إستفسار من رجاله البيجو504

[Ahmed sahab]

عايز اشتري بيجو 504 فكنت عايز اعرف متوسط السعر وموديل السيارة ؟
الحاجه التانية لو هشتري بيجو تعبان كصاج والموتور علي حسب الحالة واوقف السيارة واجددها واشدها من الي ... هيكون احسن من انى اشتري سيارة مشدوده ؟

[Akram.Gamal]

متوسط السعر فى رينج 25 الف
اعتقد الفيصل فى الحاله دى السعر ال انت هتشترى بيه
يعنى لو هتشترى حاله سيئه ب 22 مثلا و تشدها ب 8 انت الكسبان (8 الاف دى يعنى ترجع العربيه زيرو )
لكن لو هتشترى عربيه مشدوده هتلاقيه بيطلب فوق 30 الف اكيد
و احسن مكان تشد فيه البيجو بلقاس لكن خلى عينك فى وسط راسك

[ahmed_mashtoly]

انا من رأى هات واحدة مشدوده وريح دماغك
العربيه ده شدتها غاليه جدا
انا شديت عربيتى فى 2009 ب 12 الف كان فيها بارومة وشغل كتير
وجيت دلوقتى بعتها

[mohammedabdallh]

اشترى مشدود افضل وان كان اغلى
هتريح نفسك من وش الصنيعيه وفتيهم
ووقتك مش ببلاش

[Ahmed sahab]

أنا بالنسبه للصنايعيه مفيش مشكله خالص متوفرين جدا خصوصا السمكري بس مش كتير موضوع 22 الف علي بيجو 504 على موديل ممكن يكون 70مثلا
اشكركم على ردودكم واهتمامكم

[Akram.Gamal]

أنا بالنسبه للصنايعيه مفيش مشكله خالص متوفرين جدا خصوصا السمكري بس مش كتير موضوع 22 الف علي بيجو 504 على موديل ممكن يكون 70مثلا
اشكركم على ردودكم واهتمامكم

ماهي ٢٢ دى تبقا ٧٩ جى ال
و نصيحه منى
متركبش بيجو حاله سيئه هتندم
ولو ركبت عربيه ع الصح بقا زيك زس الجديد و عن تجربه

[Ahmed sahab]

انا عايز سيارة تعبانه علشان اشدها بنفسي اعمرها واسمكرها واشد الفرش والصوت والذى منه اصل موديلها كده كده قديم ..... اشكركم على الاهتمام والردود

[Haitham G]

ممكن تلاقى عربيات ب 15000 و 17000 بس اكيد دى عربيات ضايعة يعنى عشان شكلها يرجع بيجو حتصرف معاك كتير

[Ahmed sahab]

اشكرك عل اهتمامك وردودك وتعبك معايا بس معلش يوم ماتصرف هتصرف كام وانا ان شاء الله ناوي اشدها من الابرة الى الصاروخ دى حاجه الحاجه التانيه بعد عمر طويل لما ابيعها هلاقي اللى صرفته فى قيمتها ولا هخسر انا عارف ان الخسارة اكيد بس اقصد البيع يكون معقول

[mfs3570]

انا من رايك ان تشتري عربيه وتشدها احسن .... هتبقا عارف كل مسمار فيها انما اللي بيشد ويبيع بيبقا عاكك العربيه وبتبقا منظر بس وغاليه علي الفاضي

[Ahmed sahab]

طب بالنسبة للمصاريف فى حدود كام ؟ انا ناوى اصرف بجد حتي المكيف ان شاء الله

[Akram.Gamal]

طب بالنسبة للمصاريف فى حدود كام ؟ انا ناوى اصرف بجد حتي المكيف ان شاء الله

السمكره و البويه انهارده مش اقل من ٤
التكييف هيعمل معاك بتركيبه ٢٠٠٠ جنيه
الاهم من ده تشترى موتور حالته كويسه لان لو هتعمر هتصرف جامد اوى
الفرش عادى ممكن تعمله كله بالسقف عند حد نظيف مش هياخد اكتر من الف و نص بالمصنعيه
العفشه برضو على حسب حالتها لكن مش هتصرف اقل من الف و نص

[Ahmed sahab]

لا طبعا انا ناوى اعمر لو الموتور تعبان حتي لو خربان خالص هعمر باردو لان الموتور الاستيراد بطيخه مقفوله فالعمرة احسن ومضمونه بس ممكن الاقي بيجو 79 تعبان يعني 15 - 17 مثلا وهل يكفي 15 الف مصاريف عليه بحيث اصرف عليه من الابرة للصاروخ وشكرا على اهتمامكم وردودكم

[Akram.Gamal]

لا طبعا انا ناوى اعمر لو الموتور تعبان حتي لو خربان خالص هعمر باردو لان الموتور الاستيراد بطيخه مقفوله فالعمرة احسن ومضمونه بس ممكن الاقي بيجو 79 تعبان يعني 15 - 17 مثلا وهل يكفي 15 الف مصاريف عليه بحيث اصرف عليه من الابرة للصاروخ وشكرا على اهتمامكم وردودكم

انت لو لاقيت عربيه اساساتها حلوه بالسعر ده اعتقد ١٥ هيكفى

[Haitham G]

لا طبعا انا ناوى اعمر لو الموتور تعبان حتي لو خربان خالص هعمر باردو لان الموتور الاستيراد بطيخه مقفوله فالعمرة احسن ومضمونه بس ممكن الاقي بيجو 79 تعبان يعني 15 - 17 مثلا وهل يكفي 15 الف مصاريف عليه بحيث اصرف عليه من الابرة للصاروخ وشكرا على اهتمامكم وردودكم

اعتقد صعب تلاقى موديل 79 بالسعر ده ممكن حاجات اقدم من كده و بالنسبة لمبلغ 15000 كويس بس لو العربية تعبانة قوى ممكن تصرف اكتر من كده