محتار في بيجو 505

[a.atalla]

السلام عليكم ورحمة الله وبركاته بادور اليومين دول علي عربية في حدود 40000 ودي هتكون أول عربية ليا ان شاء الله حتي هاتعلم السواقة عليها اتفرجت النهاردة علي بيجو 505 موديل 1992 فبريكة دواخل ورشة برة نضافة صاحبها قال المكنة خفيفة _معرفش يعني إيه_ بس الميكانيكي اللي شافها قال ان المكنة عايز طقم شنبر بس مش عمرة كاملة ولا حاجة الراجل كان طالب فيها 45 ألف ونزل بالعافية لـ 44 بس انا محتار لأن المبلغ ده ممكن يجيبلي لانوس 2002/2005 ناس بتنصحني أحط المبلغ مقدم لانوس زيرو يا تري تنصحوني بإيه أنا محتار ؟؟؟

[eng.salama93]

السعر دا غااااالي اوي حتي لو مكنه سليمة

[khaabas]

فعلا غالى جدا وشوف لانوس او فيرنا احسن مليون مرة

[saddam]

صديقي المواطن
العربية أعلاه البيجو سعرها خيالي وكعربية خلاص راحت عليها ودمتم للنضال

[Silent~Dream]

الموضوع شكله نصبايه بيجو 505 ايه الى ب 44 الف دى لو حالتها ايه مش كده و كمان عايزه نص عمره و قطع غيار ال 305 و ال 505 غاليه نسبيا يعنى هتكلفك كثير و عشان العربيه تبقى تمام محتاج حوالى 50 الف دول يركبوك عربيه موديل 2006 ولا 2005 محترمه

[hassanin_lada]

لانوس 2006 او 2007 وماتجبش حاجه فوق ال 2008 لو لانوس

من الاخر خليك في الدايو ماتجبش شيفرولاية

[memo2000soft]

يا باشا هات لانوس بس تكون حالتها نضيفة وربنا يوفقك

[a.atalla]

تمام يا رجالة
جزاكم الله خير

[toomy_29]

مش نصبايه ولا حاجه دا موديل 92 يعنى 505 طياره و دا احسن عربيه بيجو نزلت مصر و عن تجربه مش زى 505 اللى قبل موديل و 87

[eleanor]

سعرها حلو جدا وممكن تنزل معاه تمن الشنبر
ولو ركبت العربيه دى ولا هاتبص للكورى اصلا

[gefoo]

اغلبية الناس مع احترامي ليها عمالة تقول السعر عالي وهيا مش عارفة حاجة العربية موديل 92 مش 82 من اواخر موديلات الطيارة ودي اسعارها اغلي من كدة وقليلة فمصر كمان مش منتشرة ولو عليها المكنة الجي تي اي الرشاشات يبقي متسبهاش ولو المكنة العادية وفيها شمبر بس وحالتها حلوة خدها اعملها طقم شنبر وممكن تركبلها الفتيس الاوتوماتيك الصاروخ مش العادي واتفرج عليها هتف علي الانوس هيا اصلا بالنسبالها كلبة

[eleanor]

مافيش وجه للمقارنه بين ال505 والانوس

[gsober]

البيجو لا يعلى علييه بس قطع الغيار بتقل وكمان سعرها عالى وهى افضل من الكورى مليون مره ورييح معاك على الطريق ومريحه جده وواسعه وعربيه تحفه بجد بس السعر ده غالى جدا وكمان المكنه خفيفه يعنى ممكن تخش فى عمره كامله ولو وش السلندر فى حاجه او مش هينفع يتخرط يبقى هتلبس مكنه تقريبا يعنى 12000 باين مش فاكر بالتحديد العربيه دى اخرها بحالتها لو ممتازه ومفيهاش سمكره 30 الى 35 الف وتبقى كسبتها وميكانيكى بتاعها عندى هيخليهالك فووووره بجد