تقفيل البيجو 301 اسبانى و لا تركى

[m.basha]

السلام عليكم انا حجزت 301 امبارح و الحمد لله مقتنع بيها جدا حتى لو التقفيل بالمستوى ده تركى هى القصة زميل لى بالشغل اتفرج على العربية فى احد المعارض على بيجو بحوالى 130 الف كده و الراجل قاله ده تقفيل تركى فبيقولى النهارده قولتله اكيد مش 301 لانى متاكد انها تقفيل اسبانى يا ترى فى بيجو نازلة فى حدود 130 الف و تقفيل تركى و لا الراجل بتاع المعرض ده مهيس و نتاكد منين ان ال 301 تقفيل اسبانى مش تركى و شكرا

[Osama30]

على حد علمي بيجو 301 وستروين سي إليزيه تقفيل اسباني في مصنع PSA في مدينة Vigo

أول مرة أسمع بحكاية التركي بصراحة وأشك في صحة المعلومة ديه

[Ahmedshalaby]

التقفيل اسباني فعلا بمدينة فيجو مصنع بي اس ايه
و اللي بياكد الكلام دا ورق الافراج الجمركي اللي هتستلمه بيكون مكتوب فيه بلد المنشأ اسبانيا

[Hema_Basha]

الموضوع ده اتهري كلام فيه البيجو 301 تقفيل اسباني

[Haitham G]

تقفيل اسبانى زى ما الاعضاء الكرام قالوا طبعا سيادتك حتتاكد من ورق الأفراج الجمركى .

[Ahmedshalaby]

حد يعرف يا شباب هي فيها مثبت سرعة ولا لَا
و لو موجود مكانه فين؟؟

[Haitham G]

لأ مفيش مثبت سرعة بس تقريبا العربية مجهزة عشان لو عايز تركبه فى التوكيل و تكلفته تقريبا 600 جنيه

[amrelsaqqa]

اسبانى وتقدر تتأكد من الافراج الجمركي اواول حرف من رقم الشاسيه vin بتاع العربية

[damasry]

العربية اسبانى وكان معايا ورق الافراج الجمركى بتاعها وكان مكتوب فيه بوضوح انها اسبانى.

[Ahmed Amin]

زميل لى بالشغل اتفرج على العربية فى احد المعارض على بيجو بحوالى 130 الف كده و الراجل قاله ده تقفيل تركى فبيقولى

ربنا يرحمنا من فتي وهري الناس دي,,
البيجو 301 والستروين اليزية بيطلعو من أسبانيا,, ومصانعهم في أسبانيا بس,
ومالهمش أي مصنع في تركيا ولا تقفيل في تركيا,