جاهل يطلب معرفة أمور بسيطة في البيجو 301

[أحمد زكريا]

أولاً: عايز أعرف مؤشر حرار السيارة منين و فين ؟ و ليس حرارة الجو .
ثانياً: إزاي أعرف إن الـ ABS مفعل في السيارة ؟
ثالثاً: إيه اللي ممكن أضيفه للعربية من التوكيل كإكسسوارات جذابة؟ مع العلم ان العربيةفئة الهاي لاين.
رابعاً: هل العربية فيها اموبلايزر و أتأكد ازاي و منين ؟
خامساً: هل لوك باب 3 و 4 الـ Safety بتاع الأطفال بيكون بالمفتاح بس زي ما الكاتالوج بيقول ؟ و ليه مفيش مسوجر للباب الأمامي بجوار السائق.

شكراً لكل من رد عليّ مقدماً و أنا والله مبسوط إني وسطكم ..

[medori]

أولاً: عايز أعرف مؤشر حرار السيارة منين و فين ؟ و ليس حرارة الجو .
مفيش مؤشر للحرارة للأسف فية لمبة بتنور أحمر لو العربية سخنت و بتنور أزرق لو العربية باردة أوى
ثانياً: إزاي أعرف إن الـ ABS مفعل في السيارة ؟
الABS مينفعش ميبقاش مفعل أصلا و عامة أول ما بتدور كونتاكت أول تكة قبل ما تدور العربية بيعمل check على كل العربية و لمبة الabs بتنور فى الinsturment panel فوق على الشمال و بعدين بتطفى، لو فضلت منورة يبقى الAbs فية مشكلة و لازم يتكشف علية، عايز تجرب الabs خودها و اطلع اجرى بيها و بعدين فرمل جامد هتحس بتخبيط الabs تحت رجلك فى دواسة الفرامل بس اوعى تنسى تبص فى المراية كويس قبل ما تفرمل عشان محدش
ثالثاً: إيه اللي ممكن أضيفه للعربية من التوكيل كإكسسوارات جذابة؟ مع العلم ان العربيةفئة الهاي لاين.
كان فية موضوع فى منتدى الستروين عن الaccessories بتاعت العربية بس انا شايف الهاى لاين مش محتاجة حاجة الصراحة
http://www.nilemotors.net/Nile/365217-a.html

رابعاً: هل العربية فيها اموبلايزر و أتأكد ازاي و منين ؟
العربية فيها ايموبيلايز اكيد، مش هتدور غير بالمفتاح بتعها، تتأكد ازاى دية مش عارف الصراحة، حاول تعملها مفتاح مضروب و شوف هتدور ولا لأ
خامساً: هل لوك باب 3 و 4 الـ Safety بتاع الأطفال بيكون بالمفتاح بس زي ما الكاتالوج بيقول ؟ و ليه مفيش مسوجر للباب الأمامي بجوار السائق.
مفيش مسوجر لأى باب، كلة سنتر لوك من الريموت او من زرار الlock اللى عندك فى التابلوة، الchild lock لازم تعملة بمفتاح العربية من الباب اللى وراة مش أوتوماتيك للأسف و القزاز عندك زرار بيفعل الchild lock للقزاز اللى وراة فى وسط زراير القزاز، كان عندى فى الميجان الchild lock كلة من زرار واحد جنبى فى باب السواق بس اللة يرحمها بقة

شكراً لكل من رد عليّ مقدماً و أنا والله مبسوط إني وسطكم ..

[medori]

مبروك العربية طبعا و ربنا يديك خيرها و يكفيك شرها يا رب

[أحمد زكريا]

بجد تسلم يا ميدوري ..
موضوع الشيلد لوك دا خنيق سيكة بس قشطة لما ربنا يرزقنا بالأطفال الأول :)
تسلم مرة كمان يا حبي ..

[أحمد زكريا]

بس صحيح زرار اللوك في التابلوه بيقفل البابين اللي ورا بس .. و دا عن تجربة هل لأنه واجب ان كل من ركب جنب السواق عاقل و ناضح ؟؟

[medori]

بس صحيح زرار اللوك في التابلوه بيقفل البابين اللي ورا بس .. و دا عن تجربة هل لأنه واجب ان كل من ركب جنب السواق عاقل و ناضح ؟؟

مش فاهم قصدك الصراحة، زرار اللوك دة بيخلى مفيش حد يقدر يفتح الباب من برة سواء اللى قدام او اللى ورا، سنتر لوك عادى يعنى، اى باب فيهم ممكن يتفتح من جوا عادى جدا الا لو انت قافل الchild lock بتاع البابين اللى ورا يبقى مش هيتفتحوا من جوا و لازم حد يفتح من برة للى قاعد فى القفص الورانى بشرط يكون السنتر مفتوح

[medori]

بجد تسلم يا ميدوري ..
موضوع الشيلد لوك دا خنيق سيكة بس قشطة لما ربنا يرزقنا بالأطفال الأول :)
تسلم مرة كمان يا حبي ..

على فكرة انت ممكن تلغى موضوع الchild lock دة عادى جدا، هتلاقى حتة بلاستيك كدة تحت القفل بتاع الباب بحاجة بسيطة بتلفها بطرف المفتاح عشان تشغل الchild lock او تقفلة، انا مش عارف الdefault بتاعة اية الصراحة، بس انا عندى كان مفتوح عادى، الناس فتحت الباب و نزلت من غير مشاكل

[أحمد زكريا]

آه ما انا عارف حكاية ضبط التشيلد لوك .
على العموم تسلم يا حمّو :d
صحيح إسمك إيه

[medori]

آه ما انا عارف حكاية ضبط التشيلد لوك .
على العموم تسلم يا حمّو :d
صحيح إسمك إيه

أحمد يا باشا

[sehs15]

هل ال ايموبيلايز موجود في البيزلاين ؟؟؟؟؟؟؟؟؟؟؟؟؟؟؟؟؟؟

[sehs15]

هل ال ايموبيلايز موجود في البيزلاين ؟؟؟؟؟؟؟؟؟؟؟؟؟؟؟؟؟؟

[medori]

هل ال ايموبيلايز موجود في البيزلاين ؟؟؟؟؟؟؟؟؟؟؟؟؟؟؟؟؟؟

sure, it is part of the car standards