سؤال هام جدا بخصوص بيجو301 وهو الفيصل في قرار الشراء ؟؟؟

[هاني الصيدلاني]

السيارة كله تمام
لكن بقي سؤال لا يسئله الا المصريين -------
وهو مدى ملائمة بيجو 301 لأرض الكنانة حيث الحفر والمطبات والبالوعات والرخامة
ما مدى ارتفاعها عن الارض ؟
فهل من مجيب ؟ لكل مصري للشراء يريد
اجابة تشفي العليل وتذهب الغليل من اصحاب الخبرة والتحليل

[mo7a_mo7a]

هههههه
احييك علي الاسلوب الجميل
وفي انتظار الاجابة

[Ahmed_selmy]

ههههههههههههههههه..............اسلوبك رائع
وفى انتظار الاجابه.....هل من مجيب؟؟؟؟

[FAR!D]

بيتهيئلي السؤال ده لسه بدري عليه اوي لانها اول سنه ليها السنادي!!! فكل الكلام حيكون انطباعات او تخمينات لكن تجارب حيبقى اي كلام

[amrelsaqqa]

لا داعى للقلق
العربية متصممة لتناسب كافة الاجواء والظروف القاسية ومش متصممة اساسا لاوروبا، يعنى معمول حساب التضاريس الصعبة والدول المتخلفة زينا :D
والعفشة Rough Road Package هتعجبك بجد

بالنسبة للارتفاع او الخلوص بينها وبين الارض هى عالية جدا (اقل ارتفاع عن الارض 16.6 سم ) وفي نفس الوقت هى ثابتة جدا الحمد لله على الطريق (باخد ملفات حادة على 70 ، وانا اصلا مش من النوع اللى بيحب يقطم في الملفات ، يعنى اخرى في الملفات دى اصلا في عربية عادية او قديمة بيبقى 40 ( طريق صغير ومفرد وزراعى ) ، يعنى لو حد خد نفس الملفات دى على 130 العربية مش هتقول لا بمعنى انى وانا على 70 مكنتش حاسس بالطرد المركزي نهائى )

والعربية ما حكتش في اي مطب معايا حتى المطبين اللى كلتهم على سرعة عالية غصب عنى ما حكتش فيهم ، بس لسة ما جربتش والعربية بكامل حمولتها للامانة ..

وبعد ما استلمت من ابو رواش جبت 130 ع الصحراوى وانا مش واخد بالى اصلا ومحستش بالسرعة وحسيت بسهولة المناورة على السرعة دى ..

[fady saher]

يا باشا العربية نفس ارتفاع الرينو لوجان التى اثبتت مع الوقت انها عفشة خدمة شاقة و لا اعتقد ان البيجو التفيل اسباني سوف يقل عن الوجان التقفيل المغربي