افادة هامة عن تكييف البيجو 301

[m.basha]

يا جماعة حد يفدنا قبل ما نتوكل على الله و نشترى العربية انا سمعت ان الناس بتقول ان تكيفها مش حلو اوى و بيخنق العربية وهو شغال و الموضوع ده سمعتوا كمان فى السى اليزيه واعتقد انها نفس التكنولوجيا ارجو الافادة من ملاك السيارة او من لديه المعلومة و شكرا لحضرتكم

[amrelsaqqa]

انت سمعت من حد معاه الـ 301 نفسها ؟
اصل الكلام كله عن الاليزيه مش عارف ليه

انا لسة اصلا كنت هعمل نفس الموضوع ...


من الاخر :

مطلوب من كل ملاك 301 في المنتدى ان يبصموا بالعشرة ان الـ 301

مختلفة تماما عن الاليزيه في موضوع التكييف

وان التكييف لا يقوم بالتحميل على الموتور او احداث رجرجة او كركرة او هبوط في الـ rpm نهائيا تحت اي ظرف

وانهم جربوا التكييف اكتر من مرة نهارا في ظروف قيادة متعددة سواء داخل المدينة والشوارع المزدحمة او على الطريق

ولم تصادفهم اي مشاكل من نظام التكييف في السيارة حتى الآن ..

[M I D O]

المشكلة دي سمعتها في الاليزية لاكن ال 301 اول مرة اسمع الكلام دة

[hamaka]

أنا ماسمعتش عن مشاكل فى ال 301 بصراحة ،يا ريت ملاكها يأكدوا أو ينفوا

[mohjarr]

أنا فى ظل الظروف الحالية السيئة لا أستخدم السيارة كثيراً و لكن سافرت بها لأكثر من مرة و ضغط عليها فى طريق العلمين و على النمط الرياضى أيضاً على سرعات عالية و لمسافات طويلة و لم أواجه هذه المشكلة حتى الأن و عداد السيارة عندى حوالى 2500 كيلومتر و لى قريب دائم التحرك بسيارته و عمل بسيارته أكثر من 5000 كيلومتر و لم تواجهه هذه المشكلة ... ننتظر أراء باقى الملاك بس حتى الأن لم أرى أى شخص بهذه الشكوى فى البيجو ال301 . و كما أرى فى قسم الستروين أنه ليس كل السيارات المستلمة بها هذه المشكلة!! بس الغريب إن السيارتين المفروض يتطابقوا فى كل شىء!!

[SERGIOOO90]

اما توكيل عز العرب ده غرييييييييييب جدا العربية سمعتها بتضيع بسبب حاجة تافهة مع إنها عربية حلوة جد

[Hema_Basha]

لك ان تتخيل ان درجة الحرارة عندنا في راس البر بتبقي 37 بالنسبة لينا حر جدا وبشغل التكييف علي 2 في عز الضهر وبوطيه علي علي 1 لاني 2 ده بيخليني اتلج والعربية هتبقي هطير من علي الارض يبقي فين بتاثر علي السحب المشكلة بقي اما تبقي واقفة والتكييف شغال بيبقي صوت المروحة عالي جدا وبيبقي ملحوظ فهل ده عيب ولا د طبيعي

[amrelsaqqa]

لك ان تتخيل ان درجة الحرارة عندنا في راس البر بتبقي 37 بالنسبة لينا حر جدا وبشغل التكييف علي 2 في عز الضهر وبوطيه علي علي 1 لاني 2 ده بيخليني اتلج والعربية هتبقي هطير من علي الارض يبقي فين بتاثر علي السحب المشكلة بقي اما تبقي واقفة والتكييف شغال بيبقي صوت المروحة عالي جدا وبيبقي ملحوظ فهل ده عيب ولا د طبيعي

مش مشكلة صوت المروحة ، المهم مفيش خنقة في الموتور ولا رجرجة ولا كركرة ، ولا حاجات من دى

[Hema_Basha]

مش مشكلة صوت المروحة ، المهم مفيش خنقة في الموتور ولا رجرجة ولا كركرة ، ولا حاجات من دى

والله العظيم يا عمرو ولا اي حاجة والحمد لله انا من اول ما جبت العربية وانا طول النهار مش بطفي التكييف والحمد لله بقالها شهر وعدداها عامل 1800 مفيش اي شكوي من العربية

[amrelsaqqa]

والله العظيم يا عمرو ولا اي حاجة والحمد لله انا من اول ما جبت العربية وانا طول النهار مش بطفي التكييف والحمد لله بقالها شهر وعدداها عامل 1800 مفيش اي شكوي من العربية

تسسسسسلم يا كبير ، ربنا يباركلك فيها يارب
هم دول الكلمتين اللى كنت عاوز اسمعهم

دعواتك بقى ربنا يكرمنى والاقيها

[Hema_Basha]

تسسسسسلم يا كبير ، ربنا يباركلك فيها يارب
هم دول الكلمتين اللى كنت عاوز اسمعهم

دعواتك بقى ربنا يكرمنى والاقيها

ربنا يرمك يارب بس والله انامن وجهة نظري انه عربية من احسن العربيات اللي نزلت يكمكن مشوفتش في دمياط منها غير 3 او 4 بس متاكد انهل هتنتشر مش عاوز اقولك والله ناس وقفتني في الشارع بتاع 5 او 6 مرات يسالوني عليها

[Ahmed Amin]

لك ان تتخيل ان درجة الحرارة عندنا في راس البر بتبقي 37 بالنسبة لينا حر جدا وبشغل التكييف علي 2 في عز الضهر وبوطيه علي علي 1 لاني 2 ده بيخليني اتلج والعربية هتبقي هطير من علي الارض يبقي فين بتاثر علي السحب المشكلة بقي اما تبقي واقفة والتكييف شغال بيبقي صوت المروحة عالي جدا وبيبقي ملحوظ فهل ده عيب ولا د طبيعي

بالنسبة لسرعة المروحة وتوقيت عملها دا طبيعي ومش عيب,,
الفرنساوي كله دا المروحة بتشتغل عال سرعة العالية مع التكييف من أول ما بتشغلة حتي لو العربية باردة, وبتفصل شوية وبتشتغل شوية.

مش عيب يعني فمتقلقش.

[wella3330]

انا عملت تست دريف للبيجو 301 و اداء التكييف كان جيد جدا و الحقيقة مفيش تاثير ملحوظ علي سحب العربية مع تشغيله , بس لي ملاحظة ايه المكان العجيب اللي حطين فيه دراع cruise control ....

[eleanor]

مش عارف ليه عندى احساس قوى ان كباس ال بيجو غير بتاع السيتروين

[dryousef]

كروز كنترول؟

انا عملت تست دريف للبيجو 301 و اداء التكييف كان جيد جدا و الحقيقة مفيش تاثير ملحوظ علي سحب العربية مع تشغيله , بس لي ملاحظة ايه المكان العجيب اللي حطين فيه دراع cruise control .... :copy of majd(4):

كروز كنترول؟؟؟؟؟؟ فين ده ياباشا وفى اى فئه اول مره نسمع عنه وياريت صوره