ايه هي موديلات بيجو 505 بالتفصيل

[ahmed_mamdouh]

لو سمحتو يا اهل الخبرة في البيجو عاوز اعرف ايه هي موديلات بيجو 505 بالتفصيل يعني مثلا ايه الفرق بين العادة والطيارة واحيانا بشوف موديلات عرضها اكبر من موديلات تانية وبﻻقي موديلات 505 sr و gtd turbo .... عايز اعرف كل حاجه بالتفصيل لو سمحتم

[eleanor]

البيجو ال505 شكلين الشكل الاولانى لغايه 1985 اما من 1986 دى سمها الطياره
والى اختلف فى الشكل الاكصدمات والفوانيس الخلفيه والصالون والتابلوه من الداخل وبالنسبه للموتور هو هو بس اختلاف وش السلندر والمانفو والكربراتير وبقت اسبراتير الكترونى
وفى موديلات انجكشن وتيربو بس دى قليله جدا فى مصر
الموديلات القديمه كانت gl , gr
اما الموديلات الجديده sr ,sl ,sti, gtd

[mohammed dodda]

البيجو ال505 شكلين الشكل الاولانى لغايه 1985 اما من 1986 دى سمها الطياره
والى اختلف فى الشكل الاكصدمات والفوانيس الخلفيه والصالون والتابلوه من الداخل وبالنسبه للموتور هو هو بس اختلاف وش السلندر والمانفو والكربراتير وبقت اسبراتير الكترونى
وفى موديلات انجكشن وتيربو بس دى قليله جدا فى مصر
الموديلات القديمه كانت gl , gr
اما الموديلات الجديده sr ,sl ,sti, gtd

....استفسار من حضرتك : انا كنت مقبل على شراء العربية دى بس خوفونى من قطع غيارها انها غالية جدا والمضروب منها كتييير وكل حاجاتها استيراد مفيش جديد أصلى..فممكن تفيدنا بخبرتك؟؟ سؤال تانى : لو واحدة موديل 90 كاملة مانيوال بره وجوه وحالة ممتازة رينجها كام اليومين دول تقريبى ؟ وليه اسعارها اغلى من ال405 وال406 ! وشكرا

[eleanor]

....استفسار من حضرتك : انا كنت مقبل على شراء العربية دى بس خوفونى من قطع غيارها انها غالية جدا والمضروب منها كتييير وكل حاجاتها استيراد مفيش جديد أصلى..فممكن تفيدنا بخبرتك؟؟ سؤال تانى : لو واحدة موديل 90 كاملة مانيوال بره وجوه وحالة ممتازة رينجها كام اليومين دول تقريبى ؟ وليه اسعارها اغلى من ال405 وال406 ! وشكرا

هو قطع الغيار الاصليه موجوده بس هى فعلا سعرها رافع بالنسبه لعربيه قديمه بس معمره جدا
وفى قطع غيار استيراد كتير وبتبقى حالتها كويسه جدا
وبالنسبه للعربيه الى هى موديل 90 لو كامله بتبقى اوتوماتيك واربعه زجاج كهرباء وتكيف وسنتر وباور وممكن يكون فيها فتحه سقف كهرباء وفبريكا بره وجوه تعمل فى حدود 55 ل 60000
بس خلى بالك علشان فى عربيات كتير نصين ومغيره ربع ومحدش بيعرف يكشفها غير لو سمكرى شاطر قوى

[mohammed dodda]

هو قطع الغيار الاصليه موجوده بس هى فعلا سعرها رافع بالنسبه لعربيه قديمه بس معمره جدا
وفى قطع غيار استيراد كتير وبتبقى حالتها كويسه جدا
وبالنسبه للعربيه الى هى موديل 90 لو كامله بتبقى اوتوماتيك واربعه زجاج كهرباء وتكيف وسنتر وباور وممكن يكون فيها فتحه سقف كهرباء وفبريكا بره وجوه تعمل فى حدود 55 ل 60000
بس خلى بالك علشان فى عربيات كتير نصين ومغيره ربع ومحدش بيعرف يكشفها غير لو سمكرى شاطر قوى

....أشكرك على الاهتمام..وبما ان حضرتك ركيب بيجو ياريت تقولى طالما مبلغ زى ده ممكن يجيب مثلا 406 نضيفة مستريح ايه اللى يخلى ال505 ماسكة سعر زى ده برغم التكنولوجيا القديمة والموديل القديم ؟! هل ركوبتها انضف مثلا من ال406 اللى بيسموها الموس؟

[eleanor]

البيجو ال 505 ممكتعه جدا وثابته وجرايه
اما بالنسبه ل 406 فالموديلات الى قبل 2003 كان فيها مشاكل فى الموتور والفتيس وده السبب فى نزول سعرها اما من 2003 وطالع فتلاشو العيوب دى بس مشكلتها ان قطع غيارها غاليه ومحدش بيفهم فى الكهرباء بتاعتها الا قليل وعلشان كده صعب انك تلاقى عربيه 406 حالتها نضيف ولو لاقيت عربيه نضيفه هاتلاقيها ماسكه سعر ممكن يوصل ا 80000 الف جنيه

[mohammed dodda]

البيجو ال 505 ممكتعه جدا وثابته وجرايه
اما بالنسبه ل 406 فالموديلات الى قبل 2003 كان فيها مشاكل فى الموتور والفتيس وده السبب فى نزول سعرها اما من 2003 وطالع فتلاشو العيوب دى بس مشكلتها ان قطع غيارها غاليه ومحدش بيفهم فى الكهرباء بتاعتها الا قليل وعلشان كده صعب انك تلاقى عربيه 406 حالتها نضيف ولو لاقيت عربيه نضيفه هاتلاقيها ماسكه سعر ممكن يوصل ا 80000 الف جنيه

.....متشكر لحضرتك وجزاك الله خيرا...معلش -عشمان فى خبرتك -هتعبك فى استفسار بسيط بخصوص الجرى لانى من هواة التوب سبيد: اقصى سرعة جبتها(أو حتى شوفتها بتتجاب) بال505 كام وموديل كام؟ ومكنة ال505 مع صيانة مستمرة ممكن تعمر كام ألف كم تقريبا؟ ولو جبيت اشترى عفشة كاملة 505(جلب وبيض ومقصات وبارات وعلبة دركسيون ومساعدين وسوست) بس تكون أصلى وجديد هتخشلها فى كام؟ ومتوافرة ولا هلف عليها؟؟

[eleanor]

بص ياباشا لو موتور العربيه نضيف والفتيس والكرونه نضاف هاتجيب 170 ل180 حلو
وبالنسبه للعفشه موجوده والمقصات مش بتتغير بالساهل ممكن تغير البيض والجلب وبالنسبه لعلبه الدركسيون لو عاديه بيتعملها حشو ولو باور بتحتاج تياش وبستم ولو هاتغيرها الباور استيراد بتعمل حوالى 1700 ل 2000 جنيه وحاجتها معمره
وبالنسبه للموتور المرسيدس والبيجو ال 504 وال 505 صحاب المليون كيلو بس طبعا لو عمرت الموتور والعمره اصليه مش هاتديك الرقم ده فى مصر بس مع الصيانه المستمره هايديك كتير ماتقلقش بس تكون عمره اصلى
واى استفسار انا تحت امر حضرتك فى اى وقت

[mohammed dodda]

بص ياباشا لو موتور العربيه نضيف والفتيس والكرونه نضاف هاتجيب 170 ل180 حلو
وبالنسبه للعفشه موجوده والمقصات مش بتتغير بالساهل ممكن تغير البيض والجلب وبالنسبه لعلبه الدركسيون لو عاديه بيتعملها حشو ولو باور بتحتاج تياش وبستم ولو هاتغيرها الباور استيراد بتعمل حوالى 1700 ل 2000 جنيه وحاجتها معمره
وبالنسبه للموتور المرسيدس والبيجو ال 504 وال 505 صحاب المليون كيلو بس طبعا لو عمرت الموتور والعمره اصليه مش هاتديك الرقم ده فى مصر بس مع الصيانه المستمره هايديك كتير ماتقلقش بس تكون عمره اصلى
واى استفسار انا تحت امر حضرتك فى اى وقت

....اشكرك جزيل الشكر وربنا يجعله فى ميزان حسناتك وأكيد لو أحتجت أستفسار هرجع لحضرتك

[eleanor]

....اشكرك جزيل الشكر وربنا يجعله فى ميزان حسناتك وأكيد لو أحتجت أستفسار هرجع لحضرتك

لا شكر على واجب احنا اخوات وتحت امر حضرتك

[abdelhameedm]

يا جماعه ايه رأيكم فى بيجو 505 موديل 1988؟
وأخبارها ايه فى استهلاك البنزين انا اعرف ان سعتها اللترية 2000 سي سي

ولكم جزيل الشكر

[eleanor]

يا جماعه ايه رأيكم فى بيجو 505 موديل 1988؟
وأخبارها ايه فى استهلاك البنزين انا اعرف ان سعتها اللترية 2000 سي سي

ولكم جزيل الشكر

بيجو 505 موديل 1988 يعنى الطياره عربيه حلوه وثابته وكماليتها كتير بس اهم حاجه الاساسيات ونضافه العربيه

[abokoko]

الاستيشن بيبقي اغلى ولا ارخص

مثلا العربيه السابق السؤال عنها موديل 88
لو صالون تعمل كام
ولو استيشن تعمل كام

[eleanor]

الاستيشن بيبقى اغلى عامه فى ال504 وال505 يعنى الفرق ممكن يكون من 5000ل10000 مش اكتر
وبرده الحاله بتفرق