مساعدة من خبراء البيجو

[Haitham G]

السلام عليكم
اللى حصل يا جماعة انى كنت مسافر من يومين بال 308 بسرعة من 150 ل 160 وسمعت صوت احتكاك معدن على مرتين ورا بعض علطول فقولت استشيركم و ان شاء الله حاروح التوكيل اشوفها .
بس حد عنده تفسير للى حصل وشكرا

[saddam]

صديقي المواطن
هكذا أعطال لا يمكن حلها بالوصف لا بد من النظر إليها وغالب ظني خشبة أو زلطة في سرعة 160 حتطلع صوت خبط في بدن العربية من تحت وما.دامت سليمة مفيش داعي تروح التوكيل والصح تروح لبتاع ظبط زوايا كمبيوتر وتربط العفشة وتظبط زوايا وترصص العجل وهي مرفوعة كل حاجة حتبان عندك وبالتوفيق
ودمتم.للنضال

[Ahmed Amin]

طيب الصوت دا طلع وأنت دايس بنزين وماشي ١٥٠
ولا أول ما شيلت رجلك من علي البنزين,, ولا لما كنت بتهدي.

وصوت لأحتكاك معدن في المشي في الغالب بيكون التيل قرب يخلص, ويإما هيعمل الصوت دا أو هتحس بيه,,
و نفس الصوت بيطلع في أيام الخريف والصيف لو فيه تراب دخل ما بين التيل والطنابير,
ولو دوست فرامل مرة أو أتنين وكملت ومظهرش تاني يبقي كان من التيل ومتقلقش منه.

أخر حاجة لو لاقيت الجنوط بتتهبب بلون اسود كتير الفترة دي يبقي التيل بيشطب,,
وطبعاً غيرة في اقرب وقت لإن كفائة الفرامل هتضعف جداً وهيبدأ يعمل شفة في الطنبورة.

[Haitham G]

طيب الصوت دا طلع وأنت دايس بنزين وماشي ١٥٠
ولا أول ما شيلت رجلك من علي البنزين,, ولا لما كنت بتهدي.

وصوت لأحتكاك معدن في المشي في الغالب بيكون التيل قرب يخلص, ويإما هيعمل الصوت دا أو هتحس بيه,,
و نفس الصوت بيطلع في أيام الخريف والصيف لو فيه تراب دخل ما بين التيل والطنابير,
ولو دوست فرامل مرة أو أتنين وكملت ومظهرش تاني يبقي كان من التيل ومتقلقش منه.

أخر حاجة لو لاقيت الجنوط بتتهبب بلون اسود كتير الفترة دي يبقي التيل بيشطب,,
وطبعاً غيرة في اقرب وقت لإن كفائة الفرامل هتضعف جداً وهيبدأ يعمل شفة في الطنبورة.

انا كنت ماشى بسرعة ثابتة 160 تقريبا ولما سمعت الصوت خفيت رجلى عشان اركز معاها والصوت محصلش تانى
انا فعلا شاكك فى ان الصوت من تيل الفرامل لأن فى اخر صيانة كتبوا لى توصية بتغير التيل الخلفى بعد 4000 كيلو انا معملتش منهم غير 1500 تقريبا بس طبعا الموضوع يرجع لطريقة الاستخدام .
شكرا يا باشا

[Haitham G]

صديقي المواطن
هكذا أعطال لا يمكن حلها بالوصف لا بد من النظر إليها وغالب ظني خشبة أو زلطة في سرعة 160 حتطلع صوت خبط في بدن العربية من تحت وما.دامت سليمة مفيش داعي تروح التوكيل والصح تروح لبتاع ظبط زوايا كمبيوتر وتربط العفشة وتظبط زوايا وترصص العجل وهي مرفوعة كل حاجة حتبان عندك وبالتوفيق
ودمتم.للنضال

شكرا لمشاركتك
انا عارف ان مش كل الحاجات بتتعرف بالوصف طبعا بس ممكن حد حصل معاه الموضوع قبلى مثلا فيقولى حاجة انا مش واخد بالى منها .
بس هى لو كانت زلطة كنت حعرف ده مش صوت زلطة و ان شاء الله انزل التوكيل انا كل معامتى معاه حتى فى الزوايا و الترصيص .
شكرا ليك مرة تانية

[eleanor]

فى الغالب الطريق الى كنت ماشى عليه كان ردميه اسفلت وعملت معاك تراب فى الطنبورة وده مايقلقش
ولو التيل خلص هاتلاقى الصوت متواصل معاك فى الفرامل
ان شاء الله خير وماتقلقش