حد استلم من دفعة حجز شهر يوليو هاىﻻين

[piroo]

يا جماعة حد استلم من دفعة حجز بداية شهر يوليو عشان كلمت توكيل المعادى وقلوا لسة المركبة ماجتدش دا الحال فى كل فروع التوكيل بيجوا عايز اعرف ارجوكم

[piroo]

يا جماعة مافيش حد يرد عاليا ياجماعة انا بطمن منكم حد استلم وﻻ ﻻ

[Ahmed Amin]

بص أحنا معانا amrelsaqqa هنا حجز وكان المفروض يستلم بعد 3 شهور,, بعدين كلموة وأستلم بعد 15 يوم بس.
ولا دفع أوفر برايس,, ولا أستني 3 شهور,,

دي مشاركته والمكان اللي حجز وأشتري منه ممكن تكلمهم وتحجز عندهم, لو هيتأخرو عندك في المعادي.

حجزت في التوكيل ياباشا اللى في المهندسين ( 4 شارع وادى النيل )
اللون هيجيبوهولى ان شاء الله بس عامة بتختار رغبتين وانا عن نفسى اخترت الشامبين ثم الفضى
وبتدفع 10 الاف عشان تحجز
بالنسبة لمدة الانتظار هم بيقولوا 3 شهور عشان يبقوا في السليم بس غالبا هستلم قبل كدة ان شاء الله

http://www.nilemotors.net/Nile/377802-a-2.html#post3875180016

باركولى يا رجالة انا استلمت والحمد لله في وقت قياسى جدا الحمد لله ( 15 يوم حجز فقط مع التوكيل )

هعمل موضوع مفصل ان شاء الله
بس مبدأيا كدة

بسم الله ما شاء الله تبارك الله
العربية فاقت توقعاتى
فعلا الجديد جديد ، والاهم البيجو بيجو :)

الحمد لله

http://www.nilemotors.net/Nile/377484-301-4.html#post3875185353

[piroo]

بجد بشكرك على اهتمامك شكراااااااااااا

[Ahmed Amin]

الشكر لله, وتستلم علي خير إن شاء الله.

[akrambadr]

يا جماعه انا حاجز من شهر 7 الي فات وكل ماتصل بالتوكيل الي في صلاح سالم يقلي انهم شغالين لسه فتسليم دفعه شهر 8 لغايه دلوقتي ومش عاوز يقولي دفع 9 هيبتدوا يسالمها امتي حد حصل معاه كده ؟
بيقولي لما نخلص دفعه 8

[piroo]

انا نفس الكلام فى توكيل المعادى وبردة كل ما اكلمة يقولى نفس الكلام دة
انا مش عارف بس تقريبا طالما نفس الكلام فى التوكلين يبقا تقريبا كدة الموضوع
حقيقي ...... بس لو بس فى كلام عن مركبة هاتخش 3/10 يارب تكون من خذنا

[Mahmoud Mok]

عايز بس اوضح ليكم نقطه ماحدش يقلق لان كده كده هتلاقى كل الكلام واحد فى كل المعارض سواء المهندسين او صلاح سالم او المعادى لان السيارات بتيجى لكل المعارض فى نفس الوقت
فلو حصل تأخير اكيد هيكون بسبب تأخر المركب وده خارج عن ارادة المعرض . وده مش مماطله منهم
والف مبروك مقدماً :)

[sayco100]

طب هى موجودة برا ب اوفر برايس فرق كبير
اصلى فاسكندرية وكانت ب139الف واقفة ومعرفش الصراحة زايدة كام عن الاصلى

[mahmed0100]

انا حجزت 301 من اسبوعين و مش عارف حيبقي مده الانتظار معايا قد ايه .. من صلاح سالم .. بس المفروض نستلم علي سعر 136 الف .. اما قصه الاوفر برايس فوصلت 141 في سمير ريان و 142 في معرض في شارع الهرم .. ده بالنسبه للهاي لاين
و احنا مع بعض لحد ما نشوف :)

[mado-301]

انا حاجز من 12/8 هاي لاين وماحدش قالي انت فين....واتصلت من حوالي اسبوع قالي علشان اكون صادق معاك انا مش ح اقدر احدد ميعاد وبعدين اخلفه .. وقالي ان موضوع فض الاعتصام والقلق اللي حصل بعده أخر تسليم دفعه والتأخير دا اخر وصول الدفعات اللي بعديها علشان العربيات كانت محجوزة في المينا ومافيش تسليم فبالتالي مافيش اماكن علشان دفعات جديده(كل الكلام دا على لسان الوكيل).. بس في الاخر قالي انه غالبا حيكون في دفعتين ورا بعض الفرق بينهم ايام وربنا يسهل...

كلام الراجل معايا + بعض التعليقات هنا + سؤالي في كذا مكان .. فهمت منها ان الدفعه ما بتكونش محدده بعدد معين او موديل معين... بمعنى ان الكلام في اكتر من موضوع بيقول ان الدفعه الاخيرة كانت معظمها مانيوال وبيزلاين اوتوماتيك ودا سبب ان ناس كتير لسه ما استلمتش الهاي لاين...

[mahmed0100]

معلوماتي ان في دفعه الاسبوع ده جايه .. مع كلامك يبقي في امل ان عدد كبير يستلم

[هوندا]

مبروك لكل إللي إستلم و عقبال الباقي إن شاء الله النهاردة كنت فى التوكيل و سمعت من عميل في التليفون عن مشكلة في الفتيس الأوتوماتيك لل 301 هل حد من المجربين لاحظ حاجة و لا الراجل مش عارف يشغل الفتيس لأنه أول مرة يركب أوتوماتيك ارجو سرعة الرد لأنى ناوي احجز بس خفت من حكاية الفتيس و شكرا لكم