301 ولا 208? أيهما أفضل؟

[Omar92]

يا جماعة أنا دلوقتي ببص على ال301 الور، اللي هي الهايلاين تمنها 136 ألف جينه. بس أنا بردو شفت ال-208 اكسيس يعني البيسيك و سعرها 150 ألف جينه، يعني الفرق مش كبير أوي. إيه أفضل؟ أنا شايف هنا ناس كتيرة بتشكر فل 301, لكن بصراحة هي سيارة مملة شوية، أنا لسة طالب وعايز أجيب حاجة شبابي سبور أكتر لكن عايز حاجة متينة وتستحمل. أنا طبعاً بصيت عل إلنترا سيراتو و لفتني شكلهم وكدة لكن أنا عايز عربية أعتمد عليها و صناعة مضمونة.
رأيكم يا شباب ؟
شكراً جزيلا

[AlGazar2]

لا بصراحة ال 208 لو عايز حاجة شبابى

العربيه بالموتور الجديد و شكل تحفه و صالون جميل جدا و شيك و وسع مقبول لشاب و شنطة واسعه نسبيا و لذيذه

لو مش فارق معاك اعادة البيع توكل على الله و هاتها
و ممكن تبص برضه على السوبارو لو عايز ثبات عالى و اعتمادية عالية

[Haitham G]

ال 208 عربية جميلة طبعا بس انا سمعت ان الثبات على السرعات مش جامد بعد 170 تقريبا فى لفات الطريق التحكم مش اد كده

[Omar92]

شكرا عالردود...............بصراحة اشك اني حزود على 120 فالساعة عشان اجيب ال170 :)

[Mohab.Nabil]

من ناحية الجودة فالاتنين مضمونين الـ 301 اقل شوية فى التقفيل من الـ 208 بس هى افضل من عربيات كتير فى السوق فمتقلقش من ناحية الجودة

الـ 208 حاجة و الـ 301 حاجة .. الـ 301 عربية تميل للعائلية .. الـ 208 شبابية و الكرسى اللى ورا تقريبا يشيل 2 بالعافية

انا لو مكانك هحاول لو اقدر اعلى شوية بالفلوس و اجيب الفئة الاعلى من الـ 208 و هتبقى راكب عربية فيها كل حاجة