ارجوا المساعدة فى 504 / 505

[shadyakso]

انا نفسى اشترى عربية 504 بس فى ناس كتير بتقولى ان حاجتها مابقتشى موجودة كتير وهلف علشان اجبلها قطع غيار وبعد كدة ابتديت افكر فى ال 505 بس انا معرفشى كل حاجة ياريت حد يفيدنى اجيب 504 ولا 505 واية الفروق الى بنهم فى الماتور والعفشة وكماليات والثباات علشان بجد نفسى اركب (النعش الطاير)

[ahmedalaahosny]

ياساتر يارب ليه كده ياعم الحج انت لو عايز مكنة جامدة وكده ممكن بى ام شارك 1800 و 2800 و 2000 سى سى حاجة اخر شهيصة وثبات مابتقول لا عامة ال 504 شكلها مبيعجبنيش ال 505 احلى منها بس ال504 نزل منها فئات فيها مكن عفى برده وشغاله الله ينور ف المنصورة طول الليل درفتات وتخميس لما الاسفلت شقق بالنسبة لحكاية قطع غيارها مابقتش موجوده ده على اساس ان دى مش تاكسيات برده ولا ايه ؟

[marino]

مين ياباشا اللق قالك الكلام الفاضي ده العربية ال504 دي اثبتت وجودها بطريقة غيير عادية يعني من السبعينات لحد دلوقتي وشغالة معظمها علي طرق السفر و موتور عفي جدا جدا ماشاء الله وقطع غيار اسعارها رخيصة وموجودة انما كشكل دي ازوااق ولولا اختلاف الازواق لبارت السلعة ان من راي ال 505 شكلها احسن بس مش معني كده ان ال504 مش جامد انها الاسد الفرنسي

[khaled_sabry]

انا معايا 504 و بعتز بيها ووالدى عليه رحمة الله كان شاريها زيرو
الحاجه الوحيده اللى قرفانى فيها بصراحه ان شكلها مابقاش عصرى و شكل ال 505 عصرى اكتر خاصه ان في شركتى زملائى كلهم معاهم عربيات موديلات تسعينات و انتا طالع
بس عارف برضه ان عربيتي اشد من عربيات كتير من اللى موجودين دلوقتى
بالنسبه لموضوع قطع الغيار هى الحجات الاساسيه موجوده و تقدر تجيبها اصلى كمان (زى مثلا قاعدة الفتيس او قواعد الموتور - لسه مغيرهم من 4 شهور ) لكن الحجات اللى مش اساسيه مابقيتشى تتصنع زى (عوامة البنزين او وش الفانوس ) ولو اتزنقت فى قطعة غيار و مصر انك تجيبها اصلى ابقى اشتريها استيراد (زى الكربراتير مابقاش فيه منه اصلى - كل اللى موجود صيني لكن استيراد موجود اصلى برضه )

و خد بالك 504 تستحمل هبد و رزع اكتر من 505 و كمان قطع غيارها اقل فى السعر شويه من 505
بس نرجع تانى للأستخدام - حضرتك لو قولت على العربيه قديمه و خساره فيها الفلوس و استخسرت فى قطع الغيار حتلاقيها فتحت بقها لكن لو جبتلها الاصلى من الاول حتلاقيها محترمه و بنت ناس اوى
انا شخصيا تقيمي للبيجو 504 انها تضاهى العربيات موديل اواخر التسعينات او اوائل 2000 - و صعب تلاقى عربيه فى الفتره دى فى الفئه السعريه بتاعت البيجو (من 20 الى 30 الف جنيه ) و بالتالى من وجهة نظرى هى صفقه رابحه
- على الرغم من ان ثباتها وحش بعد 100 بس لما تتعود عليها بتعرف تسايسها و انا لسه راجع من الاسكندريه على سرعه 130 - 140

[amrelsaqqa]

انا معايا 504 و بعتز بيها ووالدى عليه رحمة الله كان شاريها زيرو
الحاجه الوحيده اللى قرفانى فيها بصراحه ان شكلها مابقاش عصرى و شكل ال 505 عصرى اكتر خاصه ان في شركتى زملائى كلهم معاهم عربيات موديلات تسعينات و انتا طالع
بس عارف برضه ان عربيتي اشد من عربيات كتير من اللى موجودين دلوقتى
بالنسبه لموضوع قطع الغيار هى الحجات الاساسيه موجوده و تقدر تجيبها اصلى كمان (زى مثلا قاعدة الفتيس او قواعد الموتور - لسه مغيرهم من 4 شهور ) لكن الحجات اللى مش اساسيه مابقيتشى تتصنع زى (عوامة البنزين او وش الفانوس ) ولو اتزنقت فى قطعة غيار و مصر انك تجيبها اصلى ابقى اشتريها استيراد (زى الكربراتير مابقاش فيه منه اصلى - كل اللى موجود صيني لكن استيراد موجود اصلى برضه )

و خد بالك 504 تستحمل هبد و رزع اكتر من 505 و كمان قطع غيارها اقل فى السعر شويه من 505
بس نرجع تانى للأستخدام - حضرتك لو قولت على العربيه قديمه و خساره فيها الفلوس و استخسرت فى قطع الغيار حتلاقيها فتحت بقها لكن لو جبتلها الاصلى من الاول حتلاقيها محترمه و بنت ناس اوى
انا شخصيا تقيمي للبيجو 504 انها تضاهى العربيات موديل اواخر التسعينات او اوائل 2000 - و صعب تلاقى عربيه فى الفتره دى فى الفئه السعريه بتاعت البيجو (من 20 الى 30 الف جنيه ) و بالتالى من وجهة نظرى هى صفقه رابحه
- على الرغم من ان ثباتها وحش بعد 100 بس لما تتعود عليها بتعرف تسايسها و انا لسه راجع من الاسكندريه على سرعه 130 - 140

اضافة على الكلام اللى زي الفل ده
ثبات الجي ال محترم جدا ، ممكن تبقى خايف من السرعة وخايف تزود ، بس العربية بتمسك نفسها بجد ومش بتلعب منك

الكلام ده عن تجربة ، وللاسف مكنتش مقدر كدة لما كانت العربية معايا ، كنت مفكر ان اي عربية من الجديد هتبقى اشد واثبت بمراحل من البيجو ، واكتشفت ان الكلام ده غلط تماما

البيجو الجي ال بالذات لانها على كبالن وكرونة من ورا ، ثباتها محترم جدا جدا (يعنى صعب العربية تخرج عن سيطرتك )
انما احساسك بالسرعة وتفاصيل الطريق والاحساس ان العربية خفيفة شوية ده بس اللى بيبقى موجود
عكس بعض العربيات الجديدة تلاقى نفسك مش حاسس بالسرعة بس ممكن مع ملف تلاقى العربية لعبت منك رغم انك مكنتش حاسس بالسرعة ، ودى في نظري اخطر بكتير من حالة البيجو 504

خلاصة الكلام عربية محترمة بس عاوزة واحد غاويها ومقتنع بيها ، عشان هتلاقى نفسك ممكن تدفع مثلا 700 جنيه في كربراتير استيراد تكنولوجيته صفر قدام الانجيكشن ، وبنفس الـ 700 جنيه يجيبوا طقم رشاشات جديدة لعربية من الجديد

كذلك الموتور عمرته غالية جدا والاستيراد بتاعه غالى وقليل اللى حالته حلوة ، فلو هتشتريها تتأكد كويس من حالة الموتور والات الجر والشاسيه والبرومة وبالمرة العفشة .. لو كل ده تمام ، هتاخد عربية محترمة فوق ما تتخيل

[khaled_sabry]

الكلام ده عن تجربة ، وللاسف مكنتش مقدر كدة لما كانت العربية معايا ، كنت مفكر ان اي عربية من الجديد هتبقى اشد واثبت بمراحل من البيجو ، واكتشفت ان الكلام ده غلط تماما

البيجو الجي ال بالذات لانها على كبالن وكرونة من ورا ، ثباتها محترم جدا جدا (يعنى صعب العربية تخرج عن سيطرتك )
انما احساسك بالسرعة وتفاصيل الطريق والاحساس ان العربية خفيفة شوية ده بس اللى بيبقى موجود

gl على كبالن و "مناولين" من ورا
gr (بتاعتى) و ال l على كرونه - اصل على حد معلوماتى الكرونه ماينفعشى معاها كبالن

بس على فكره رغم ان ثبات gl اعلى من gr الا انى جبت بال gr 140 على اكتر من طريق (و كان ممكن ازود بس انا اللى خواف - فاكر زمان لما كنت بقولك العربيه مش بتجيب اكتر من 110 طلع فى الاخر مشكلتها ان الكربراتير عاوز يتنضف) - بس كان لازم اقفل الزجاج كله علشان احس ان العربيه ثابته بعد 100
معرفشى انا اللى مجنون و لا الموضوع ليه تفسير منطقى

[amrelsaqqa]

معرفش يعنى ايه "مناولين"
المفروض ان الشيء اللى بياخد من الكردان ويدي اكسين بسرعات مختلفة دة بنسميه كرونة Differential

ودى صورة العفشة والات الجر الخلفية في الـ GL وكان عندى زي كدة بالظبط في عربيتى (الاختلاف في الفرامل بس )

[shadyakso]

شكرا جدا على كل الردود الجميلة دة وانا اقتنعت بال 504 وانا قدامى عربية gl 82 هروح اخلص فيها

[khaled_sabry]

شكرا جدا على كل الردود الجميلة دة وانا اقتنعت بال 504 وانا قدامى عربية gl 82 هروح اخلص فيها

ربنا يباركلك فيها - بس خد ميكانيكي شاطر و يفضل بتاع بيجو علشان يتأكدلك منها
لو كنت من القاهره و قريب من جسر السويس يبقى خد محمد ندى افضل

[shadyakso]

واخد مكانيكى لية انا كفايا :d ماتقلقشى ياباشا انا قديم فى الموضوع وبفهم كويس ومعايا عمى بارضوا مهندس فى تويوتا والعربية انا عرفها كويس صاحبها بقالوا اكتر من 15 سنة مش بيخرج بيها غير علشان يسخنها او يصلح حاجة فيها لو باظت من الركنة

[eleanor]

ياباشا ال504 عربيه جامده والاجمد طبعا ال505 كفايه ان عفشتها جامده وفيها انتى رول والات جر زى المرسيدس والبى ام

[khaled_sabry]

ياباشا ال504 عربيه جامده والاجمد طبعا ال505 كفايه ان عفشتها جامده وفيها انتى رول والات جر زى المرسيدس والبى ام

هو يعنى ايه الانتى رول ده ؟؟
وهل ده موجود فى 504 و لا فى 505 بس ؟؟

[amrelsaqqa]

الانتى رول هو اللى بيطلق عليه ميزان وده اللى بيظبط اتزان العربية في الملفات

anti roll bar
امامى


خلفى

[eleanor]

ال 504 فى موديلات فيها انتى رول ومعروف انها عربيات جامده بس اللى اهم من الميكنيكى السمكرى علشان تتاكد ان العربيه سليمه ومش مغيره حاجه
وربنا يكرمك ان شاء الله

[Colin Chapman]

انا نفسى اشترى عربية 504 بس فى ناس كتير بتقولى ان حاجتها مابقتشى موجودة كتير وهلف علشان اجبلها قطع غيار وبعد كدة ابتديت افكر فى ال 505 بس انا معرفشى كل حاجة ياريت حد يفيدنى اجيب 504 ولا 505 واية الفروق الى بنهم فى الماتور والعفشة وكماليات والثباات علشان بجد نفسى اركب (النعش الطاير)