مقارنه ضروريه جدا جدا جدا

[kamero]

ليا صديقى عايز يشترى عربيه وعرف انى لما بعت الميتسوبيشى بتاعتى و حاجز بيجو 301
ف يفكر يحجز بيجو !!
بس هو متردد بين بيجو 301 اعلى فئه و متسوبيشى لانسر بومه اعلى فقه اللى من غير فتحه سقف !!
ف ايه رايكوا ؟؟؟
بالنسبه لى انا المتسوبيشى لانها معايا طول عمرها بس للاسف سعرها غالى عليا . لكن بالنسبه له هو مش مهم الفلوس !
ف ايه رايكوا ياجماعه ؟؟

[cosmo]

اعتقد بيجو افضل

[Mohab.Nabil]

بيجو افضل طبعا !

[Haitham G]

طبعا بيجو

[zooma2009]

اعتقد بيجو 301 او السيتروين سي اليزيه افضل من حيث :
1- الشكل
2- الامكانيات
3- الوسع الداخلي والشنطه
4 - وسائل الامان بدايه من الفئه الاولي
5- سعر منافس

[medori]

هنا كل الناس هتشكر فى البيجو عشان هى متميزه الصراحة
البيجو تكسب قوة شاسية و امان و ركوبة و موتور و ثبات و Acceleration
اللانسر تكسب سعر و سهولة اعادة البيع و سعر قطع الغيار و سهولة التصليح

[askoda]

هنا كل الناس هتشكر فى البيجو عشان هى متميزه الصراحة
البيجو تكسب قوة شاسية و امان و ركوبة و موتور و ثبات و acceleration
اللانسر تكسب سعر و سهولة اعادة البيع و سعر قطع الغيار و سهولة التصليح

أختلف معاك في نقطة قطع الغيار في اللانسر الأصلية مش المضروبة اللي مالية البلد انها أغلى من ال 301

[Unendlich]

هنا كل الناس هتشكر فى البيجو عشان هى متميزه الصراحة
البيجو تكسب قوة شاسية و امان و ركوبة و موتور و ثبات و Acceleration
اللانسر تكسب سعر و سهولة اعادة البيع و سعر قطع الغيار و سهولة التصليح

اللانسر سعرا ده كان زمان, احنا كنا جايبين البومة 2007 half sport بـ ABS و 2 ايرباج و 5 جنط و فوجات بـ 111, شوف النهاردة وصلت كام, الأسبوع اللي فات في القرش قالي 131.5 الفااااااضية 1600 و مفيهاش حتي وسائل أمان. هي عربية ممتازة مفيش كلام (بالنسبة لسوقنا العظيم و شوارعنا الجميلة) انما مينفعش إنها كل أما تقدم و ينزل بعديها موديل سعرها يرفع, ده بقى استهبال رسمي. و لما اللي بعد الشارك تنزل هتوصل 150 بقى ؟؟!!!

أختلف معاك في نقطة قطع الغيار في اللانسر الأصلية مش المضروبة اللي مالية البلد انها أغلى من ال 301

الناس بتقول قصة قطع الغيار دي عشان هي لها مثلا تيل بـ 50 جنيه
و بما اننا شعب ناصح بطبيعته, فكله بيشتريه (و طبعا يرجعوا يعيطوا لما العربية متفرملش )
لكن محدش بيبص تيلها الأصلي في التوكيل بكام

[medori]

أختلف معاك في نقطة قطع الغيار في اللانسر الأصلية مش المضروبة اللي مالية البلد انها أغلى من ال 301

دى حقيقة فعلا، بس كام واحد بيشترى قطع الغيار الاصلية؟ كلة بيروح يجيب من عم عبدة فى الحرفيين و عشان كدة سمعتها فى السوق انها عربية قطع غيارها رخيصة و متوافرة بيخلى الresale بتاعها كويس جدا

[medori]

اللانسر سعرا ده كان زمان, احنا كنا جايبين البومة 2007 half sport بـ ABS و 2 ايرباج و 5 جنط و فوجات بـ 111, شوف النهاردة وصلت كام, الأسبوع اللي فات في القرش قالي 131.5 الفااااااضية 1600 و مفيهاش حتي وسائل أمان. هي عربية ممتازة مفيش كلام (بالنسبة لسوقنا العظيم و شوارعنا الجميلة) انما مينفعش إنها كل أما تقدم و ينزل بعديها موديل سعرها يرفع, ده بقى استهبال رسمي. و لما اللي بعد الشارك تنزل هتوصل 150 بقى ؟؟!!!

انا قصدى سعر قطع الغيار مش العربية نفسها، انا عمرى ما بصيت على اللانسر فى اى مرحلة من مراحل تفكيرى فى العريبات نهائى الصراحة، مش نظامى و مش العربية اللى احب اكون راكبها مع احترامى التام ان ليها عشاقها و ليها ناس مش بتركب غيرها مع تحديث الموديل، المهم واحد صاحبى سألنى عليها فدخلت بصيت على الاسعار و فوجئت بصراحة، عشان يكون فيها abs بس بتخش فى فئة ال142 و انت طالع تقريبا، يعنى قمة التهريج بأمانة، انا كنت بقول على ال301 غالية و مفروض يكون الهاى لاين بتاعها ميزيدش عن 120 الف مثلا بس مع اسعار اللانسر و السيراتو و خلافهم من الكورى و الالنترا اللى بقت بيطلعلها جناحات و بتطير تقريبا عشان كدة منزلينها ب180 الف يبقى ال136 الف بتوع ال301 فعلا مش كتير اوى

الناس بتقول قصة قطع الغيار دي عشان هي لها مثلا تيل بـ 50 جنيه
و بما اننا شعب ناصح بطبيعته, فكله بيشتريه (و طبعا يرجعوا يعيطوا لما العربية متفرملش )
لكن محدش بيبص تيلها الأصلي في التوكيل بكام

اتفق معك تماما، "مدحت شلبى ستايل"

[kamero]

بجد اشكركوا كلكوا من كل قلبى و معلش تعبتكوا معايا
وكل سنه و حضراتكوا طيبيين و عيد سعيد عليكوا وعلى اسركوا الكريمه

[Haitham G]

وحضرتك طيب و مفيش تعب ولا حاجة يا باشا