عيوب او مشاكل 301 هاى لاين قبل ما نستلمها

[piroo]

ياجماعة كنت عايز اعرف هل فى مشاكل أو عيوب فى 301 هاى لاين عشان انا حجزتها بس خايف عشان لسة منتشرتش ارجوكم فيدونى..............

[HaNo_ELBeh]

اعتقد ان حضرتك مش هتلاقى حد بيشتكى من العربيه او ملاحظه عيوب فيها
وانا متابع معاك علشان انا كمان بفكر فى العربيه جامد جداااا

[mohjarr]

الموضوع مش محتاج إستطلاع ولكن قراءة تعليقات مالكين السيارة سيكون أكثر إفادة.. الإستطلاع سيتضمن أشخاص لا يملكون السيارة .
بعض التعليقات التى رأيتها من مالكين السيارة و أنا منهم :

انا العربية معايا بقالها شهرين بالظبط دلوقتي والحمد لله اصبحت راضي جداً عنها والتوكيل بتاعها في صيانة ال ٢٥٠٠ كانوا ممتازين جداً في تعاملهم معايا ومهتمين بالعربية جداً . انا عامل بالعربية ٧٠٠٠ كم ... العربية محتاج تفهمها بس عشان تعرف تتعامل مع الفتيس .. وده انا عرفته مع الوقت وفهمهوني برضه المهندس بتاع الصيانة في التوكيل وطلع جرب معايا بعد ما خلصنا ... تكييف العربية ميقلش عن تكييف الياباني وعلي مدار الشهرين مش بشغله غير علي ٢ . ثبات العربية ممتاز انا جبت بيها ١٨٠ علي طريق السويس وكانت ما شاء الله محستش بقلق خالص وفراملها كويسة جدااا .. صوت الموتور بيكون مسموع بعد ال١٣٠ بس صوته جميل .. وبالنسبة للفتيس مبقتش بحس بنتشة خالص وهو فعلا فتيس ذكي جدااااً بيتعامل حسب نوع سواقتك .. وتجميع الموتور واستجابته للسرعة جيد جدااااً ... وانا كنت عامل موضوع عن العربية وكنت حاطط صور للعربية .

قمت أنا و احد أقربائى بأول سفرية إلى الساحل الشمالى بسيارتين بيجو 301 هاى لاين .. متوسط السرعة طول الطريق من 90 حتى 150 كيلومتر/ساعة .
سيارة محملة بشنط سفر كبيرة و حمولة شخصين و السيارة الثانية بحمولة كاملة و شنطة محملة بالكامل.
التكييف يعمل بالسيارتين .
إنطباعى عن السيارة :

1- السيارة ممتازة كسيارة عائلية و واسعة جداً والشنطة أكثر من كافيه لشنط السفر و كافة إحتياجات الأسرة.

2- إستجابة السيارة جيدة جداً لزيادة السرعة بكل هذه الحمولة و بالتكييف يعمل طوال الرحلة وهذا دليل على عدم وجود أية مشاكل مثل التى ظهرت فى بعض السيارات السيتروين السى إليزية بأن التكييف يقوم بالتحميل على الموتور.

3- معدل إستهلاك البنزين يعتبر جيد جداً خصوصاً ان السيارات لم يتم عمل الصيانة الأولى لهم حتى الأن .. مؤشر البنزين عند المنتصف ولازال يوجد أكثر من نصف التانك و سيتحسن معدل الإستهلاك بعد أول صيانة (أول صيانة 10000) .

4- فرامل السيارة جيدة جداً مع كل هذه الحمولة.

الصراحة السيارة صفقة رابحة بالنسبة لسعرها و مبروك لكل من إستلمها أو حاجزيها.

ربنا يباركلك فيها و يكفيك شرها .. أنا برده لسه مجرب العربية على طريق السويس و جيبت بيها 160 و كانت ممتازة ماحستش إنى ماشى على السرعة دى و الثبات أضاف الكثير من الطمأنينة على السرعات العالية.
التكييف ممتاز و الفرامل ممتازة.. نقطة النتشة دى بتعتمد على طريقة السواقة و ماحستش بيها غير كام مرة منذ فترة ولكن بعد ما بدأت بالتعود على السيارة لا أشعر بها.
قمت بتجربة النمط الرياضى على الطريق و كان تسارع العربية جيد جداً زى مايكون الماتور إتغير.
لم أذهب لعمل الصيانة حتى الأن ولكن أحد أقاربى قد ذهب و ذكر لى أنه لم يجد أية مشاكل و المعاملة كانت جيدة بالتوكيل.

الف مبروك و ده موضوع جميل يجمعنا
انا معايا العربيه منذ فتره ولم اشعر باى مشاكل بها حتى الان

[medori]

الموضوع مش محتاج إستطلاع ولكن قراءة تعليقات مالكين السيارة سيكون أكثر إفادة.. الإستطلاع سيتضمن أشخاص لا يملكون السيارة .
بعض التعليقات التى رأيتها من مالكين السيارة و أنا منهم :

الموضوع مش محتاج كلام بعد كلام الاستاذ mohjarr طبعا

حضرتك برضة ممكن تقلب فى المواضيع اللى هنا فى المنتدى و فى منتدى الستروين عن الc-elysee عشان تطمئن من ناحية العربية اكتر، هتلاقى مواضيع مغطية كل حاجة و تجارب الاعضاء كتبينها برضة

[piroo]

انا بشكرك جدا على اهتمامك و ايضا على معلوماتك القيمة تمنطنى فعلا........
وخلينا على تواصل

[Hema_Basha]

الموضوع مش محتاج كلام بعد كلام الاستاذ mohjarr طبعا :10d5c8w1107:

حضرتك برضة ممكن تقلب فى المواضيع اللى هنا فى المنتدى و فى منتدى الستروين عن الc-elysee عشان تطمئن من ناحية العربية اكتر، هتلاقى مواضيع مغطية كل حاجة و تجارب الاعضاء كتبينها برضة

ممكن بس تيجبلي جدول اعمال الصيانة للبيجو لاني مش لاقي غير بتاع الاليزيه

[medori]

ممكن بس تيجبلي جدول اعمال الصيانة للبيجو لاني مش لاقي غير بتاع الاليزيه

لسة منزلش جدول صيانة على الwebsite بتاع بيجو لل301 و ملقيتوش على النت برضة بس معتقدش انة هيفرق كتير عن ال307 او حتى ال208، كلهم نفس الحاجة تقريبا ما عدا فروق هامشية بسيطة جدا ما بين الجدولين، فممكن تمشى بأى واحد فيهم. و ملحظتى علية انة جدول اقل بكتير من جدول الصيانة اللى كان عندى فى الميجان الحقيقة و دي حاجة كويسة و موفرة

[medori]

على فكرة انا قطع الغيار بتاعت ال301 الاساسية (غير الAccessories) هى هى بتاعت ال307 اللى موجودة فى مصر من 2005 ماعدا فروق بسيطة برضة، عشان كان طلع كلام عن حاجات هبلة اشى طاسات و لا مسند ايد و كلام من دة انة مش موجود فى التوكيل، قطع الغيار كلها موجودة إن شاء الله و مش هيبقى فيها مشاكل

الservice plan بتاعت ال307

[Hema_Basha]

على فكرة انا قطع الغيار بتاعت ال301 الاساسية (غير الaccessories) هى هى بتاعت ال307 اللى موجودة فى مصر من 2005 ماعدا فروق بسيطة برضة، عشان كان طلع كلام عن حاجات هبلة اشى طاسات و لا مسند ايد و كلام من دة انة مش موجود فى التوكيل، قطع الغيار كلها موجودة إن شاء الله و مش هيبقى فيها مشاكل

الservice plan بتاعت ال307

هي اول صيانة بعد 2500 ولا بعد 10000

[mohjarr]

أول صيانة فى بيجو مصر على 2500 كيلومتر و بتكون مجانية . بيراجعوا على سوائل السيارة مع عمل تربيطات للعفشة و مراجعة مفاصل الأبواب و فيه سوفت وير جديد نزل من الشركة الأم قاموا بتنزيلة و لا يوجد تغيير زيوت بها .

[piroo]

شكرا على المعلومات الجامدة دية ... بس عايز اعرف مكان التوكيل الى عاملت فية صيانة 2500

[Ahmed Amin]

العنوان : غمرة 114 الخليج المصري
أرقام التليفون: 24824647 -- 24823092
سـاعات العمل: 9:00 ص-5:00 م
أيام الأجازات: الجمعة

شرح تفصيلي لمكان التوكيل:

http://www.nilemotors.net/Nile/177885-a.html

http://www.nilemotors.net/Nile/177884-a.html

[piroo]

شكرا على اهتمامك و سرعة استجابتك شكرا

[piroo]

أول صيانة فى بيجو مصر على 2500 كيلومتر و بتكون مجانية . بيراجعوا على سوائل السيارة مع عمل تربيطات للعفشة و مراجعة مفاصل الأبواب و فيه سوفت وير جديد نزل من الشركة الأم قاموا بتنزيلة و لا يوجد تغيير زيوت بها .

معلش سؤال اية السوفت وير الجديد دة يخص اية فى العربية

[Ahmed Amin]

معلش سؤال اية السوفت وير الجديد دة يخص اية فى العربية

السوفت وير علي حسب ما فهمت من الأخ mohjarr

هوا أبديت للسوفت وير الخاص ببلوتوث العربية فقط عشان مكنش بيقرا كل الأسماء على الأيفون 5 بس
ولا بيعمل مزامنة sync لكل الأسماء من عليه.

مش سوفت وير جديد لكمبيوتر العربية نفسها,,
ولا مشكلة كبيرة يعني عشان متقلقش نفسك,