مشكلة في 307

[toot70]

الاخوة الاعزاء جدا
عندي 307 وبدأ يظهر عليها حاجة غريبة شوية
لما اقفل الدريكسيون علي الاخر في اليمين او الشمال وانا واقف الاقي صوت زنة شديدة (غالبا صوت موتور البور ) و لمبة الا بي اس نورت والنور هبط
عملت التالي :
طفيت العربية وشلت الكابل وبصيت في البطاريه لسة اللمبة الخضرا شغالة كويس ....زيت البور مظبوط
اعمل ايه بقي ؟؟؟؟

[wella3330]

طرمبة الباور بتشاور عقلها

[amrelsaqqa]

اللى بيحصل عندك حمل زائد على موتور الباور والحمل ده اللى بيعمل الزنة وبيخلى كهربة العربية تضعف

اسباب الحمل الزيادة ممكن يبقى الموتور نفسه بتاع الباور فيه مشكلة ، او في حاجة في الاسكاترة والعفشة عموما متقلة الدركسيون اكتر من اللازم فبتحمل على موتور الباور

[toot70]

اشكركم جدا ...الموضوع طلع بطارية

[Ahmed Amin]

اشكركم جدا ...الموضوع طلع بطارية

والبطارية كانت بتعمل الزنة أزاي بقي ؟؟

[toot70]

والبطارية كانت بتعمل الزنة أزاي بقي ؟؟

هو غالبا البطارية كانت ضعيفة موت لان بعد ما غيرتها الدنيا اتظبطت .....هو فيه صوت خفيف بس مش زي الاول ابدا

[Ahmed Amin]

هو غالبا البطارية كانت ضعيفة موت لان بعد ما غيرتها الدنيا اتظبطت .....هو فيه صوت خفيف بس مش زي الاول ابدا

طيب الحمدلله أنها كانت بطارية بس,
وأنت شوف الصوت دا طالع مكانه منين, ممكن تكون بلية خشنة أو سير المجموعة محتاج يتغير,
بس هيا ال 307 بيبقي فيه صوت ونة كدا طبيعي وهيا شغالة لو أنت حافظة يبقي مفيش مشكلة عندك.