ليه مفيش 301 كاملة مانيوال :(

[amrelsaqqa]

العربية داخلة دماغى جدا ، وانا بحب المانيوال وعايز ابعد عن مشاكل الاوتوماتيك ، وكمان فرق اول فئة عن الهايلاين يستاهل (30 الف جنيه) ولو فرضنا جبت الهايلاين بالقسط يبقى انا كدة ضيعت اهم ميزة في العربية (رخص سعرها)

الواحد مش عايز يحس انه راكب عربية فاضية مرايات عادية و تكييف عادى وكاسيت على قده... وطاسات ...... ، ده حتى مسند اليد ومقابض الابواب شايلينها من المانيوال !

ايه الحل ؟ هل ممكن اطلب من التوكيل سبيشيال اوردر كاملة مانيوال ؟ واستناها حتى لو شهرين تلاتة ؟ حتى لو بقت في نفس سعر الفئة الاولى اوتوماتيك هتبقى ممتازة جدا

ممكن كمان نجمع عدد من الطلبات دى مع بعض ونقدمها للتوكيل عشان يقتنع ويجيبهم دفعة واحدة ، لو حد مهتم بالموضوع يعنى ؟

[ahmed salah90]

بوص يا سيدي انا انصحك انك هات اوتوماتيك علشان مع اول مشوار زحمه هتقرف من المانيوال و هتقول انا ايه اللي خلاني اجيب مانيوال غيار و ديبرياج و قرف و تيجي تشوف واحد صاحبك سايق اوتوماتيك و مريح نفسه اخره طاره و بنزين و فرامل هتحزن هههههههه علشان دي حالتي دلوقتي قاعد اقول كان الفرق 3 او 4 الاف جنيه و كنت اجيب اوتوماتيك بدل الغيار و شعلقه الرجلين في الزحمه و القرف ده و ربنا معاك و عيد سعيد

[amrelsaqqa]

المشكلة انى فعلا بحب المانيوال يعنى مش موضوع توفير وبس

[aliabdo]

و الله انا كمان بحب المنيول بس بعد كام مشوار ندمت انى مجبت اتوماتيك السواقه بقت قرف قوى الصراحه

[Mohab.Nabil]

انا عربيتى مانيوال و ندمت انى جبتها مانيوال برضه عشان الزحمة

بس هى بتعتمد على مشاويرك دايما فين

يعنى واحد ساكن فى منطقة زحمة على طول زى الهرم او فيصل المانيوال هيبقى عذاب

واحد ساكن فى منطقة فاضية زى 6 اكتوبر او التجمع المانيوال هيبقى ممتع اكتر

بس طبعا الاوتوماتيك اريح و المانيوال ليه متعته برضه

و التوكيل ممكن تسألهم على صفحتهم الرسمية على الفيس بوك هل هيرضى انه يجيبلك سبيشيال اوردر ولا لا

[sehs15]

انا بفكر برضه في اسبيشيال اوردر مانيوال بالتقسيط

[sehs15]

30 الففي حل تاني تجيب المانيوال وتركب اللي انت عايزه في الوكيل .. هيبقي اكيد اقل من

[Ahmed Amin]

عشان الحلو ميكملش,,
وأنك تفكر في أسبيشال أوردر دا حل مش عملي,,

وعشان تبقي عملي أكتر,, مانا كمان زيك بحب المانيوال,
بس صدقني حتي في خلال السنة دي الزحمة والعربيات زادت بشكل درامي بقي يزهقني وانا أوتوماتيك بشكل فوق العادي,,
يعني انا بدوس فرامل بس كل كام ثانية وزهقت من كتر الوقف والمشي والزحمة, ما بالك بواحد بيدوس دبرياج وفرامل كل 5 ثواني لو في زحمة !!

خدها نصيحة من أستاذ علي وأستاذ مهاب ومني وخليك في الأوتو,

وعشان أهونها عليك أكتر أنا لما بمشي بليل علي الكورنيش أو في طريق كله ملفات,
بجيبها علي الأستيب ترونيك وأفضل ماشي عال 2 أو تالت بس,, وأفضل أدوي وأسيب وأدوس من غير ما تنقل الغيار طبعاً,, هيا نفس أحساس المانيوال بالظبط ونفس المتعة في السواقة
ويمكن أكتر كمان لأني لما بنقل مش بشيل رجلي من علي البنزين وبتبقي النقلة أمتع..

بس مانيوال بدبرياج في مصر الفترة دي, هتبقي أختيار غير موفق وغلطة متعبة.

[A.Adel]

مع احترامي لكل الاراء اللي اتقالت
ومع احترامي برده لكل الناس اللي شاركت بما فيهم صاحبي MOHAB

إنت لو ركيب مانيوال اوعى تركب أي حاجة أوتو 4 سرعات هتحس بفرق رهيب
لا تقولي tiptronic ولا الكلام ده كله
ال 6 سرعات معقول

عاوز حاجة تجمع الميزتين ,يبقى خليك في dual clutch أو semiauto
ومن بعدهم tiptronic بقى 7 أو 8 سرعات زي ال BMW وال MERC

ال 4 سرعات ده ممل فعلا
المانيوال ليه طعم تاني خالص ما يقدروش غير ركيب المانيوال
بس استحمل قرفه في الزحمة

[amrelsaqqa]

يا جماعة الموضوع مش Manual vs Automatic conflict :)

انا بحب المانيوال غيرى بيحب الاوتو مش مشكلة ، وبرضه وجهة النظر بتاعت انى هزهق من المانيوال في الزحمة دي نصيحة غالية لازم احطها في الاعتبار فعلا ، وبجد هعيد تفكير كتير في الموضوع بس اللى مشجعنى ما اشتريش اوتو ، ان ده تقريبا نفس فتيس الـ 307 ، وده كان فيه مشاكل ، كمان قريت ريفيوهات كتير عنها ع النت واغلب الريفيورز قالوا ان الفتيس الاوتو مش متناغم مع الموتور، يعنى نتشات ونقلات غلط طول الوقت ...



ما علينا ، بالنسبة للاخ اللى قال هيجيب اسبيشيال اوردر ، حضرتك متأكد ان الموضوع هينفع ، وكلمت التوكيل فعلا في الموضوع ده ؟ يا ريت تتابع معايا اول بأول عشان انا حاليا مسافر ومش عارف اروح في حتة ، واول ما افضى ان شاء الله هحجز العربية على طول لو الموضوع هينفع هبقى مقتنع بالعربية 200% وانا بشتريها مش 100% بس :)

[amrelsaqqa]

30 الففي حل تاني تجيب المانيوال وتركب اللي انت عايزه في الوكيل .. هيبقي اكيد اقل من

الفكرة ان مش كل حاجة هتنفع تتركب
يعنى هل مثلا هتغير كل الجنوط وتغير الكاست وتغير المرايات ، وتركب الكروم اللى في التابلوه ، والسنسورز والكلام ده كله !


اغلب الحاجات دى مش هتنفع تتركب وعلى حسب ما شفت من الصور ع النت العربية الفاضية مفيهاش اماكن زراير المرايات الكهربا

ولو بفرض انه ينفع ، هتلاقيك دفعت فوق الـ 10 الاف او اكتر ، يعنى يبقى افضل لو اشتريت العربية جاهزة على طول بقفلة المصنع

الفرق بتاع الـ 30 ده عشان الاوتوماتيك وانا مش عاوز اوتوماتيك ، فهيبقى الفرق في رينج 10-15 بس مش 30 ولا حاجة

[Hema_Basha]

الفكرة ان مش كل حاجة هتنفع تتركب
يعنى هل مثلا هتغير كل الجنوط وتغير الكاست وتغير المرايات ، وتركب الكروم اللى في التابلوه ، والسنسورز والكلام ده كله !


اغلب الحاجات دى مش هتنفع تتركب وعلى حسب ما شفت من الصور ع النت العربية الفاضية مفيهاش اماكن زراير المرايات الكهربا

ولو بفرض انه ينفع ، هتلاقيك دفعت فوق الـ 10 الاف او اكتر ، يعنى يبقى افضل لو اشتريت العربية جاهزة على طول بقفلة المصنع

الفرق بتاع الـ 30 ده عشان الاوتوماتيك وانا مش عاوز اوتوماتيك ، فهيبقى الفرق في رينج 10-15 بس مش 30 ولا حاجة

علي ما اعتقد الجنوط تتركب والباركسنسور بيتركبوا والفوجات كمان وبرضوا مسند اليد المشكلة مش في الفلوس المشكلة لو الحاجات دي هتبقي موجودة ولا لا

[Ahmed Amin]

يا جماعة الموضوع مش Manual vs Automatic conflict :)

انا بحب المانيوال غيرى بيحب الاوتو مش مشكلة ، وبرضه وجهة النظر بتاعت انى هزهق من المانيوال في الزحمة دي نصيحة غالية لازم احطها في الاعتبار فعلا ،

وبجد هعيد تفكير كتير في الموضوع بس اللى مشجعنى ما اشتريش اوتو ، ان ده تقريبا نفس فتيس الـ 307 ، وده كان فيه مشاكل ،

كمان قريت ريفيوهات كتير عنها ع النت واغلب الريفيورز قالوا ان الفتيس الاوتو مش متناغم مع الموتور، يعنى نتشات ونقلات غلط طول الوقت ...

تصحيح لمعلوماتك بس, البيجو 301 مش نازلة بفتيس ال 307 اللي كان فيه مشاكل
واللي كان الكود بتاعه AL4

العربية نازلة بالفتيس الأحدث بتاع البيجو 408 واللي الكود بتاعه AT8 ودا مفيش منه أي مشاكل ولا شكاوي لحد دلوقتي.




ممكن تبقي تراجع الموضوع دا عشان تعرف الفرق أكتر ما بينهم,

http://www.nilemotors.net/Nile/358950-peugeot-301-a-2.html#post3875023112

[amrelsaqqa]

تسلم يا باشا على المعلومات والشرح الوافى ، وانا فعلا مكنتش متأكد وعشان كدة قلت "تقريبا"


ممكن تضيف اللينك اللى فيه المواصفات بالتفصيل اللى انت واخد منه برنت سكرين ده ؟

[Ahmed Amin]

تسلم يا باشا على المعلومات والشرح الوافى ، وانا فعلا مكنتش متأكد وعشان كدة قلت "تقريبا"


ممكن تضيف اللينك اللى فيه المواصفات بالتفصيل اللى انت واخد منه برنت سكرين ده ؟

أيوة أنا أخدت بالي أنك كتبت تقريباً, فحبيت أأكد عليك بس أنو مش هوا الفتيس ال 307 عشان متقلقش نفسك,
والفرق ما بينهم في اللنك اللي تحت الصورة.

والصورة من السيرفس بوكس بتاع بيجو,
واللينك أهو Peugeot Service Box