عيوب بيجو 301

[mahmed0100]

حد سمع عن وجود عيوب في العربيه البيجو ال 301 يا جماعه او حصل مع الناس اللي استلمت وجود مشكله في الموتور ؟ او دخول هوا في العربيه ؟ او استهلاك عالي للبنزين ؟ او عيب في السوفتوير الخاص بالعربيه ؟ و برمجه العربيه مره تانيه ؟
لز
7

[saddam]

صديقي المواطن
لم.يتناهى إلى أسماعنا أي عيوب في البيجو 301 سوى أنها رفيعة من بره والعربية جميلة وبسعرها مقارنة بالزيرو فتعتبر صفقة جيدة
ودمتم للنضال

[Ahmed Amin]

العربية مالهاش عيوب تذكر حتي الأن,

والسؤال دا أتسئل قبل كدا في الموضوع دا ممكن تبقي تراجع مواضع القسم من هنا لعدم تكرار المواضيع,

http://www.nilemotors.net/Nile/374780-301.html

[mahmed0100]

ده كلام سمعته من ناس بره المنتدي فحبيت اجمع اراء في المنتدي عن النقط دي تحديدا لانها منقوله من حد اشتري العربيه بس مش مباشر منه .. علي العموم واضح ان محدش واجه مشاكل من المنتدي حتي الان :) و يارب محدش يواجه مشاكل في العربيه

[Ahmed Amin]

ده كلام سمعته من ناس بره المنتدي فحبيت اجمع اراء في المنتدي عن النقط دي تحديدا لانها منقوله من حد اشتري العربيه بس مش مباشر منه ..

أنا لما قريت تعليقك دا أفتكرك أيه من القرأن بتقول,
"وإن تطع أكثر من في الأرض يضلوك عن سبيل الله إن يتبعون إلا الظن وإن هم إلا يخرصون"

وأنا مش قاصد أتفلسف هنا ولا أعمل شيخ, بس المقصود من الأية
"فإذا اتبعت الناس فسوف يضلونك. لأنهم لا يملكون دليلاً,,"

حضرتك ممكن تقرأ أراء ملاك العربية والناس اللي ركبتها وجربتها فعلاً,
بدلاً ما تسمع لكلام الناس, :)

أتفضل المواضيع دي إن شاء الله تفيدك, وبالتوفيق في الأختيار..

http://www.nilemotors.net/Nile/3875200422-post5.html