استطلاع رأي لموضوع عداد الحرارة في ٣٠١

[Ahmedshalaby]

صباح الخير يا رجالة بيجو
امبارح قريت موضوع الحرارة دا و قلقت بصراحة و عايز اعرف رأي الناس ايه في الموضوع دا
١- مش فارقة و عربيات كتير اعلى منها و فيها نفس الموضوع
٢- سوء تقدير من الشركة لتواجد السيارة في بلاد حارة زي عندنا و ممكن ينتج عنه مشاكل كبيرة
٣- اتوكل على الله و لمبة الحرارة كفاية
٤-اللي يجيبها لازم يعمل تعديل بسيط و يركب الثيرمو جيج

ياريت نسمع اراء الكل سواء حد معاه العربية او بيفكر يجيبها او حتى قاري في الموضوع و فاهم و يفهمنا
الف شكر يا شباب على مساعدتكم مقدما

[rotanamasoud]

انا معايا ستروينzx وكانت بلمبه واشتريت عدادات ار بى ام وحراره(بتاعتها بس الموديل الاسبور)وركبتهم الفرق تحس زى الاعمى واللى شايف كل حاجه

[Mostafa.Mahran]

بصراحة العداد اهم و احسن علشان يتابع التغيرات اول بأول

يعنى لو المؤشر الطبيعى بتاعه قبل النص و وصل للنص يبقى فى حاجة غلط مع ان العربية متعتبرش سخنت و مفيش خطورة بس فى حاجة اكيد غلط انما اللمبة مش هتبين الكلام ده

[Haitham G]

انا رأيى عادى العربيات الحديثة مش بتسخن ودرجة الحرارة بتكون ثابتة على 90 بس طبعا لو كان موجود كان حيكون افضل

[Mecha]

Euro stupid design
Japa are the best

[medori]

و الله الموضوع كان مقلقنى فى الأول برضة بس هو عشان أحنا متعودين على العداد يكون قدامنا، لو فكرت فيها شوية هتلاقى مش هتفرق كتير يكون قدامك لمبة تحذير و لا عداد فى الحالتين لو العربية سخنت مش هتقدر تعمل حاجة غير انك تقف بغض النظر عن سخنت لدرجة كام

[Ahmedshalaby]

و الله الموضوع كان مقلقنى فى الأول برضة بس هو عشان أحنا متعودين على العداد يكون قدامنا، لو فكرت فيها شوية هتلاقى مش هتفرق كتير يكون قدامك لمبة تحذير و لا عداد فى الحالتين لو العربية سخنت مش هتقدر تعمل حاجة غير انك تقف بغض النظر عن سخنت لدرجة كام

كلامك مظبوط لكن إحنا مخاوفنا ان يحصل شيء يخلي السخونية ما تشغلش اللمبة غير لو فيه ترمومتر ليظهر الحرارة مباشرة

[Haitham G]

بس هو غير ان فيه لمبة تحذيرية للحرارة العربية بتكتب stop فاعتقد مفيش قلق وبعدين يا جماعة ايه اللى يخلى العربية تسخن ولا ايه

[Ahmedshalaby]

سؤال يا شباب للناس اللي معاها العربية -- انا عارف في بعض موديلات بي ام دبليو اللي مافيهاش مؤشر حرارة بيكون من الممكن معرفة درجة حرارة الموتور من كمبيوتر العربية بطريقة معينة وبيطلع درجة الحرارة رقمية
فهل فيه حاجة زي كدا موجودة في كتالوج العربية ٣٠١ ام لا ???

[Haitham G]

مش متاكد بس لا اعتقد فى وجود حاجة زى كده

[monamize4]

انا من الناس اللى طول ما انا سايق بتبقى عينى ع العدادات كلها
و مستحملش انى اسوق عربية مفهاش عداد حرارة

يمكن تكون دى مشكلة فيا انا لان فى ناس كتييييييير راكبين عربيات من غير مؤشر حرارة
و مينفعش نقول عليه (عيب فني خطير و ينتج عنه مشاكل جسيمة)

[monamize4]

سؤال يا شباب للناس اللي معاها العربية -- انا عارف في بعض موديلات بي ام دبليو اللي مافيهاش مؤشر حرارة بيكون من الممكن معرفة درجة حرارة الموتور من كمبيوتر العربية بطريقة معينة وبيطلع درجة الحرارة رقمية
فهل فيه حاجة زي كدا موجودة في كتالوج العربية ٣٠١ ام لا ???

فعلا ,, ياريت حد يجرب و يقولنا

http://www.nilemotors.net/Nile/3875091049-post5.html

[Honda_lover]

بالنسبة للفرنساوي ممكن اكتشاف السخونة الزائدة من غير مؤشر حرارة عن طريق ضعف العزم او نقلات الفتيس مش مظبوطة وبعدين كل الفرنساوي الجديد بيبطل لوحده في حالة وصول الحرارة لدرجة الخطر بعكس زمان كان في لمبة stop بتنور مع الاعطال او الحرارة الزائدة

[Ahmedshalaby]

مش متاكد بس لا اعتقد فى وجود حاجة زى كده

الف شكر استاذ هيثم على استجابتك و ردودك السريعة
عندي استفسار عن تصفيح السيارة من الاسفل هل الهاي لاين بها تصفيح كامل اسفل ام تصفيح تحت الموتور فقط
لاني كنت باعاني في ٣٠٧ من عدم وجود تصفيح مع ارتفاعها عن الارض كانت بتحك في كل المطبات

[Haitham G]

هو انا لسه مشفتهاش بنفسى من تحت بس اللى اعرفه انها مصفحة بالكامل بس حتأكد و رد على حضرتك