إعـــــــلان

Collapse

.

,
See more
See less

هل ده عيب فى بيجو 508

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة alshahba مشاهدة المشاركة
    مشكلة التصفير دي سألت عليها قبل كده فى توكيل رينو كنت بشوف الفلوانس
    المهم المهندس وانا بسأله عن التيل وكفائته والتصفير.......لقيته ابتسم ابتسامه صغيره وقالي التصفير حتلاقيه موجود بس خفيف !!!! انا استغربت وقولتلو يعني اشتري عربيه ب 200الف علشان التيل يصفر مني !!! قالي الجديد كله الاوروبي تبعا لنظام البيئه تم شيل الطبقه المانعه للتصفير علي تيل الفرامل لانها بتعمل ضرر بيئي يؤدي الي السرطان لكل من يشم هذه الرائحه , وعلشان كده حتسمع تصفير بس مش كبير >>>> ده علي قول مهندس الصيانه

    لكن لو انت بتقول ان الصوت مزعج ...... فده اكير في زلطه صغيره لازقه فى التيل وعماله تحك خصوصا انك بتسافر كتير .... لازم تتغسل اكتر من مره وتركز قوي وهو بيغسل العربيه انه يجيب الميه علي التيل فتره طويله

    بس ياريت تتأكد ان الصوت من فرده واحده ولا من جميع الفرد
    بس لو الصوت بالطريقه دى يبقى حاجه مقرفه ده الناس مش بتصدق ان العربيه زيرو من الصوت اكانك ماسك صفاره حكم وبتصفر بيها
    eleanor

    Comment


    • #17
      لأ طبعا هو مش طبيعى ان يبقى فى صوت ولو فى زى العضو المحترم بيقول مش حيكون بالقوة اللى حضرتك بتقولها دى اعتقد احسن تروح التوكيل بس استنى لما الدنيا تكون امان معلش استحمل شوية والموضوع مش مستاهل خناق وشد هما لو شايفين ان فيه مشكلة حيحلوها انما لو حصل ولقيت انهم بيحوروا ساعتها لازم تعمل مشكلة انا عندى فى 308 كنت بعمل حاجة عادية فى التوكيل وكنت لسه مغير التيل فى مركز تانى لما روحت وده مركز الصيانة اللى فى صلاح سالم قالولى الطنابير فيها عوجة بسيطة ممكن تمشى عادى بس لو عايز اغيرهم حغير التيل معاهم لأن التيل بايظ من الطنبورة القديمة وطبعا الطنابير اتغيرت فى الضمان مع انهم لما سالت ايه اللى يعوجهم قالولى العربية بتتغسل وبعد كده بتمشى فالتيل بيسخن ويخليه يبوظ انا مش عارف السبب حقيقى ولا لأ بس هما عندهم امانة لأن المركز التانى مقالش ولو توكيل تانى ممكن ميقولش معلش انا طولت عليك بس انا قولت القصة دى عشان اطمنك مش اكتر وان شاء الله ميحصلش مشكلة فى التوكيل .

      Comment


      • #18
        المشاركة الأصلية كتبت بواسطة eleanor مشاهدة المشاركة
        الف شكر لرد حضرك
        انا اشتريت كمبرسور مخصوص فى البيت وبقيت انضف بالهواء الاول وبعدين بالمياه الصوت يروح ومافيش مسافه 20-3- كيلو ويرجع تانى وبيرجع بصوت عالى زى الاول ولحظت حاجه ان الطنابير لونها مش فضى لونها زى البرونزى كده يعنى مدى على نحاسى
        وبالنسبه لبيجو ال 505 مافيش حاجه نضيفه قدامى حاليا بس انا هادور لحضرتك
        فكرة حلوة أنك جبت كومبرسيور هواء عشان تنضف بيه,
        بس متهيألي أن الهواء لوحدة مش كافية, لازم تنضف بالمياة ويكون واحد يكون ضغطة عالي, لان التيل نفسة لما تغيرة هتلاقي زي ما بيكون فيه مسام مش بيبقي سطحة حتة واحدة زي المسطرة, والتراب بيبات في المسام والحتت دي.
        دا تخمنيني, لأنها العربية لما بتعمل الصوت دا وناس كتير تقول فيه تراب ما بين التيل والطنبورة بعد ما بتتغسل مرة أو أتنين بمسدس المياة والضغط العالي, المية بتاخد معاها الوساخة والتراب دا وتنزل بيهم والصوت بيروح..

        بالنسبة للون البرونزي اللي بتتكلم عنه دا طبيعي وبيحصل لما تغسل العربية وتيجي مية علي الطنابير, هتلاقيها عملت طبقة باللون دا,, بيبقي شكله مقرف أنا عارف وتحس أن الديسك قديمة, بس لما تمشي بيها وتدوس فرامل كذا مرة الطبقة دي بتتمسح واللون هيروح وبيرجع طبيعي تاني.

        وبرضة لو ركنت العربية فترة وممشيتش بيها, هتلاقي الديسكات عملت نفس اللون دا من الرطوبة والركنة, ومتهيألي دا الأرجح في حالتك لأنك مش عامل كيلو متر عالي بالعربية فاواضح أنك مش بتخرج بيها كتير,

        وألف شكر علي أهتمامك في موضوع ال 505, أنا عن نفسي من كلامك علي عربيتك قبل ما تجيب ال 508 حسيت أنها نضيفة وكان نفسي أشتريها منك لو حالتها زي ما بتقول لو حبيت في يوم تبيع.
        LeitoSR سابقا

        Comment


        • #19
          المشاركة الأصلية كتبت بواسطة alshahba مشاهدة المشاركة
          مشكلة التصفير دي سألت عليها قبل كده فى توكيل رينو كنت بشوف الفلوانس
          المهم المهندس وانا بسأله عن التيل وكفائته والتصفير.......لقيته ابتسم ابتسامه صغيره وقالي التصفير حتلاقيه موجود بس خفيف !!!! انا استغربت وقولتلو يعني اشتري عربيه ب 200الف علشان التيل يصفر مني !!! قالي الجديد كله الاوروبي تبعا لنظام البيئه تم شيل الطبقه المانعه للتصفير علي تيل الفرامل لانها بتعمل ضرر بيئي يؤدي الي السرطان لكل من يشم هذه الرائحه , وعلشان كده حتسمع تصفير بس مش كبير >>>> ده علي قول مهندس الصيانه

          لكن لو انت بتقول ان الصوت مزعج ...... فده اكير في زلطه صغيره لازقه فى التيل وعماله تحك خصوصا انك بتسافر كتير .... لازم تتغسل اكتر من مره وتركز قوي وهو بيغسل العربيه انه يجيب الميه علي التيل فتره طويله

          بس ياريت تتأكد ان الصوت من فرده واحده ولا من جميع الفرد
          كلام المهندس دا صحيح, هيا في مادة بطلو يضيفوها عشان كانت مضرة بالبيئة وفعلاً,,
          التيل هيعمل صوت بس مش دايماً ولا هيكون صوت مزعح ولما يطلع صوت هيكون خفيف,
          لأن كل العربيات الأوروبي أنهارده بتمشي عادي من غير صوت لما بيدوس فرامل وهما كلهم نازلين بالتيل الجديد,,

          والصوت لما ظهر معايا كان في حالتين,,
          واحدة كانت تراب وراح لما غسلت العربية من تحت بضغط المية العالي مرتين في أسبوعين,,
          ومرة تانية لما التيل قرب يخلص,, فبدأ يصفر وهيا العربية بتقف وكانت بتغيب علي ما تقف بيا ودا طبيعي في أي عربية الصوت دا سواء التيل كان فيه المادة دي أو مفهوش..

          والمسافة ما بين التيل والدسيك, متعديش ولا تاخد زلطة ما بينهم,, ممكن تدخل تراب بس..
          LeitoSR سابقا

          Comment


          • #20
            المشاركة الأصلية كتبت بواسطة haitham g مشاهدة المشاركة
            انا عندى فى 308 كنت بعمل حاجة عادية فى التوكيل وكنت لسه مغير التيل فى مركز تانى لما روحت وده مركز الصيانة اللى فى صلاح سالم قالولى الطنابير فيها عوجة بسيطة ممكن تمشى عادى بس لو عايز اغيرهم حغير التيل معاهم لأن التيل بايظ من الطنبورة القديمة وطبعا الطنابير اتغيرت فى الضمان
            نفس الموضوع دا أتكرر معايا في أبو رواش, بس أنت حظك أنك كنت في الضمان,, أنا كانو عايزين يغيرو ليا الطنابير وسير الكاتينة علي 30 ألف !! ومكنش فيه ضمان ساعتها لاني كانت في السنة الجديدة اللي بعد أخر سنة من الضمان,
            المهم بسأله أيه السبب, قالي التيل لما خلص عمل شفة في الطنبورة, قلت له طب دا غلط ولا ينفع أمشي بيها, قالي ممكن تمشي بيها عادي والتيل الجديد هيطبع عليها وتغير الطنابير مع التيل المرة اللي جاية, وغيرت تيل بعديها ومغيرتش الطنابير وفضلت ماشي عادي,,
            المشاركة الأصلية كتبت بواسطة haitham g مشاهدة المشاركة
            مع انهم لما سالت ايه اللى يعوجهم قالولى العربية بتتغسل وبعد كده بتمشى فالتيل بيسخن ويخليه يبوظ انا مش عارف السبب حقيقى ولا لأ بس هما عندهم امانة لأن المركز التانى مقالش ولو توكيل تانى ممكن ميقولش.

            متهيألي إن الكلام دا فتي ,, وكذا مرة يفتو عليا في حاجات في صلاح سالم وكرهت أروح لهم بسبب الموضوع دا هما وأبو رواش,, أسوء مركزين من تجربتي معاهم,.

            لأنك ممكن تمشي مشوار طويل ويبقي التيل سخن طبعاً وكمان الكاوتش, وتدخل في بركة في طريقك وأنت علي سرعة علي السريع في أيام الشتاء,,
            أو لما توصل بلدك ويكون في حتت في الأرض واطية زي بركة مياة وتنزل فيها وتطلع وعادي ولا بيحصل حاجة للتيل ولا الطنابير. والكلام دا من أيام العربيات القديمة مكنش لا بيحصل حاجة للطنابير ولا التيل,
            العربية مش ورق أووي كدا يعني ولا التيل والطنابير,,
            وعندهم في أوروبا أو بلد زي أنجلترا اللي فيها شتاء ومياة أكتر من عندنا مش بيحصل معاهم الكلام دا عشان يحصل معانا.
            LeitoSR سابقا

            Comment


            • #21
              المشاركة الأصلية كتبت بواسطة LeitoSR مشاهدة المشاركة
              نفس الموضوع دا أتكرر معايا في أبو رواش, بس أنت حظك أنك كنت في الضمان,, أنا كانو عايزين يغيرو ليا الطنابير وسير الكاتينة علي 30 ألف !! ومكنش فيه ضمان ساعتها لاني كانت في السنة الجديدة اللي بعد أخر سنة من الضمان,
              المهم بسأله أيه السبب, قالي التيل لما خلص عمل شفة في الطنبورة, قلت له طب دا غلط ولا ينفع أمشي بيها, قالي ممكن تمشي بيها عادي والتيل الجديد هيطبع عليها وتغير الطنابير مع التيل المرة اللي جاية, وغيرت تيل بعديها ومغيرتش الطنابير وفضلت ماشي عادي,,

              هو حقيقى لو التيل خلص بيبوظ الطنبورة ده كلام سليم بس هو حضرتك زعلان انو كان على 30000 انا غيرته على 15000 بس عشان انا بجرى على سرعات بس اعرف ناس غيروا التيل على 30000 زى حضرتك ده طبيعة استخدام كل شخص طبعا .

              متهيألي إن الكلام دا فتي ,, وكذا مرة يفتو عليا في حاجات في صلاح سالم وكرهت أروح لهم بسبب الموضوع دا هما وأبو رواش,, أسوء مركزين من تجربتي معاهم,.

              لأنك ممكن تمشي مشوار طويل ويبقي التيل سخن طبعاً وكمان الكاوتش, وتدخل في بركة في طريقك وأنت علي سرعة علي السريع في أيام الشتاء,,
              أو لما توصل بلدك ويكون في حتت في الأرض واطية زي بركة مياة وتنزل فيها وتطلع وعادي ولا بيحصل حاجة للتيل ولا الطنابير. والكلام دا من أيام العربيات القديمة مكنش لا بيحصل حاجة للطنابير ولا التيل,
              العربية مش ورق أووي كدا يعني ولا التيل والطنابير,,
              وعندهم في أوروبا أو بلد زي أنجلترا اللي فيها شتاء ومياة أكتر من عندنا مش بيحصل معاهم الكلام دا عشان يحصل معانا.

              Comment


              • #22
                بس انا كنت عايز اضيف ان مركز صلاح سالم ماشوفتش معاهم حاجة وحشة محترمين جدا فى التعامل .

                Comment


                • #23
                  المشاركة الأصلية كتبت بواسطة haitham g مشاهدة المشاركة
                  بس انا كنت عايز اضيف ان مركز صلاح سالم ماشوفتش معاهم حاجة وحشة محترمين جدا فى التعامل .
                  أنا روحت لهم مرة غيرة زيت وفلتر زيت وفلتر هوا وفلتر تكييف, وكانت التجربه أكتر من ممتازة من ناحية الوقت والمكان وعمل الصيانة, ودي كانت ممتازة..

                  تاني مرة ربنا وعدني بمهندس ربنا يسامحة أسمه مصطفي,
                  روحت أغير زيت كانت العربية عاملة 60 ألف, وكنت مغير عندهم الحاجات اللي قلتها فوق علي 40 ألف,
                  قالي عايز صيانة ال 60 ألف قلت له أنا مغير الحاجات بتاعت ال60 من فترة وعايز أغير زيت بس.

                  راح كاتب في الورقة برضه صيانة 60 ألف, ولما أستغيبت العربية لأني بغير زيت بس.
                  طلعت لاقيتهم وش الموتور مفكوك, ومطلعين البوجيهات ورامينها علي الطربيزة وهيا كانت لسه جديدة ومغيرها في غمرة من أقل من 10 الاف كيلو, ومطلعين كل الفلاتر بره هوا وتكييف, وفاكك سير المجموعة وبيفك في جنب الماتور عشان يغير سير الكاتينة..

                  قلت له أنت بتعمل أيه, أنا طالب تغير زيت بس, قالي اللي مكتوب في ورقة التشغيل صيانة 60 ألف.
                  حط نفسك مكاني تعمل أيه ساعتها ؟؟؟

                  المهم أنا دخلت لمهندسين الأستقبال من اللي أتعمل في العربية والمهندسين كلهم بقو يبصو لي وميتكلموش ويرجعو يبصو لمصطفي دا وهوا ساكت,
                  وقعدو يحاولو يقنعوني أغير الحاجات دي لأنها محتاجة تغير, ويقولي لي الفلتر وسخ, البوجيهات منفسة,, كان معايا فاتورة صيانة ال40 ألف في الطابلوة طلعتهالم فا كله أتخرصص..

                  وفي الأخر دفعوني 290 مصنعية تغير زيت وفلتر بس !!!
                  قله لهم أنا مش هدفع 290 عشان غلطة المهندس, ومش مشكلتي,
                  ومن هنا لهنا يقولي لي العربية أخدت وقت من التشغيل ومشينا عربيات تانية جات بعدك وقعدو ويهرو في الكلام, ولما دخلت لمدير المركز كان راجل محترم جداً وقالي هعوضهالك, ودا اللي هداني لأنو عوضهالي فعلاً في حاجة تانية,,,

                  المهم أنا من قريفتي يومها وعشان كنت عايز العربية تتقفل وتركب فيها الحاجة وأمشي,
                  دفعت ال 290 وطلبت تربيط عفشة من غير ما أدفع مليم عشان ممشيش من عندهم حاسس أني أتضحك عليا في المبلغ دا,
                  لسه هيبصو بعض, كنت هشتم, قامو ندهو علي بتاع الورشة يربط لي عشفة,
                  وأخدت العربية ومشيت,,

                  لو حابب أرفع لك صورة الفاتورة زيادة تأكيد علي كلامي بأني دافع 290 جنيه مصنعية تغير زيت في بيجو صلاح سالم قولي وأرفعهالك مفيش مشكلة.

                  يمكن أنا تجربتي كانت وحشة, لأن المرة اللي قبلها كانت التجربة فوق الممتازة,
                  بس لو كان المركز كويس مكنش دفعني المبلغ دا في تغيير زيت.
                  LeitoSR سابقا

                  Comment


                  • #24
                    المشاركة الأصلية كتبت بواسطة leitosr مشاهدة المشاركة
                    أنا روحت لهم مرة غيرة زيت وفلتر زيت وفلتر هوا وفلتر تكييف, وكانت التجربه أكتر من ممتازة من ناحية الوقت والمكان وعمل الصيانة, ودي كانت ممتازة..

                    تاني مرة ربنا وعدني بمهندس ربنا يسامحة أسمه مصطفي,
                    روحت أغير زيت كانت العربية عاملة 60 ألف, وكنت مغير عندهم الحاجات اللي قلتها فوق علي 40 ألف,
                    قالي عايز صيانة ال 60 ألف قلت له أنا مغير الحاجات بتاعت ال60 من فترة وعايز أغير زيت بس.

                    راح كاتب في الورقة برضه صيانة 60 ألف, ولما أستغيبت العربية لأني بغير زيت بس.
                    طلعت لاقيتهم وش الموتور مفكوك, ومطلعين البوجيهات ورامينها علي الطربيزة وهيا كانت لسه جديدة ومغيرها في غمرة من أقل من 10 الاف كيلو, ومطلعين كل الفلاتر بره هوا وتكييف, وفاكك سير المجموعة وبيفك في جنب الماتور عشان يغير سير الكاتينة..

                    قلت له أنت بتعمل أيه, أنا طالب تغير زيت بس, قالي اللي مكتوب في ورقة التشغيل صيانة 60 ألف.
                    حط نفسك مكاني تعمل أيه ساعتها ؟؟؟

                    المهم أنا دخلت لمهندسين الأستقبال من اللي أتعمل في العربية والمهندسين كلهم بقو يبصو لي وميتكلموش ويرجعو يبصو لمصطفي دا وهوا ساكت,
                    وقعدو يحاولو يقنعوني أغير الحاجات دي لأنها محتاجة تغير, ويقولي لي الفلتر وسخ, البوجيهات منفسة,, كان معايا فاتورة صيانة ال40 ألف في الطابلوة طلعتهالم فا كله أتخرصص..

                    وفي الأخر دفعوني 290 مصنعية تغير زيت وفلتر بس !!!
                    قله لهم أنا مش هدفع 290 عشان غلطة المهندس, ومش مشكلتي,
                    ومن هنا لهنا يقولي لي العربية أخدت وقت من التشغيل ومشينا عربيات تانية جات بعدك وقعدو ويهرو في الكلام, ولما دخلت لمدير المركز كان راجل محترم جداً وقالي هعوضهالك, ودا اللي هداني لأنو عوضهالي فعلاً في حاجة تانية,,,

                    المهم أنا من قريفتي يومها وعشان كنت عايز العربية تتقفل وتركب فيها الحاجة وأمشي,
                    دفعت ال 290 وطلبت تربيط عفشة من غير ما أدفع مليم عشان ممشيش من عندهم حاسس أني أتضحك عليا في المبلغ دا,
                    لسه هيبصو بعض, كنت هشتم, قامو ندهو علي بتاع الورشة يربط لي عشفة,
                    وأخدت العربية ومشيت,,

                    لو حابب أرفع لك صورة الفاتورة زيادة تأكيد علي كلامي بأني دافع 290 جنيه مصنعية تغير زيت في بيجو صلاح سالم قولي وأرفعهالك مفيش مشكلة.

                    يمكن أنا تجربتي كانت وحشة, لأن المرة اللي قبلها كانت التجربة فوق الممتازة,
                    بس لو كان المركز كويس مكنش دفعني المبلغ دا في تغيير زيت.

                    عندك حق فى كل اللى قولته طبعا بس انا حعتب عليك فى حاجة صغيرة يعنى المهندس مفهمش او مش محترم بس يا راجل مش تقرا كتب ايه فى امر الشغل كنت ريحت نفسك وعموما حصل خير و ان شاء الله متتكررش تانى .

                    Comment


                    • #25
                      المشاركة الأصلية كتبت بواسطة haitham g مشاهدة المشاركة
                      عندك حق فى كل اللى قولته طبعا بس انا حعتب عليك فى حاجة صغيرة يعنى المهندس مفهمش او مش محترم بس يا راجل مش تقرا كتب ايه فى امر الشغل كنت ريحت نفسك وعموما حصل خير و ان شاء الله متتكررش تانى .
                      أنا قريت أمر الشغل فعلاً, ودا كان بعد ما سألني هتعمل أيه وقلت له هغير زيت بس..
                      ولما لاقيته بص في عداد العربية وكتب صيانة 60 قلت لا زيت بس, وأني مغير الفلاتر والسيور في الصيانة اللي فاتت عندهم,,

                      قالي ماشي هغيرة عشان يريحني وراح سلمها للفني من غير ما يعدلها,!!
                      مع أني مأكد عليه أكتر من مرة زيت بس, وكنت كمان جايب لهم الزيت معايا,
                      لاني غيرت لشيل من بعد ال 30 ألف لما لاحظت إن الموتور بيسخن ب 6000 كيلو علي غيار الزيت بتاع موبيل بتاعهم وصوته بيعلي بشكل ملحوظ فغيرت لزيت شيل علي نصيحة من أحمد عمارة ومن 2010 وأنا ماشي عليه, ومش بحط موبيل أبداً في أي عربية.
                      فابقيت في أي صيانة بجيب الزيت من شيل وبروح أغير الزيت بالفلتر عند أي مركز خدمة.

                      ودي نصيحتي ليك اللي حبيت أقولها لك,, شوف الزيت اللي يناسبك من دلوقتي في السوق من شيل ولا ليكوي مولي ولا زادو الجديد دا ناس كتير بتشكر فيه,
                      ولما تيجي تغير غير عليه وخده معاك مش هيقولو لأ,,
                      وأبعد عن موبيل لأنه بجد أسوء زيت في السوق.


                      بس أنت عندك حق, كان المفروض أخليه يغريها وانا واقف معاه, بدل ما يحصل العك دا,
                      والحمدلله علي كل شئ.
                      LeitoSR سابقا

                      Comment


                      • #26
                        هي المادة اللي اتشالت من التيل اسمها Asbestos, و ده مش بس كان في الفرامل ده كان دي أطقم الدبرياج و الجوانات كمان
                        أهم أعراض غيابها قصر عمر التيل و ال Brake dust الكتييير (أغلب العربيات الجديدة بتهبب الجنوط/الطاسات)

                        أستاذ Eleanor, لو عايز تنضف التيل صح يبقى تجيب Brake cleaner, ولا مية ولا وجع دماغ. طبعا مية على تيل و طنابير مولعة بعد مشوار زحمة في درجة حرارة فوق ال 40 ده يجيبلك أجلهم, دي مفيهاش كلام
                        ال brake cleaner علبة ال spray مش هتكلفك 25-30 جنيه و تقعد معاك 5 مرات و ممكن أكتر (يعني المرة بـ 5-6 جنيه, يا بلاش)
                        حضرتك تروح لبتاع عجل , يرفع العربية من قدام و يفك العجلتين, تديهم رشة كويسة و تستني 5 دقايق أما ينشف و شكرا (عشان ممنوع ييجي على الكاوتش)
                        لو بعد كده مبطلش صوت تروح على التوكيل تغيره في الضمان و مفيش داعي للقلق إن شاء الله
                        [shfaf2]http://i664.photobucket.com/albums/vv5/Doush_CSF/Pics%20for%20forums/Peugeot-508_2011_1600x1200_wallpaper_13-Copy.jpg[/shfaf2]

                        Comment


                        • #27
                          المشاركة الأصلية كتبت بواسطة LeitoSR مشاهدة المشاركة
                          أنا قريت أمر الشغل فعلاً, ودا كان بعد ما سألني هتعمل أيه وقلت له هغير زيت بس..
                          ولما لاقيته بص في عداد العربية وكتب صيانة 60 قلت لا زيت بس, وأني مغير الفلاتر والسيور في الصيانة اللي فاتت عندهم,,

                          قالي ماشي هغيرة عشان يريحني وراح سلمها للفني من غير ما يعدلها,!!
                          مع أني مأكد عليه أكتر من مرة زيت بس, وكنت كمان جايب لهم الزيت معايا,
                          لاني غيرت لشيل من بعد ال 30 ألف لما لاحظت إن الموتور بيسخن ب 6000 كيلو علي غيار الزيت بتاع موبيل بتاعهم وصوته بيعلي بشكل ملحوظ فغيرت لزيت شيل علي نصيحة من أحمد عمارة ومن 2010 وأنا ماشي عليه, ومش بحط موبيل أبداً في أي عربية.
                          فابقيت في أي صيانة بجيب الزيت من شيل وبروح أغير الزيت بالفلتر عند أي مركز خدمة.

                          ودي نصيحتي ليك اللي حبيت أقولها لك,, شوف الزيت اللي يناسبك من دلوقتي في السوق من شيل ولا ليكوي مولي ولا زادو الجديد دا ناس كتير بتشكر فيه,
                          ولما تيجي تغير غير عليه وخده معاك مش هيقولو لأ,,
                          وأبعد عن موبيل لأنه بجد أسوء زيت في السوق.


                          بس أنت عندك حق, كان المفروض أخليه يغريها وانا واقف معاه, بدل ما يحصل العك دا,
                          والحمدلله علي كل شئ.
                          شكرا على النصيحة وانا كنت لاحظت حاجة فى ال 308 مش عارف طبيعى ولا ايه العربية صوتها بيكون مسموع عند سرعة 120- 130 قبل كده عادى وبعد السرعة دى عادى برضة محدش عنده فكره ده ممكن يكون ايه ولا ده لى علاقة باللى حضرتك قولته استاذ Leito

                          Comment


                          • #28
                            المشاركة الأصلية كتبت بواسطة Haitham G مشاهدة المشاركة
                            شكرا على النصيحة وانا كنت لاحظت حاجة فى ال 308 مش عارف طبيعى ولا ايه العربية صوتها بيكون مسموع عند سرعة 120- 130 قبل كده عادى وبعد السرعة دى عادى برضة محدش عنده فكره ده ممكن يكون ايه ولا ده لى علاقة باللى حضرتك قولته استاذ Leito
                            الصوت اللي بيجي علي سرعة معينة ويروح بعدها وبيكون في رينج 10 ل 20 كيلو علي العداد,
                            بيكون في الغالب من الكاوتش مش من الموتور ولا من العفشة ولا جسم العربية,

                            لأنو لو الصوت من الماتور هيفضل يزيد مع السرعة,
                            ولو من العفشة وأحتكاك الهواء بجسم العربية هيكون دائم وهيزيد برضه مع السرعة.



                            أنا الموضوع دا حصلي لما غيرت كاوتش العربية اللي كانت نازلة بيه ل Kumho الكوري, بعد أربع سنين من عمر الكاوتش الأصلي
                            وغيرت ل Kumho علي نصيحة من أستاذ محمد نيل هنا عشان كان أوفر بكتير من التورانزا بتاع بريدجستون وفر الأربع كاوتشات أيامها كانو بحوالي 2000 وشوية,
                            البريدجستون كان ب 4500 وكان فيه منه مضروب مالي السوق.!!

                            فجيبت الكومهو ومعايا لدلوقتي وزي الفل, كان ممتاز وناعم جدا ومفيش صوت أول ما جبته,
                            بس بعد شهرين ظهر صوت ونة علي سرعة ما بين 90 - 100 أو 110
                            قبل السرعات دي وبعدها مفيش صوت,,
                            وكان مضايقني جداً لان دي السرعة اللي بمشي عليها طول الوقت,

                            في حاجة أسمها Tire Rotation المفروض تتعمل كل فترة بس أحنا مش بنعمل الكلام دا,
                            أنك تغير مكان الكاوتشات مع بعضها عشان تحافظ عليها وعلي النقشة وتديها عمر أطول,

                            وعشان لو في كاوتشة بيتاكل بشكل أعلي بسبب مشكلة في العفشة في جنب من الجوانب الأربعة في العربية لما تغيرها مع واحدة تانية بتحافظ عليها من الضغط اللي عليها.

                            دا ال Diagram بتاع ال Tire Rotation





                            دلوقتي أنت ظبط ضغط الهواء, وفضي هوا الكاوتش كله وأملاه نيتروجين عند بريدجستون,
                            ولو دا كاوتش ال 308 وعمر الكاوتش داخل في ال 3 سنين,, خلي ضغط الكوتش علي 30 بس عشان ميبقاش ناشف علي العفشة ويريح العربية في المطبات وميعملش صوت,,

                            أخر حاجة دلوقتي أنقل الكاوتش اللي قدام ورا,, واللي ورا قدام,,
                            وبعد 2000 أو 4000 كيلو أنقل الكاوتش اللي في الجنب اليمين للشمال, والشمال لليمين,
                            وشوف الصوت هيروح ولا لأ,

                            أنا عملتها مرتين تقريباً لحد ما ظبط والصوت راح لوحدة بعد بحوالي 4000 أو 5000 كيلو من ال Tire Rotation. ومفيش صوت دلوقتي

                            أعتقد كان في مشكلة في نقشة من الكاوتشات, وهيا اللي كانت عاملة صوت الونة دي,
                            ولما غيرت مكانها كذا مرة يا أتمسحت الطبقة اللي كانت عاملة الونة دي يا أتظبطت.

                            ومع الحاجات دي عشان تظبط كله, أظبط زوايا العربية عند حد بالكمبيوتر عندنا ب 20 جنيه تقريباً,
                            ورصرص العجل بالمرة عند بريدجستون وأنت بتملاة نيتروجين عشان تاخد أحسن نتيجة.
                            LeitoSR سابقا

                            Comment


                            • #29
                              المشاركة الأصلية كتبت بواسطة leitosr مشاهدة المشاركة
                              الصوت اللي بيجي علي سرعة معينة ويروح بعدها وبيكون في رينج 10 ل 20 كيلو علي العداد,
                              بيكون في الغالب من الكاوتش مش من الموتور ولا من العفشة ولا جسم العربية,

                              لأنو لو الصوت من الماتور هيفضل يزيد مع السرعة,
                              ولو من العفشة وأحتكاك الهواء بجسم العربية هيكون دائم وهيزيد برضه مع السرعة.



                              أنا الموضوع دا حصلي لما غيرت كاوتش العربية اللي كانت نازلة بيه ل kumho الكوري, بعد أربع سنين من عمر الكاوتش الأصلي
                              وغيرت ل kumho علي نصيحة من أستاذ محمد نيل هنا عشان كان أوفر بكتير من التورانزا بتاع بريدجستون وفر الأربع كاوتشات أيامها كانو بحوالي 2000 وشوية,
                              البريدجستون كان ب 4500 وكان فيه منه مضروب مالي السوق.!!

                              فجيبت الكومهو ومعايا لدلوقتي وزي الفل, كان ممتاز وناعم جدا ومفيش صوت أول ما جبته,
                              بس بعد شهرين ظهر صوت ونة علي سرعة ما بين 90 - 100 أو 110
                              قبل السرعات دي وبعدها مفيش صوت,,
                              وكان مضايقني جداً لان دي السرعة اللي بمشي عليها طول الوقت,

                              في حاجة أسمها tire rotation المفروض تتعمل كل فترة بس أحنا مش بنعمل الكلام دا,
                              أنك تغير مكان الكاوتشات مع بعضها عشان تحافظ عليها وعلي النقشة وتديها عمر أطول,

                              وعشان لو في كاوتشة بيتاكل بشكل أعلي بسبب مشكلة في العفشة في جنب من الجوانب الأربعة في العربية لما تغيرها مع واحدة تانية بتحافظ عليها من الضغط اللي عليها.

                              دا ال diagram بتاع ال tire rotation





                              دلوقتي أنت ظبط ضغط الهواء, وفضي هوا الكاوتش كله وأملاه نيتروجين عند بريدجستون,
                              ولو دا كاوتش ال 308 وعمر الكاوتش داخل في ال 3 سنين,, خلي ضغط الكوتش علي 30 بس عشان ميبقاش ناشف علي العفشة ويريح العربية في المطبات وميعملش صوت,,

                              أخر حاجة دلوقتي أنقل الكاوتش اللي قدام ورا,, واللي ورا قدام,,
                              وبعد 2000 أو 4000 كيلو أنقل الكاوتش اللي في الجنب اليمين للشمال, والشمال لليمين,
                              وشوف الصوت هيروح ولا لأ,

                              أنا عملتها مرتين تقريباً لحد ما ظبط والصوت راح لوحدة بعد بحوالي 4000 أو 5000 كيلو من ال tire rotation. ومفيش صوت دلوقتي

                              أعتقد كان في مشكلة في نقشة من الكاوتشات, وهيا اللي كانت عاملة صوت الونة دي,
                              ولما غيرت مكانها كذا مرة يا أتمسحت الطبقة اللي كانت عاملة الونة دي يا أتظبطت.

                              ومع الحاجات دي عشان تظبط كله, أظبط زوايا العربية عند حد بالكمبيوتر عندنا ب 20 جنيه تقريباً,
                              ورصرص العجل بالمرة عند بريدجستون وأنت بتملاة نيتروجين عشان تاخد أحسن نتيجة.
                              انا بعمل الكلام ده فعلا انى ابدل العجل والعجل مظبوط على 30 نيتروجين بس هو حقيقى العجلتين اللى قدام شكلهم متبهدل شوية حشوف الموضوع ده بس انصحك جرب كونتيننتال او يفضل ميشلان اجمد انواع الاطارات فعلا عن تجربة البريدجستون دى اى كلام جرب وحتدعيلى بغض النظر عن سعرهم هو طبعا غالى وشكرا لاهتمامك .

                              Comment


                              • #30
                                المشاركة الأصلية كتبت بواسطة haitham g مشاهدة المشاركة
                                انا بعمل الكلام ده فعلا انى ابدل العجل والعجل مظبوط على 30 نيتروجين بس هو حقيقى العجلتين اللى قدام شكلهم متبهدل شوية حشوف الموضوع ده بس انصحك جرب كونتيننتال او يفضل ميشلان اجمد انواع الاطارات فعلا عن تجربة البريدجستون دى اى كلام جرب وحتدعيلى بغض النظر عن سعرهم هو طبعا غالى وشكرا لاهتمامك .
                                الشكر لله, وأنا ناوي أجربهم المرة اللي جاية إن شاء الله,
                                بس الفترة اللي أنا أشتريت فيها مكنش فيه ميشلان في السوق, والبريدجستون كان مضروب والكونتيننتال ممتاز طبعاً ومريح جداً بس كان أغلي منهم التلاتة ومش بيعيش كتير زي البريدجستون والكومهو ومكنش عندي أستعداد أشتريه غالي وأغيرة بدري,
                                خصوصاً أني بسافر علي طرق وحشة كتير زي الزراعي وطرق تانية مش متسفلته, فكان هيتبهدل بسرعة ومكنتش هحس براحتة أو أستفاد بيه.

                                وأنت لو عندك العجليتين اللي قدام متبهدلين زي ما بتقول أنقلهم لورا بكرة وهات اللي ورا قدام,
                                وشوف هيفرقو معاك ولا لأ, وأبقي عرفني النتيجة برضه.
                                LeitoSR سابقا

                                Comment

                                Working...
                                X