
أهم حاجة لما تشتري بيجو 405 برستيج فرنساوي، لازم تعرف أن أكبر مشكلة فيها هي الحرارة في الصيف...... العربية مواصفاتها فرنساوي بالكامل ومش متعودة على الحر بتاع مصر..... بس الموضوع ده خلاصته غسلة محترمة لدورة التبريد أول كل صيف وجركن مياة خضرا....
تاني مشكلة إن مش أي صنايعي يشتغل فيها..... ومعظم الصنايعية بيعكوها..... خصوصا بتوع الكهربا بيبوظوا الدنيا لأن الكهربا بتاعتها معقدة ومليانة تفاصيل.......
فيما عدا ذلك سيارة ممتازة ورائعة............ وعلى فكرة لو خايف من موضوع إنها 2000 سي سي عشان البنزين، أحب أقولك إن اللتر بيعمل 10.5 كم ..... يعني أحسن من أي عربية لانوس أو فيرنا 1600 سي سي..... وده طبعا بفضل الحقن الإليكتروني والسلندر الفرنساوي الرفيع...... ده غير الميزة الرهيبة في العربية دي أن التانك بتاع العربية 80 لتر.... ود رائع في أزمات البنزين (املاه وانساه).......

...أشكر حضرتك على الاهتمام والرد

[mohammed dodda]

معلش بس هو فيه خلط فى الالفاظ معنى برستيج يعنى فرنساوى ودى فى منها 1600 و2000 سى سى
وكان بينزل مانيوال والخليجى منها هى الاوتوماتيك وفى الغالب العربيه بتبقى فرش بيج من جوه
والفرنساوى اخره سنه92 تقريبا وخليك بعيد عن الانجكشن فيها علشان صيانته صعبه وقطع غياره قليله يعنى خليك فى الكربراتير
وبالنسبه للعربيه الى حضرتك بتتكلم عليها تعمل فى حدود 35000 الف لو مش محتاجه مصاريف خالص

....تعبناك معانا ياباشا مرة 505 ومرة 405 :) ومتشكر على الاهتمام والرد

[eleanor]

تحت امر حضرتك فى اى حاجه