حد جرب توكيل أحمد عمرة القطامية

[Karim Salem]

السلام عليكم

الحمد لله ربنا أكرمنى و اشتلمت امبارح العربية هيا بيجو 308 SW
العربي عاملة بالظبط 8900 كيلو

و انا بكشف عليها المهندس اللى فى توكيل غمرة نصحنى انى اعمل صيانة ال10 الف بدرى شوية زيادة اطمئنان

فكنت بس بسأل اخوانا لو حد جرب توكيل بيجو اللى فى القطامية لانى جنب بيتى بما انى ساكن جنب كارفور المعادى
لانى المرة اللى فاتت توهت و فضلت الف ساعتين تقريبا لحد ما وصلت غمرة (اسكندرانى بأه)

[lth586]

العنوان فين لو سمحت

[Ahmed Amin]

هوا عند حديقة الفسطاط, والصيانات الخفيفة تغير زيت وبتاع عادي أعملها عنده,
بس منصحكش تعمل الحاجات التقيلة عنده,
وأنصحك بصلاح سالم أفضل منه في الصيانات الخفيفة بما أن عربيتك لسه مش عاملة كيلومتر عالي, ولحد ال 30 كيلو كدا إن شاء الله هتغير زيت مرتين بس مثلا,
بعد كدا هتغير تيل وفلاتر هوا وتكيف.

وغمرة لو كان طريقها أرخم, بس هيا أضمن والفنيين اللي هناك فاهمين ومنظمين عن عمارة,
عند عمارة هتلاقي هرجلة, انا عربيتي كانت هتتقلب عنده علي جمبها في الورشة في مرة,
ومرة تانية بعتو العربية تعمل زوايا من غير ما يقولو لي ورجعت لي الدركسيون ملووح ومش مظبوط, وقلت له أيه دا, قالي هيا كانت كدا.!! ومكنوش عايزين يبعتوها تاني يظبطوها,
وفي واحد تاني هنا غير عندهم سير كاتينة وطلعت مقدمة أو مأخرة سينة في التوقيت وكانت العربية بتسقف طول الوقت وهيا ماشية,,

والغريب اللي لاحظته أنو بيغير زيت أغلي من التوكيل في غمرة نفسه,
لما سألت بشمهندس ماهر قالي في مرة أنا مش بحط لك ضريبة زي التوكيل قلت والله دا كويس, جيت أبص في الفاتورة لاقيته مديني الفلتر أغلي من التوكيل 30 جنيه.!
ومكنش الفلتر بتاعها كمان, كان بتاع ال 406 أو 308 لأنه أرخص, وهما كلهم بيركبو علي بعض, بس انا زعلت أنو ضحك عليا عشان معرفش وحط لي فلتر مش بتاعي,

[Karim Salem]

تسلم يا باشا على الرد
انا ان شاء الله مسافر اسكندرية الجمعة و راجع السبت
ان شاءالله ارجع احجز معاد فى صلاح سالم و اعنل صيانة ال10 خناك

و تسلم الايادى على النصايح الغالية :)