نويت ان شاء الله اشتري 505 ومحتاج نصايحكم قبل الشراء

[ahmed_mamdouh]

السلام عليكم ورحمة الله وبركاته
اعضاء قسم بيجو المحترمين تحية ليكم وكل سنة وانتم طيبين
انا ان شاء الله نويت اشتري 505 ومحتاج نصايحكم
يعني مثلا قبل ما اشتري اخد بالي من ايه في العربية وسمعت انه في موديل اسمه الطيارة
ايه الفرق بينه وبين العادي و مثلا هل العربية مصاريفها كتير لو استخدامي ليها يومي

[mishoooonline]

معلوماتى عنها قليل
بس هي اعتمادية
وف فعلا موديلين
1- عاده 2- طياه
الطيارة فيها كماليات + ماتور بور اعلي وتغير ف الصالون الي حد ما عن العاده
قطع الغيار بتاعتها اكتر من العاده سعرها معقول
تحميل العربية عالي "خد صحابك وكلهم واطلع اي حته يامعلم ولا يهمك بتشيل"

اهم حاجة بالنسبالي
1- الشاسية سليم 100% ومفيهوش برومه
2- ماتور والات الجر "تكلفة التعمير غاليه شويه وسعر المستعمل بردو غالي حبة لان مواتيرها معمرة جدااااااا

اي حاجة بعد كدا تتعمل

ربنا يوفقك

[ahmed_mamdouh]

الف شكر يا باشا ...بس برضه عايز اعرف الفروق بين العادة والطيارة
وعايز اعرف بالنسبة لاستهلاك البنزين بتعمل كام كيلو في اللتر في المتوسط يعني

[eleanor]

بص ياباش خليك فى الطياره لانها احدث واشيك ودى بتبدى من سنه 1986
والاختلاف فى التابلوه والكراسى والفوانيس الخلفيه والشنطه ومن ناحيه الموتور الاختلاف فى وش السلندر والاسبراتير والكربراتير
والعربيه دى خلى بالك معمرة جدا وجرايه وثابتها حلو غير ال 504 خالص مع ان ال504 مش وحشه فى الثبات بس دى حاجه تانى
بس قطع الغيار الاصليه دلوقتى بقت غاليه علشان شحت بس معمرة وموجوده
واى استفسار انا تحت امرك

[ahmed_mamdouh]

الف شكر يا باشا ... بس انا عايز اعرف اعمل حسابي في مبلغ كام علشان اجيب حاجه نقول عليها جيدة جدا مش ممتازة لاني عارف ان الممتازة سعرها فوق حبتين ... وهل لو استخدامي ليها يومي هتبقى مكلفة ماديا في بنزينها ...يعني مثلا بتعمل كام كيلو في الليتر

[eleanor]

الف شكر يا باشا ... بس انا عايز اعرف اعمل حسابي في مبلغ كام علشان اجيب حاجه نقول عليها جيدة جدا مش ممتازة لاني عارف ان الممتازة سعرها فوق حبتين ... وهل لو استخدامي ليها يومي هتبقى مكلفة ماديا في بنزينها ...يعني مثلا بتعمل كام كيلو في الليتر

55 او 60 الف تجبلك واحد محترمه وكان فى واحد على كونتاكت كار صاحبها بيقول انها فابريكا وبالنسبه للبنزين طالما الكهرباء بتاعتها مظبوطه يبقى مش هاتستهلك بنزين كتير والصفيحه فى العربيه دى بتعمل حوالى 180 كيلو بس اهم حاجه تاخد معاك سمكرى شاطر علشان فى عربيات كتير نصين ومغيره ربع وصعب انك تكتشفها لوحدك

[mishoooonline]

استهلاك العربية ف البنزيين بالنسبة ل 2000 cc بتعمل 160/180كم ف الصفيحة "20لتر"
وبالنسبة لل 1600 cc بتعمل 180/200كم ف الصفيحة ده جوة البلد
اما بره السريع فتقريبا اللتر بيعمل 13كم

سعر العربة بيتراوح من 25 لحد 60 حسب الموديل والحاله والكماليات