ضرووووووورى من ملاك ال 301

[kamero]

اول امبارح وانا رايح الشغل كان ماشى جمبى شاب معاه 301 .. ف كنت مركز معاه اوى
لما قربت من العربيه كان صوتها عالى اوووووووووى بطريقه غريبه فا المهم يعنى قعدت اتكلم معاه على الطريق واستفسر عن العربيه
طبعا الكلام ده على كوبرى اكتوبر اتجاه رمسيس والطريق كان واقف وقعدنا ندردش كتير
المهم
الراجل بيشكر فى العربيه جدا بغض النظر عن حاجات مش عاجباه ومنهم صوت الموتور العالى والتكييف مفتوح
المهم انا محطتش الموضوع فى دماغى
جيت امبارح عند مول 7 ستارز بالتجمع صدفه قابلت بنت راكبها وفاتحه التكييف بالليل الساعه 8 كده
وبصراحه صوت الموتور كان بشع تحس انه بيصرخ اتوقع ده صوت المروحه
كان ملحوظ بطريقه بشعه لدرجه ان كل الناس اللى فى الشارع كانت بتركز مع العربيه
الموضوع ده مخوفنى جددا مش عارف ليه !! طبعا اتكسفت اوقف البنت اسالها على العربيه
بس بعدها فضلت مركز مع كل عربيه امشى جمبها اى نوع تكون فاتحه التكييف بحس ان صوتها عالى اه بس مش بالطريقه دى
دى الاسبرانزا الصينى بتاعه والدتى مش كده واليابانى اللى طول عمرى رااكبه مش كده
حد يفهمنى ليه صوتها كده

[mohamed hussei]

مشكلتها صوت المتور و مروحة ناس بيقولي في الاروبي كلة بتشتغل علي اعلي سرعة اول لما تشغل تكيف والله اعلم

[kamero]

بس البيجو 307 صوتها مكنش كده !!!

[mohamed hussei]

بس البيجو 307 صوتها مكنش كده !!!

مش عارف والله ياباشا اسأل صحاب العربية بئا انا بقول الي قريتة في منتدي هنا

[kamero]

شكرا لتعبك

[Haitham G]

لا يا فندم البيجو كله تقريبا كده ال 308 معايا صوت المروحة مع التكييف عالى وعلى فكرة مش بسمعها وانا داخل العربية وال 301 مع اخويا ونفس الكلام ده بيكون صوت المروحة لما بتشتغل مع التكييف وفعلا بيكون صوتها عالى بس للناس فى الشارع جوه العربية مش حتحس بيها .

[Ahmed Amin]

لا يا فندم البيجو كله تقريبا كده ال 308 معايا صوت المروحة مع التكييف عالى وعلى فكرة مش بسمعها وانا داخل العربية وال 301 مع اخويا ونفس الكلام ده بيكون صوت المروحة لما بتشتغل مع التكييف وفعلا بيكون صوتها عالى بس للناس فى الشارع جوه العربية مش حتحس بيها .

بالظبط البيجو كله كدا, عندي في ال 307 نفس الكلام.
والستروين زيها, كل الفرنساوي كدا في التكييف.
مع العلم أن المروحة بتشتغلي علي العالي شوية والواطي شوية وهو التكيف شغال يعني الصوت مش دايماً عالي,,

متهيألي الناس بتركز معا ال 301 بزيادة عشان عربية لسه جديدة وكله بيدور عال عيوب وبيبقي خايف,!

بس اللي شاف 307 أو 308 قبل كدا أو عايز يحكم بنفسه ويعرف الفرق يبقي يسمع صوت المروحة فيهم وهوا التكييف شغال, وهما عربيتين بقالهم كذا سنة في السوق
ويشوف صوتهم وهوا التكيف شغالو ومش شغال, وهيعرف أن دا طبيعي ومفهوش مشكلة.!

[Ahmed Amin]

بس البيجو 307 صوتها مكنش كده !!!

مين اللي قالك إن البيجو 307 صوتها مكنش كدا ؟!!

[fouady]

عن تجربة .. كل الاوربي صوته عالي من برة .. من جوه متسمعش حاجة .. عكس مثلا الكوري من بره صوته واطي ومن جوه تسمعه عالي .. معرفش إيه السبب

[m.basha]

يعنى يا جماعة صوتها ملحوظ اوى للدرجة دى و لا عادى مش قوى كده انا الحمد لله حجزت واستخرت انا عارف انه مش عيب يعنى بس الاستاذ صاحب الموضوع بيقول العربيتين اللى شافهم مشغلين التكيف كان صوتهم عالى اوى برجاء الافادة من الملاك العظماء

[Fo1Fo]

البيجو والستروين مروحه واحده ليها سرعتين السرعه التانيه مع التكييف لما بتشتغل السرعه التانيه بتحس ان صوت المروحه بقى زى الفريره (مش صوت ونه ولا صوت حاجه يتحك) هو صوت هواء بس مسموع . وأعتقد ده مش عيب

[Ahmed Amin]

البيجو والستروين مروحه واحده ليها سرعتين السرعه التانيه مع التكييف لما بتشتغل السرعه التانيه بتحس ان صوت المروحه بقى زى الفريره (مش صوت ونه ولا صوت حاجه يتحك) هو صوت هواء بس مسموع . وأعتقد ده مش عيب

دا الكلام المظبوط,
واللي متعجب من الصوت برضه وبيقول ليه كدا,
ممكن يبقي يشوف العربيات الأعلي منها زي 308 أو3008 أو C4 أو 307
ويشوف صوتها عامل أزاي قبل ما يقول هيا صوتها ليه كدا, أكنه عالي عن العادي أو عيب.!!

[medori]

المروحة فعلا بيبقى صوتها عالى جدا بس انا مش بسمعة خالص من جوة العربية، عادة انا لما بكون قافل القزاز و مشغل التكييف مش بسمع اى حاجة، ببدأ أسمع صوت الموتور فوق ال3500 قحة اللى هى تقريبا بتبقى على ال130 كم/س و بيبقى صوت ونة كدة لذيذة مش صوت مزعج لحد 160 تقريبا بيبدأ يعلى بأزعاج بقة و دة فى كل العربيات مش فى ال301 بس
لما سألت Autoservice قالولى ان كل البيجو كدة، المروحة بتشتغل على السرعة التانية بدرى، و هى فعلا بتشتغل و تفصل، بس للامانة الصوت بتاع المروحة عندى فى الميجان كان أقل من كدة بس صوت الموتور كان اعلى من ال301 فتقدر تقول هى حاجة بتشيل حاجة

[m.basha]

يعنى يا باشا هى المروحة مع التكييف بتفضل شغالة على الدرجة الثانية و لا ايه وهل هى صوتها مزعج اوى كدة وعالى قوى و انت برة العربية و لا عادى

[medori]

يعنى يا باشا هى المروحة مع التكييف بتفضل شغالة على الدرجة الثانية و لا ايه وهل هى صوتها مزعج اوى كدة وعالى قوى و انت برة العربية و لا عادى

بتشتغل و تفصل لفترات متقطعة، صوتها و انت قدام العربية بيبقى عالى و ملفت للنظر فعلا، بس من جوة مش بتسمعة، لو مش مشغل التكييف و فاتح الازاز دوشة الطريق بتغطى علية و مش بتسمعة برضة و زى ما قلت لو قافل الازاز عشان التكييف صعب جدا انك تسمعة