مساعدة في بيجو 307

[Mahmoudelgen]

سلام عليكم
كنت عايز مساعدة منكو في مشكلتي مع مؤشر البنزين الطبيعي لما كنت بفول العربية كان المؤشر بيجي علي الاخر خالص و كلة تمام و زي الفل من كام يوم لاحظت كل ما افول مابتجيش لحد الاخر تيجي لغاية الشرطة اللي قبل الاخيرة قولت جايز الراجل مش بيملاها لحد الاخر جربت اقولة فولها لحد الزور بس بردو زي ماهي قولت جايز عوامة البنزين فيها حاجة مع اني لسي مغير طرمبة البنزين بواحدة تانية اصلي من التوكيل و خليت الطرمبة القديمة معايا روحت التوكيل النهاردة قالي طب نجرب نحط العوامة بتاعة الطرمبة القديمة و ركبها روحت فولت بردو لسي المؤشر بيجي للعلامة اللي قبل الاخيرة و خلاص اجي ابص طب التفويلة دي تمشيني اد اية في الكمبوتر الاقيها كاتبة ٣٧٠ كيلو مع انها كانت بتكتب اكتر من كدة لما كنت افولها و المؤشر يجي علي الاخر كانت تكتب اكتر من كدة بكتير و جربت كزا بنزينة بردو مش عارف اية الحل ؟؟؟؟

[Haitham Basha]

إن شاء الله خير ... متاااابع

[kamero]

متابع

[Ahmed Amin]

قولت جايز عوامة البنزين فيها حاجة مع اني لسي مغير طرمبة البنزين بواحدة تانية اصلي من التوكيل و خليت الطرمبة القديمة معايا روحت التوكيل النهاردة قالي طب نجرب نحط العوامة بتاعة الطرمبة القديمة و ركبها روحت فولت بردو لسي المؤشر بيجي للعلامة اللي قبل الاخيرة

طيب ناخد الكلام واحدة واحدة,
أنهي توكيل غيرت عنده الطرمبة,
لأنك لو غيرت في التوكيل هيغير لك طرمبة كاملة جسم الطرمبة الفبر + الموتور الكهرباء اللي فيها
ودي مش هيبقي فيها منها مشاكل, لكن أزاي بتقول أنك روحت لهم بالقديمة اللي كانت المفروض موتورها باظ وركبو لك العوامة بتاعت القديمة ؟!!

[Mahmoudelgen]

طيب ناخد الكلام واحدة واحدة,
أنهي توكيل غيرت عنده الطرمبة,
لأنك لو غيرت في التوكيل هيغير لك طرمبة كاملة جسم الطرمبة الفبر + الموتور الكهرباء اللي فيها
ودي مش هيبقي فيها منها مشاكل, لكن أزاي بتقول أنك روحت لهم بالقديمة اللي كانت المفروض موتورها باظ وركبو لك العوامة بتاعت القديمة ؟!!

التوكيل هو اتو سيرفيس الي ورا نادي السكة الحديد
و فعلا انا غيرت الطرمبة كاملة كلها جسم الطرمبة الفبر + الموتور الكهرباء اللي فيها
الطرمبة القديمة الموتور باظ اة بس العوامة كانت شغالة في القديمة فا خلع العوامة من القديمة اللي هي عاملة زي الاريال دي و حطها بدل الجديدة و عامة هي ادت نفس القراية بتاعة الجديدة مفيش فرق
لو في غلط في كلامي ياريت تصححلي و شكرا علي الرد

[Ahmed Amin]

هوا مفيش حاجة غلط في كلامك غير أنك قلت توكيل بيجو, واللي أنت روحته دا وبتحكي عليه مركز خدمة.
بمعني أنك في توكيل بيجو زي غمرة, أو أبو رواش, أو صلاح سالم, عندهم مش هيركب لك حاجة من حاجة قديمة في جديدة زي مانت وصفت, بأنه ياخد من الطرمبة القديمة ويركب في الجديدة والكلام دا.!

المهم اللي عملوة بتاع المركز دا غلط, لأن الريشة حساسة والمفروض ميتلعبش فيها, ولا تتشال من مكانها,,

وكان أولي أنو مادام دبسك في حق طرمبة بنزين جديدة, كان يشيل لك الماتور الجديد من الطرمبة الجديدة ويحطة في القديمة اللي كانت قرايتها مظبوطة.
لأن الريشة حساسة, وأي عوجة أو تنية فيها هتديك قراية مش مظبوطة.

وأنت عشان تبقي عارف بعد كدا, أن الطرمبة دي عبارة عن جسم بلاستيكي أو فبر, متعلق علي جنبها الريشة بتاعت قراية كمية البنزين في التانك, وجواها موتور كهربائي بيضخ البنزين لموتور العربية,
لما يحصل معاك مشكلة بعد كدا في طرمبة البنزين, الماتور الداخلي بيتغير لوحدة, وتمنه بيتراوح من 90 ل 120 ووممكن أزيد, بس كلهم واحد..
فمكنش فيه داعي أنهم يركبو لو لك طرمبة جديدة بتكلفتها الغير مبررة, بس هوا دا نظام التوكيل ومراكز الخدمة.

المهم بالنسبة لمشكلتك الحالية,
لازم قبل ما تركب الطرمبة تتأكد من إن حركة الريشة حرة, وبتلطع فوق لحد الأخر وبتنزل بسهولة,
وتتأكد إن السنون اللي بيبقي متثبت عليها الريشة بتبقي ملمسة وتشوف هل الريشة بتفضل لامساهم كلهم ولا لأ,
ومادام ما المشاكل دي حصلت بعد التغيير للطرمبة, وكمان أتكررت بعد ما ركبت الريشة القديمة, أنا شاكك أن يكون في حاجة دخلت أو وقعت جوا التانك, وبتحوش الريشة لما بتفول من أنها تترفع لفوق لحد الأخر.

وعايزين نتأكد برضه العربية بتاخد كام لتر بنزين من الأحتياطي يعني تخلي العربية تخلص كل البنزين اللي فيها او تبقي علي أقل حاجة في الأحتياطي في مرة, وتدخل تفولها تفويلة لحد الأخر علي السرعة البطيئة من مسدس البنزين في البنزينة عشان مشرقش وتطلع لك بنزين من فتحة التانك,
وتشوف هتاخد كام لتر بنزين معاك بالظبط, المفروض تاخد معاك من 54 لتر ل 60 لو فاضية خالص.

[Mahmoudelgen]

هوا مفيش حاجة غلط في كلامك غير أنك قلت توكيل بيجو, واللي أنت روحته دا وبتحكي عليه مركز خدمة.
بمعني أنك في توكيل بيجو زي غمرة, أو أبو رواش, أو صلاح سالم, عندهم مش هيركب لك حاجة من حاجة قديمة في جديدة زي مانت وصفت, بأنه ياخد من الطرمبة القديمة ويركب في الجديدة والكلام دا.!

المهم اللي عملوة بتاع المركز دا غلط, لأن الريشة حساسة والمفروض ميتلعبش فيها, ولا تتشال من مكانها,,

وكان أولي أنو مادام دبسك في حق طرمبة بنزين جديدة, كان يشيل لك الماتور الجديد من الطرمبة الجديدة ويحطة في القديمة اللي كانت قرايتها مظبوطة.
لأن الريشة حساسة, وأي عوجة أو تنية فيها هتديك قراية مش مظبوطة.

وأنت عشان تبقي عارف بعد كدا, أن الطرمبة دي عبارة عن جسم بلاستيكي أو فبر, متعلق علي جنبها الريشة بتاعت قراية كمية البنزين في التانك, وجواها موتور كهربائي بيضخ البنزين لموتور العربية,
لما يحصل معاك مشكلة بعد كدا في طرمبة البنزين, الماتور الداخلي بيتغير لوحدة, وتمنه بيتراوح من 90 ل 120 ووممكن أزيد, بس كلهم واحد..
فمكنش فيه داعي أنهم يركبو لو لك طرمبة جديدة بتكلفتها الغير مبررة, بس هوا دا نظام التوكيل ومراكز الخدمة.

المهم بالنسبة لمشكلتك الحالية,
لازم قبل ما تركب الطرمبة تتأكد من إن حركة الريشة حرة, وبتلطع فوق لحد الأخر وبتنزل بسهولة,
وتتأكد إن السنون اللي بيبقي متثبت عليها الريشة بتبقي ملمسة وتشوف هل الريشة بتفضل لامساهم كلهم ولا لأ,
ومادام ما المشاكل دي حصلت بعد التغيير للطرمبة, وكمان أتكررت بعد ما ركبت الريشة القديمة, أنا شاكك أن يكون في حاجة دخلت أو وقعت جوا التانك, وبتحوش الريشة لما بتفول من أنها تترفع لفوق لحد الأخر.

وعايزين نتأكد برضه العربية بتاخد كام لتر بنزين من الأحتياطي يعني تخلي العربية تخلص كل البنزين اللي فيها او تبقي علي أقل حاجة في الأحتياطي في مرة, وتدخل تفولها تفويلة لحد الأخر علي السرعة البطيئة من مسدس البنزين في البنزينة عشان مشرقش وتطلع لك بنزين من فتحة التانك,
وتشوف هتاخد كام لتر بنزين معاك بالظبط.

هو فعلا مركز خدمة مش التوكيل
و كنت عايز اوضح حاجة معلش نسيت اقولها الطرمبة الجديدة اول ما اتركبت و انا كنت ساعتها لسي مفولها كان المؤشر بيجيب لحد الاخر و فجأة حصل كدة لوحدها يعني مش من اول ما ركبتها و هي بتقري غلط
و تغيير الموتور بتاع الطرمبة انا فكرت فية بس لقيت ناس كتير علي المنتدي ركبت مواتير طرمبة و كان معظمها صيني و مكملتشي معاهم شهر اللي عرفتة ان الموتور الاصلي بتاعها بوش الماني بس بردو ناس كتير هنا قالت انو مكتوب علية بوش و صيني بردة ف مكنتش عارف اجيب الموتور الاصلي بتاعها منين و اتاكد منين انو بوش اصلي و هل ليهم توكيل في مصر مضمون ؟
ف اشتريت الطرمبة جديدة و امري للة
و انا جربت حكاية اني افضي التانك خالص خاليت المؤشر خلاص سنة و يجي علي الاحمر بس مكنتش لسي نورت الصراحة و شوفت ان اللي باقي فيها يمشني ٥٠ كيلو دخلت فولت خدت ٣٩ لتر و خلاص و انا استغربت انها خدت ٣٩ لتر بس و المؤشر رجع علي العلامة الي قبل الاخيرة و بردو التفويلة دي تمشيني ٣٧٠ كيلو

[hamaka]

متابع

[Mahmoudelgen]

اخر التطورات سبت العربية تخلص البنزين اللي فيها تاني خالص لحد اما اللمبة نورتو فضلت ماشي و اللمبة منورة شوية برضة و دخلت افول و خدت ٤٥ ليتر و خلاص مش راضية تاخد حاجة تاني اشوف المؤشر الاقعية بردة علي العلامة اللي قبل الاخيرة انا عايز اعرف دلوقتي العيب منين من العوامة طب ما الاتنين بيدو نفس القراية مفيش اختلاف و لا في حاجة سدة التنك مبتخليهوش يملي لحد الاخر ؟

[amrelsaqqa]

حاجة وقعت جوة التنك
او انت خدت مطب جامد طبقلك التنك من تحت وبقى حجمه اقل ، طالما الموضوع وصل ان التفويلة نفسها بقى عدد لتراتها اقل ، فمش هتخرج عن الحاجتين دول ان شاء الله

[MuhamedNabil]

حاجة وقعت جوة التنك
او انت خدت مطب جامد طبقلك التنك من تحت وبقى حجمه اقل ، طالما الموضوع وصل ان التفويلة نفسها بقى عدد لتراتها اقل ، فمش هتخرج عن الحاجتين دول ان شاء الله

^^ 1+
لازم تبص على التنك من برة و من جوة يتنضف.
و بالنسبة لعداد الكيلوات ده بيتحسب من متوسط المشى بتاعك و البنزين الفى التنك يعنى لو بتمشى سرعات قليلة جوة البلد حيديك قراية قليلة و لو على طرق سريعة حيدى كيلوات اكتر على نفس كمية البنزين.

[Mahmoudelgen]

حاجة وقعت جوة التنك
او انت خدت مطب جامد طبقلك التنك من تحت وبقى حجمه اقل ، طالما الموضوع وصل ان التفويلة نفسها بقى عدد لتراتها اقل ، فمش هتخرج عن الحاجتين دول ان شاء الله

^^ 1+
لازم تبص على التنك من برة و من جوة يتنضف.
و بالنسبة لعداد الكيلوات ده بيتحسب من متوسط المشى بتاعك و البنزين الفى التنك يعنى لو بتمشى سرعات قليلة جوة البلد حيديك قراية قليلة و لو على طرق سريعة حيدى كيلوات اكتر على نفس كمية البنزين.

طب هو لو مش ظاهر اي علامات خبط او اي حاجة تدل علي انه اتخبط بيتنضف ازاي ؟
و شكرا علي الرد و المساعدة

[Ahmed Amin]

يا هتفكه وتنزله من تحت وانا مرشحش الطريقة دي ليك.
الحل التاني إنك تفك الطرمبة وتشيلها برة التانك وتمد خرطوم وتفضي البنزين في جراكن او بازازة فاضية تقسمها نصين وتحط النص اللي فوق عال جركن والتاني تعبي بيه, ودي الطريقة اللي نضفت بيها التانك بتاعي و تكون في جراج طبعا ومكان مقفول وامان.
وهتنزل أيديك فيه لما تخلص البنزين منه وتشوف لو فيه حاجة جواه ولا لأ.

الطريقة الأولي هتبقي أوضح ليك تشوف التانك لو واخد خبطة ولا لأ من برة.
بس اللي بيحصل عندك معناه ان العوانة مش بتترفع للأخر, ومتهيألي حتي لو التانك واخد خبطة من تحت العوامة هتترفع لحد فوق عادي بس التانك هياخد كمية بنزين أقل,,

عموماً أنت أعمل بالطريقة التانية أسهلك, عشان تشوف لو فيه حاحة في التانك وعشان تكشف علي الطرمبة بالمرة والريش اللي ثابته عليهم العوامة.
وتبقي تنزل تحت العربية وتبص عال تانك بعنيك شوفه لو واخد خبطة ولا لأ.

[Mahmoudelgen]

يا هتفكه وتنزله من تحت وانا مرشحش الطريقة دي ليك.
الحل التاني إنك تفك الطرمبة وتشيلها برة التانك وتمد خرطوم وتفضي البنزين في جراكن او بازازة فاضية تقسمها نصين وتحط النص اللي فوق عال جركن والتاني تعبي بيه, ودي الطريقة اللي نضفت بيها التانك بتاعي و تكون في جراج طبعا ومكان مقفول وامان.
وهتنزل أيديك فيه لما تخلص البنزين منه وتشوف لو فيه حاجة جواه ولا لأ.

الطريقة الأولي هتبقي أوضح ليك تشوف التانك لو واخد خبطة ولا لأ من برة.
بس اللي بيحصل عندك معناه ان العوانة مش بتترفع للأخر, ومتهيألي حتي لو التانك واخد خبطة من تحت العوامة هتترفع لحد فوق عادي بس التانك هياخد كمية بنزين أقل,,

عموماً أنت أعمل بالطريقة التانية أسهلك, عشان تشوف لو فيه حاحة في التانك وعشان تكشف علي الطرمبة بالمرة والريش اللي ثابته عليهم العوامة.
وتبقي تنزل تحت العربية وتبص عال تانك بعنيك شوفه لو واخد خبطة ولا لأ.

تمام انا بردة مش حابب فكرة اني انزلة من تحت و مع اني متاكد انة ماخدشي خبطة ولا حاجة و قعت فية بس وارد كل شئ
و انا كنت بقول العيب في العوامة الاول مع انها كانت شغالة زي الفل اول ما ركبت الطرمبة الجديدة و بتقري لحد الاخر مفيش اي مشاكل فجأة كدة لقيت المشكلة دي قولت طب اجرب العوامة القديمة بس دة القديمة و الجديدة الاتنين نفس القراية طب كدة يبقي العوامة بتقري صح و المشكلة في حاجة تانية
طب حضرتك اللي فكيت الطرمبة بنفسك و ياريت لو تشرحلي فكيتها ازاي بالظبط عشان المركز هو اللي كان بيفكها مش انا و هما معاهم اداة عشان يحلو بيها الطرمبة فحضرتك فكيتها بنفس الحاجة دي و لا في حاجة تانية و الفيش بتاعة الطرمبة سهلين في الفك ولا ليهم طريقة ؟

الف شكر يافندم و يارب الاقي حل للمشكلة دي

[MuhamedNabil]

نسيت ققولك انك ممكن تشيل فيشة الطلمبة و توصلها بالقديمة منغير متركبها و تفتح الكنتاكت و تحرك العمامة بايدك للاخر و شوف لو قراية المؤشر حتوصل معاك للاخر و لا لا .
لو وصلت للاخر يبقى اكيد وضع الطلمبة فى التانك او فى حاجة فى التانك مقصرة على القراية.