بيجو 301 أم سيتروين سى إليزييه ؟ :-)

[hazem_alaedin]

السلام عليكم جميعا
محتار بجد بين 301 و سي إليزيه !! رأيكو إيه من حيث العربية نفسها و التوكيل و قطع الغيار, و من حيث الإنتشار ... و كده يعنى :-)
انا بصراحة مطمئن اكتر للبيجو, يعنى حاسس إنى بشوف عربيات كتير بيجو فى الشارع من مختلف الفئات, لكن مش بشوف سيتروين تقريبا خالص :-)
يا ريت حد يفيدنى , و شكرا :-))

[ALKareem]

هما العربيتين تقريبا واحد نفس الشاسية و الموتور بتعديلات تسيطة لا تذكر يعني حتى نفس التابلوة من جوة و تشاركهم الرينو بردوا منزلة عربية زيهم بس مش عارف هتنزل مصر ولا لا بس عمتا الي هيفرق معاك هنا التوكيل اكتر لان كدة كدة قطع الغيار تعتبر واحدة لو البيجو غالية قطع غيارها مثلا يبقى هات بتاعة الستروين هتركب و هكذا المهم انا من تعاملي و السمعة اسمع ان وجية اباظة مش كويس في حاجات كتير و فاشل نوعا ما انما توكيل سيتروين مسمعتش عنة اي مشاكل او شكوى بنسبة للشكل من وجهة نظري الستروين لانها مش منتشرة يعني هتبقى راكب عربية مش ماشية في الشارع كتير و دة حاجة حلوة لان ال301 انتشرت جدا و كدة كدة حضرتك هما الاتنين واحد تقريبا باختلاف شكل الكشافات انما التابلوة هو هو و قاعدة العجلات و كل حاجة فالفرق بقى من ناحيتك في الشكل الي عجبك اكتر و التوكيل و بخصوص بيجو في اعضاء هنا كانت عملة موضوع محترم عن تجربتهم لتوكيل بيجو 301 صيانتها و كلهم اجمعوا ان توكيل سيئ جدا :)

[islam.3bada]

باشا العربيتين حاجة واحدة هما عربية واحدة بشكلين مختلفين مش عربيتين مختلفين عشان نقارن بينهم
قطع الغيار بالنسبة للاتنين سعرهم واحد و هى هى نفس قطع الغيار مشتركة ما بين العربيتين و بنفس البارت نمبر

المقارنة هتكون من حيث التوكيل و فى رايى الاتنين توكيلهم متواضع او عادى لا هو جيد ولا سيئ

فرق الستروين عن البيجو تطعيمات نيكل و كروم زيادة و فرق البيجو عن الستروين جنط 16 بدل 15 ( الكلام ده فى الهاى لاين )

انا كنت فى حيرتك دى و استقريت على الاليزيه

ربنا يوفقك فى الاختيار و مبروك مقدما ان شاء الله

[ALKareem]

الاليزية من وجهة نظري اشيك بكتير و لو على الجنط ممكن تغيرة زي ما قالك الباشا

[battot90]

مع احترامي بس عمتن توكيل بيجو اتباع اصلن ممن سنتيين انل كنت برروح من ايام الاباظوية كان توكيل اشتم فيه برحتك فيه كل العيووب قطع غيار مش موجود و كل حاجة خرة لاكن الوكيل الجديد ده برنسس رجع اسم بيجو تاني من الاخر اما عز العرب فاعيز تغرف يعني ايه احتكار عز العرب اسئل علي فانوس فولفو 18000 ايوه تمنتاشر الف غير الضريبة والمصنعية حتقولي دي فولفو حقولك طاب اسئل علي فانوس جين 2 ومتدخضش اسئل علي كولنين الجين لما تلقيهم داخلين في 6000 تعرف انك وقعت فيتوكيل شمال و ده مش كلام واحد ده كلام ناس كتير كانوا بيصينو في التوكيل وبعدين لو عز العرب جامد كان زمان مصر كلها ركبا جين و ستروين

[ALKareem]

هو ناس كتير ركبة جين 2 بصراحة هههههه بس انا معرفش موضوع توكيل بيجو القديم انا قصدت ان الاليزية شكلها اشيك و كدة كدة هي هي نفس العربية :)

[saint2011]

عز العرب أفشل توكيل فى مصر وأسأل فى قسم بروتون

[ALKareem]

هي الفكرة يا اساتذة محترمين انهم عربية واحدة فمش هتفرق انهي توكيل لانة ممكن يعمل الصيانة في اي مركز صيانة سواء بيجو او ستروين هي الفكرة في انهي شكل الي عجبة بس انا من وجهة نظري الستروين اشيك و جمل و مش منتشرة و فخمة اكتر من البيجو مع احترامي للارائكم

[mohamed hussei]

اباظة مبعش التوكيل في واحد دخل شريك مع اباظة لكن عز العرب معاة توكيلات عربيات كتير ستروين-فولفو-دايهاتسوا-بروتون فاكيد مش هيعرف يهتم بالعربية شوف كام واحد جاي مثل يعمل صيانة 1000 كيلو

[islam.3bada]

توضيح بسيط : صحيح ان ستروين و بروتون وكيلهم عز العرب لكن سوء ادارة قسم بروتون هو اللى عامل المشاكل دى كلها و ده ملوش تبعيات على ادارة الاقسام الهاصة بالماركات التانية
كل اللى اشتكى من عز العرب استشهد ببروتون و المشاكل اللى واجهت اعضاء قسم بروتون لكن محدش ذكر او استشهد بالمساوئ اللى فى قسم ستروين . ببساطة عز العرب مع بروتون حاجة و مع ستروين حاجة تانية , ادارة مختلفة بتعامل مختلف .


بالنسبة لموضوع قطع الغيار الاليزيه , حضرتك تقدر تعمل سيرش عليها و هتفاجئ من تمنها لانعا ارخص بكتير من قطع غيار العربيات الكورى باستثناء حاجة او اتنين زى اكصدام او مراية او بربريز عدا ذلك الاسعار فعلا كويسة جدا على عربية اوروبى ..
ملحوظة اخيرة البيجو 301 و السيتروين الاليزيه عربيات مُصنفة عربيات اقتصادية موجهة لفءة معينة مستهدفة مستوى دخل و طبقة معينة عشان كدا بتتصدر لدول بعينها فى العالم مش لكل الدول , هو كوكيل ميقدرش يلعب براحته فى سعر العربية و لا فى سعر قطع الغيار لانها ليها سقف لو خرجت عنه هتخرج عن الهدف اللى متصنعة و متسوقة عشان هتخرج لفئة مش بتاعتها و لو ده حصل هتفشل و هتتركن عنده و محدش هيشتريها .

دى وجهة نظرى المتواضعة
تقبل مرورى و اسف للاطالة

[battot90]

انا بصراحة شا يف الاتنين وحشين من ورا البيجو حلوة قوي من قدام الاليزيه احلي من الجنب و الاختيار ليك لو انت من الافليم يبقتي خليك في ستروين عشان عز برغم وحشتو لاكن عنده كام مرمك الاقليز في

[MoH.SaLaDiN]

خليك فى ال 301 عشان ثقافة شعبك العظيم

[ALshahba]

عز العرب بيعامل ملاك سيتروين-فولفو معامله عاليه اوي, وبيعامل ملاك بروتون معاله تانيه خاااالص سيئه جدا
وثقافة بلدك العظيمه بتحب البيجو اكتر فحتلاقي اعادة بيعها اسرع واغلي

لكن فى الفيديوهات الاوروبيه باين ان البيجو اعلي فى القدرة الحصانية ..... لكن اللي بيجي مصر اعتقد واحد مع فارق اكثر بسيط للبيجو
وسعر البيجو اعلي بسيط من السيتروين

[S O P H O S]

اميل ل 301

[islam.afifi]

باشا العربيتين حاجة واحدة هما عربية واحدة بشكلين مختلفين مش عربيتين مختلفين عشان نقارن بينهم
قطع الغيار بالنسبة للاتنين سعرهم واحد و هى هى نفس قطع الغيار مشتركة ما بين العربيتين و بنفس البارت نمبر

المقارنة هتكون من حيث التوكيل و فى رايى الاتنين توكيلهم متواضع او عادى لا هو جيد ولا سيئ

فرق الستروين عن البيجو تطعيمات نيكل و كروم زيادة و فرق البيجو عن الستروين جنط 16 بدل 15 ( الكلام ده فى الهاى لاين )

انا كنت فى حيرتك دى و استقريت على الاليزيه

ربنا يوفقك فى الاختيار و مبروك مقدما ان شاء الله

استفسار لحضرتك بسيط
انا عندي الاليزيه و من بداية الشراء و فيها مشكلة انها مكتومة و انا مشغل التكييف و في زحمة
تطور الامر ان لو الزحمة طويلة العربية بتترج على السلانسيه
اتطور اكتر بعد لما غيرت السوفت وير بناءا على كلام جورج اسكندر ( ربنا يسامحه ) الى كركرة على السلانسيه و مع التحميل على العربية في الحر و الزحمة
هل حضرتك بتعاني حاجة زي كدا ؟
يا ريت حضرتك ترد عليا برساله