توكيل بيجو ؟

[محمد ابوعلى]

سلام عليكم
ياجماعة هو مين توكيل بيجو الرسمى
وعنوانة فين فى اسكندرية لو حد يعرف
انا دايخ بقالى شهرين على ال301 الهاى لاين
وكل معرض يقولى اسبوع اسبوع اسبوع
لحد مابقو شهرين
وانا زهقت الصراحة وعايز العربية
ياريت اى افادة اذا حد يعرف اى اماكن متوفرة فيها العربية الهاى لاين باوفر برايس

وعنوان التوكيل الاساسى وبيسلم بعد اد اية
؟

[Ahmed Amin]

بص أنا أعرف توكيل بيجو الرسمي اللي تعمل فيه صيانة للعربية في أسكندرية,
لكن معرفش صالة العرض بتاعتهم فين, فأنت ممكن تكلمهم وتسألهم
لأني لما كنت بعمل عندهم صيانة من سنة بالظبط, كان واقف قدام التوكيل 10 عربيات بيجو 508 لسه بأكياسهم عشان يعملو عليهم Check قبل ما يروحو المعرض,
ودي كانت أول مرة أركبها مع مهندس الصيانة هناك وهوا بيدخلهم الورشة يفحصوهم.

توكيل بيجو أسكندرية - مرغم

• القاهرة للتنمية وصناعة السيارات:
• العنوان:ك 21 طريق الإسكندرية-القاهرة الصحراوي, مرغم
• التليفون: 032020303/4/5/6

وأبقي أقري الموضوع دا طالما أنت من أسكندرية عشان هيفيدك,

http://www.nilemotors.net/Nile/375252-a.html

[hazem_alaedin]

صالة عرض التوكيل CDCM, بجانب معرض عباد الرحمن امام سفارة روسيا, اللى فى الشارع اللى قدام نادى المهندسين, اللى على اوله (أباظة أوتو تريد), هو فى آخر الشارع ده بقى من ناحية الترام !!! انا حاجز من عندهم من اول سبتمبر, و بأذن الله الإستلام اول اكتوبر :-) هم بصراحة ناس محترمة جدا و بيبيعوا بالسعر الرسمى !!! الهاى لاين ب 136000 . ربنا يوفقك

[m.basha]

صالة عرض التوكيل cdcm, بجانب معرض عباد الرحمن امام سفارة روسيا, اللى فى الشارع اللى قدام نادى المهندسين, اللى على اوله (أباظة أوتو تريد), هو فى آخر الشارع ده بقى من ناحية الترام !!! انا حاجز من عندهم من اول سبتمبر, و بأذن الله الإستلام اول اكتوبر :-) هم بصراحة ناس محترمة جدا و بيبيعوا بالسعر الرسمى !!! الهاى لاين ب 136000 . ربنا يوفقك:m_yes[1]:

ان شاء الله تستلم على خير انا برده حاجز عندهم من اول سبتمبر و قالى ان شاء الله فى مركب داخلة اخر شهر سبتمبر و حاشوف عليها ايه و اقوللك حاتستلم امتى بس قالى المتوقع على اول اسبوع كده من اكتوبر انا حاجز الهاى لاين الشامبين حضرتك حاجز ايه ومع مين هناك احمد فهمى و لا محمود؟

[amrelsaqqa]

اسهل حل تتصل بـ 19207

[Ahmedshalaby]

فعلا هو دا مكان التوكيل انا حاجز هناك بردو من اخر ٨ و قاللي من كام يوم ان المركب داخلة باذن الله يوم ٣-١٠ و التسليم اول اسبوع من ١٠ ان شاء الله و على فكرة اللي فهمته ان داخل عليها عربيات كتير اكتر من عدد الناس اللي حاجزة يعني حضرتك لو حجزت معاه دلوقتي ممكن تستلم معانا اذا اختيارك كان من الالوان الجاية لهم
هو كمان قاللي اني لو عايز بيزلاين ممكن يسلمهالي فوري
عنده واحدة شامبين جاهزة
و على فكرة هم محترمين جدا بعد انا ما حجزت ب ١٠ ايام تقريبا كلمني يقول لي ان عنده واحدة فيراني هايلاين لو عايز استلم ولا انتظر الشامبين انا فضلت اني انتظر الشامبين بصراحة

[محمد ابوعلى]

وسط المدينة
معرض شركة سي دي سي إم :
العنوان:٢٩ ش محمد صالح - محطة البستان - سابا باشا
التليفون: ٥٨٥١٦٥٠ ٠٣


دة ياجماعة ؟؟؟
ولو مش هو
ممكن رقم التليفون اذا مع حضراتكم

والف شكر لمساعدتكم

[m.basha]

فعلا هو دا مكان التوكيل انا حاجز هناك بردو من اخر ٨ و قاللي من كام يوم ان المركب داخلة باذن الله يوم ٣-١٠ و التسليم اول اسبوع من ١٠ ان شاء الله و على فكرة اللي فهمته ان داخل عليها عربيات كتير اكتر من عدد الناس اللي حاجزة يعني حضرتك لو حجزت معاه دلوقتي ممكن تستلم معانا اذا اختيارك كان من الالوان الجاية لهم
هو كمان قاللي اني لو عايز بيزلاين ممكن يسلمهالي فوري
عنده واحدة شامبين جاهزة
و على فكرة هم محترمين جدا بعد انا ما حجزت ب ١٠ ايام تقريبا كلمني يقول لي ان عنده واحدة فيراني هايلاين لو عايز استلم ولا انتظر الشامبين انا فضلت اني انتظر الشامبين بصراحة

نفس
الكلام اللى قاله ليا فعلا ويارب يصدق هو كان فعلا عنده واحده شامبين بس بيز لاين و قالى ممكن اسلمهاللك بس انا حاجز الهاى لاين و اللون الشامبيين برده بعد حيرة بينها و بين اللون البترولى ان شاء الله نستلم على خير انا و انت

[Mahmoud Mok]

طبعا فى البدأيه الف مبروك مقدماً على العربية الجديدة
بالنسبه بقى للصيانات طبعاً اول صيانه هتكون صيانه ال 2500 كيلو او 3 شهور ايهما اقرب ودى بيتم فيها تفعيل الضمان والكشف على جميع اجزاء السيارة والمصنعية بتكون مجاناً .
- ثانى صيانة صيانة ال 10.000 كيلو او 6 شهور ايهما اقرب وطبعا مش بيتم تغير الزيت والفلاتر فى اول صيانه بيتم تغيرها فى ثانى صيانه
- باقى الصيانات دورية كل 10.000 كيلو

بالنسبه لمراكز الخدمه الرئيسية عشان تقدر تحجز ليها
ده هيكون عن طريق انك هتتصل على 19207 رقم خدمة العملاء وطبعا هيطلب منك بعض البيانات
" نوع السيارة - موديل سنه كام - رقم الشاسية - ورقم اللوحة - نوع الفتيس "
وطبعاً بيتم الحجز قبل الميعاد ب 48 ساعة
ده بالنسبة لمراكز الخدمة الرئيسية
وطبعا هما 4 مراكز " مركز خدمة صلاح سالم - غمرة - ابو رواش - شل مرغم فى اسكندرية "
- اما بقى لو عايز تحجز فى اى مركز من مراكز الخدمة المعتمدة بتتصل على رقمهم لو معاك ولو مش معاك تقدر تتصل بردو على 19207 وهما هيوضحوا ارقام وعناوين مراكز الخدمة المعتمدة .

[Mahmoud Mok]

اما بخصوص سؤالك يا استاذ محمد على المعارض فى اسكندريه فهتكون كالتالى :-

-اولاً معرض رئيسى فى اسكندريه
عنوانه : رقم 29 ش محمد صالح , محطة البستان , سابا باشا ..
تليفون المعرض : (03)5851650 / (03) 5851653

- موزع معتمد تابع لشركة بيجو
معرض نور الدين الشريف فى اسكندرية
تليفون المعرض: (03) 3808001 / (03) 3804060

[akrambadr]

يا جماعه انا حاجز من شهر 7 الي فات وكل ماتصل بالتوكيل الي في صلاح سالم يقلي انهم شغالين لسه فتسليم دفعه شهر 8 لغايه دلوقتي ومش عاوز يقولي دفع 9 هيبتدوا يسالمها امتي حد حصل معاه كده ؟
بيقولي لما نخلص دفعه 8