هام بخصوص الحجات الي استلمها مع 301 واستفسار عند التسليم هام

[zsecsqxsw]

السلام عليكم ...

لو سمحت يا رجالة بعد اذنكم ... كنت عايز اعرف من ذوي الخبرة واللي استلموا البيجو 301

عن الحجات اللي المعرض بيديهالك مع العربية ...

لانه المعرض اللي انا متابع معاه قالي انه العربية

مش هيكون معاها (( الغطا الخارجي ليها اللي بنغطيها بيه ))
فهل كل المعارض كده مع بيجو 301 ؟

وايه هي الحجات الي حضراتكم استلمتوها معاها ؟
---------------------
ايه الحجات اللي وانا بستلم العربية ابص عليها واتأكد منها ..

وموضوع ورق العربية انه يكون كامل .. ((( ايه هو الورق اصلا كله .. يعني ورق ايه وايه ؟ ))

---------------------

بالنسبة لموضوع اثبات التفييم على الرخصة واثبات الزينون على الرخصة ايه وضعه بالظبط

واعمله الذاي وبكام بشكل رسمي ( حتى ولو كان مكلف بشكل رسمي ) اذا كان متاح او اذا كان بشكل غير رسمي ؟


شاااااااااااااااااااااااااكر جداااا ردكم ووقتكم مقدما .

[zsecsqxsw]

37 شخص .. دخلوا وخرجوا ((( واحنا قاعدين )) ..!!!!

افرجها من عندك يا رب .. ♥

[3arbi4ever]

اولاً مبروك مقدماً وربنا يديك خيرها ويكفيك شرها ان شاء الله . بالنسبة لموضوع الحاجات اللي هتستلمها مع العربية فهي كالتالي :
١ -كاوتش اسبير و كوريك و مفتاح وجنش قطر وتزيد في الهاي لاين المفتاح الخاص بمسامير الجنوط .
٢- طفاية سجاير . وفي الهاي لاين ولاعة .
٣- المانيوال الخاص بالعربية بداخل حافظة عليها علامة بيجو .
٤- اريال الراديو
٥- غطاء علبة الفيوزات
٦- معظم المعارض بتسلم مع العربية شماسة وطقم دواسات وفواحة من باب الدعاية للمعرض والبعض الاخر بيسلم كمان غطاء . وفي حالة ما
استلمتش غطاة هاتو من شارع دمشق ب ٨٠ جنيه اللي هو الوتر بروف الخفيف.
شيك علي جسم العربية من الخارج واتأكد انها مفهاش خرابيش ، الزجاج سليم . المرايات شغالة لو هاي لاين .
عداد العربية ميكونش ماشي كتير، انا استلمت عربيتي ماشي ١٨ كم تقريباً . ومتزيدش عن ٥٠ كم .
شغل العربية وشوف مؤشر البنزين شغل التكييف ، شغل المساحات ، شغل الراديو وال سي دي ، شيك علي فرش الكراسي لعل السواق اللي جبهالك حرق حاجة بعقب سيجارة او حاجة . المعرض هيديك جواب استلام . وفي معظم الحالات بيقولك ورق العربية هتستلموا كمان يوم او اتنين مع المندوب اللي هيطلع يرخصلك وهيسلمك كمان جواب التأمين لو انت مأمن .
اما بالنسبة لموضوع التفييم فده مش هينفع عشان شهادة البيانات الخاصة بالعربية غير مذكور فيها انها جايا زجاج ملون من بلد المنشأ . ومش هينفع تزود حاجة في شهادة البيانات ، بس ممكن برضو تحاول انا بتكلم من خلال تجربتي .
ده كل اللي فاكره بصراحة من خلال استلامي لل ٣٠١ بيز لاين ولو افتكرت حاجة تاني هقولك ان شاء الله وبالتوفيق .

[Ahmed_Adham]

بالنسبه للفيميه لو بتنزل بيه فابريكا هيكون مكتوب في الافراج الجمركي حاجه زي "زجاج خلفي ملون فابريكه" وبالتالي هيتثبت على الرخصه عادي بدون أي اجراءات خاصه تتأكد بس ان مهندس الفحص يكتبه على الاورنيك وكمان تتأكد لما تستلم الرخصه عشان ساعات في طباعه الرخصه بينسوه.

[zsecsqxsw]

الف الف شكر لرد حضرتكم

بالنسبة لضغط الكاوتش اعمله على كام (( هو مكتوب كام الرسمي للعربية ))

[M3L]

الف الف شكر لرد حضرتكم

بالنسبة لضغط الكاوتش اعمله على كام (( هو مكتوب كام الرسمي للعربية ))

32 نيتروجين