هو ليه الناس بتقول ان بيجو 504 موديل 1979 احسن موديل في ال504 ؟

[ahmed_mamdouh]

صباح الفل يا احلى شباب
بسمع كتير ناس بتقول ان بيجو 504 موديل 1979 احسن موديل في ال504
هل ده حقيقي وايه الفرق بين موديل 1979 والموديلات التانية من 504 ؟

[khaled_sabry]

صباح الفل يا احلى شباب
بسمع كتير ناس بتقول ان بيجو 504 موديل 1979 احسن موديل في ال504
هل ده حقيقي وايه الفرق بين موديل 1979 والموديلات التانية من 504 ؟

اضيف علي كلامك انها تكون gl
بس فعلا مش لاقى تفسير لكده

[eng.m7md.ali]

اه انا واحد غير عربيته ال 81 وجاب تقريبا 79 او 78 بيقولي انها احسن في الثبات والسحب مع ان ال2 نفس العفشة والموتور وكل حاجة .. سألته عن السبب قالي معرفش

الموضوع ده مشهور جداً عايزين حد يكون خبرة يقول ايه السبب

[Haitham G]

اه انا واحد غير عربيته ال 81 وجاب تقريبا 79 او 78 بيقولي انها احسن في الثبات والسحب مع ان ال2 نفس العفشة والموتور وكل حاجة .. سألته عن السبب قالي معرفش

الموضوع ده مشهور جداً عايزين حد يكون خبرة يقول ايه السبب

العفشة مختلفة بين موديل ال gl اللى اخره 1979 و gr و دى من اول 1980 عفشة ال gl كبالن ورا العربية كان وزنها اتقل و ثابتة عن ال gr لحد هنا تمام
نييجى بقى لنقطة السحب ال gr كانت اقوى من ال gl وده لان وزنها اخف
اتمنى انى اكون وضحت الفرق

[ahmed_mamdouh]

طيب ماهو موديل 77 برضه كبالن ...بس السؤال الاصلي ليه موديل 79 احسن موديل ؟

[amrelsaqqa]

متابع جدا
كان عندنا 504 وبعناها بس عمرى ما عرفت السبب

بس المعلومة صح ( أن الناس بتفضل الـ 79 )

هسأل ناس اعرفهم مدمنين 504 ، اكيد هلاقى الاجابة ان شاء الله وارد عليكم

[Haitham G]

طيب ماهو موديل 77 برضه كبالن ...بس السؤال الاصلي ليه موديل 79 احسن موديل ؟

لا يا كبير انا كنت بوضح حاجة فى كلام الاستاذ eng f3lix

بس بالنسبة لسبب ان موديل 79 احسن موديل فكنت بسمعه زيكم بالظبط ومعرفش ايه السبب عموما العربية اللى كانت معانا كانت موديل 82
و طبعا انا متابع

[khaled_sabry]

العفشة مختلفة بين موديل ال gl اللى اخره 1979 و gr و دى من اول 1980 عفشة ال gl كبالن ورا العربية كان وزنها اتقل و ثابتة عن ال gr لحد هنا تمام
نييجى بقى لنقطة السحب ال gr كانت اقوى من ال gl وده لان وزنها اخف
اتمنى انى اكون وضحت الفرق

حضرتك متأكد ان gl اخرها 1979
و gr من اول 1980
اصلى يتهيألى ان gr و gl موديلات فى 504 مالهاش علاقه بسنه قد مالها علاقه بكماليات و اختلافات بسيطه فى التجهيزات زى (الهاى لاين و البيزك) دلوقتى
يعنى من الفروقات كراسى gl مختلفه او اكثر راحه عن كراسى gr - فمش معقول بعد ماكانو بيعملو كراسى مريحه فى السبعينات يرجعو يعملو كراسى اقل راحه فى الثمانينات

[Haitham G]

حضرتك متأكد ان gl اخرها 1979
و gr من اول 1980
اصلى يتهيألى ان gr و gl موديلات فى 504 مالهاش علاقه بسنه قد مالها علاقه بكماليات و اختلافات بسيطه فى التجهيزات زى (الهاى لاين و البيزك) دلوقتى
يعنى من الفروقات كراسى gl مختلفه او اكثر راحه عن كراسى gr - فمش معقول بعد ماكانو بيعملو كراسى مريحه فى السبعينات يرجعو يعملو كراسى اقل راحه فى الثمانينات

انا متاكد من كلامى ال 504 اول ما نزلت كان 1967 و دى كان اسمها L زى ال GR بس 1800 سى سى وبعد كده تقريبا فى اول السبعينيات نزلت ال GL لحد 1979 وكان الختلاف اللى متاكد منه فى العفشة اللى ورا كبالن ووزن العربية اتقل بعد كده كانت ال GR وكانت بتشارك ال 505 اجزاء من الموتور لأ، كانت احدث موديل من ال 504 وبعدها نزلت ال 505
بالنسبة لموضوع الكراسى معتقدش خالص ... كراسى ال GR كانت مريحة وشكلها احسن من كراسى GL كمان

[Akram.Gamal]

الفكره كلها فى ان البيجو 504 موديل 79
كانت ختام لتحديث سنين فى العربيه
بمعنى ان سنة 79 كانت الموديل ال gl ده موجود بكاربرتير كهربا و نفس الموديل بالكربرتير مياه
و كان ليه فتحتين كل فتحه قطرها تقريبا 5 سم و ده حشان يدخل بنزين زياده و العين التانيه دى بتفتح و تنزل بنزبين بعد ال 100 كم
عشان كده مشهور عنها الصوت بيوطى بعد 100 كم و برضو عندها قدره توصل ل 180 كم بسهوله جدا لو الطريق يسمح
جت بقا ال gr بعد كده و غيره الكاربرتير خالص عملوه سوليكس يعنى فتحه واحده حشان توفر بنزين
بدل الكبالن ال ورا خلوها كورونا عاديه على اكسات و هى بتجرى برضو بس مريحه زي ال gl

[mirra]

توضيح بسيط....ال gr حلت محل ال l بدأ من 1980 و ال sr حلت محل ال gl ايضا من اول 1980 الى 1985.

[Akram.Gamal]

ده بالنسبه للاساسيات فى
فى برضو اختﻻفات تانيه زي مكان علبة الفيوزات و العدادات و الكراسى
اها و فيه اختﻻف مهم اوى بين gl و gr ان السلندر بتاع ال gl 79 اكبر سلندر فى موديﻻت 504
و طبعا بيطلع قدره حصانيه اعلى و عزم اكبر لصالح gl

ولو عايز تعرف بقا من الاخر السبب
ان اخر اصدار اوروبى للعربيه كان سنة 83
ال بعد كده بقا كانت انتاج ارجنتين و جنوب افريقيا و سريﻻنكا و غيرهم (قارن انت بقا )

[Akram.Gamal]

توضيح بسيط....ال gr حلت محل ال l بدأ من 1980 و ال sr حلت محل ال gl ايضا من اول 1980 الى 1985.

كﻻمك صحيح و عشان كده دايما بنقول على ال gr ،، ا l يعنى انا لما بروح اشترى قطع غيار و اقوله لموديل gr
يقولى l وﻻ gl
لكن sr دى مش موجوده عندنا غير فى الستيشن ال7 راكب

[khaled_sabry]

ده بالنسبه للاساسيات فى
فى برضو اختﻻفات تانيه زي مكان علبة الفيوزات و العدادات و الكراسى
اها و فيه اختﻻف مهم اوى بين gl و gr ان السلندر بتاع ال gl 79 اكبر سلندر فى موديﻻت 504
و طبعا بيطلع قدره حصانيه اعلى و عزم اكبر لصالح gl

ولو عايز تعرف بقا من الاخر السبب
ان اخر اصدار اوروبى للعربيه كان سنة 83
ال بعد كده بقا كانت انتاج ارجنتين و جنوب افريقيا و سريﻻنكا و غيرهم (قارن انت بقا )

هو يتهيألى الاختلاف فى وش السلندر بس بين مواتير gl & Gr
و اللى اعرفه ممكن تركب عادى وش السلندلر بتاع دى مكان دى و الاختلاف فى وش السلندر فى ان ال gl بيركب عليه كربراتير ثينتكس ابو قاعده 4 مسامير بينما gr بيكبر عليه كربراير سوليكس ابو مسماير بس و بالتالى فيه فرق فى الوش السلندر و الفاكيم بتاعهم
ولو كان فيه اختلاف فى السلنر ماكنشى يبقى الاتنين 2000 سى سى

[Haitham G]

ده حقيقى مفيش اختلاف فى عدد السلندر بين العربيتين