استفسار عن 307 sw

[semsem85]

عاوز اشتري 307 sw ممكن حد يفيدني عربية كيسة اسعار قطع غيارها استهلاكها في البنزين التصليح سهل اذا سمحتوا ولو عربية موديل 2007 ب 80 الف كده كويس

[semsem85]

ممكن اهل الخبرة ترد

[Pradiator]

متابع
انا سمعت ان فتيس الاوتوماتيك فيه مشاكل ياريت اهل الخبرة يقولولنا ويا ترى العربية لو محملة 7 راكب اخبارها ايه فى المطبات بتاعتنا
الصراحة محتار بينها هى و الجراند تيريوس لانى محتاج 7 راكب
شكرا

[karimmohamed80]

هو سعر مناسب انا لسه جايب واحده 2007 هاى لاين ب 80000 و الفيتيس عادى مفيهوش حاجه انت بس غير زيت فى معاده.
هى واطيه بس مش اوى يعنى
قطع غيارها غاليه نسبيا
استهلاك بنزين مش عالى
التصليح انا بعمل الصيانة فى مركز فى الحرفيين ومركز كويس اوى يعنى
البيجو طبعا احسن من التيريوس و من وجهه نظرى لا تقارن بيها اصلا

[Ahmed Amin]

طبعاً السعر كويس بس أحنا معرفناش عاملة كام ألف كيلو, وحالة الجسم الخارجي أيه ومن جوة عاملة أيه,
العربية عموماً مريحة جدا كسواقة وركوبة وفي الأمان الفرامل هتعجبك جداً فيها بس الكلام دا لو العربية فابريكة ومش ملعوب فيها أو متركب لها قطع غيار غير أصلية,
وأهم حاجة عشان متكرهش العربية, يكون الفتيس كويس أو معمولة له صيانته ومش ملعوب فيه عند حد برة مش بيفهم فيه,
العربية تقريباً تحفة في كل حاجة بس عيبها الفتيس ودا اللي مموتها,, مش كل الناس عندها مشاكل معاه الأغلبية عندهم,, وعلاجة أنو يتغير له زيت أول بأول ويتعمل له الصيانة الازمة.
لو العربية حالتها كويس والفتيس كويس أو أنت تعرف صاحبها وتضمنه, خدها جربها بنفسك وأكشف عليها في التوكيل ويفضل يكون الكشف في غمرة عشان الباقي بيكروت عن تجربة وهتخسر تمن الكشف عال فاضي.

قطع الغيار أسعاهر معقولة جداً, هديك الرينج التقريبي.
عندك مثلاً فلتر الزيت ب 50 ج
سير المجموعة ب 100 ج
بوجهيات بوش ب 110 جنيه
فانوس أمامي أصلي ب 980 والديبو التيواني ب 460
فلتر بنزين ب 75 ج

الموضوع دا من قسم ستروين, البيجو ال 307 والستروين C4 الأتنين نفس العربية ميكانيكا وعفشة واحد بنفس القطع ونفس البارت نمبر,,
ممكن تاخد فكرة أكتر عن الأسعار من الموضوعين دول.

http://www.nilemotors.net/Nile/373359-c4.html

http://www.nilemotors.net/Nile/116818-c4.html

وأي أستفسار أحنا موجودين.