تشميع السياره؟؟؟؟

[mans336]

السلام عليكم ورحمة الله وبركاته
انا لسه جايب 301 زيرو من يوم الخميس وكنت عاوز اشمعها
المهم رحت عند بنزينه موبيل اللى عند كايرو مول فى شارع الهرم
قاللى التشميع بـ 170 جنيه وهو بيحط الشمع وبيسيبه فتره وبعد كده بيعمله بالصاروخ
انا قلتله بسمع ان الصاروخ غلط باين قاللى لا ده عباره عن قطنه كبيره وبتلف يعنى
هل الكلام ده صح ولا غلط علشان انا قلقت من الموضوع ده وقلتله هجيلك مره تانيه
لو غلط ياريت تقولولى على مكان كويس اشمع فيه العربيه ؟؟؟
اجيب الشمع من بره احسن؟؟؟ ولو هجيبه من بره اجيب نوع ايه ومنين؟؟؟
معلش انا اسئلتى كتيره بس اول مره اجرب الموضوع ده

[Gelgel2004]

غلط
البويه لسه جديده
و كده ممكن تبوظ
و برضه استنى خبرات الاعضاء بالمنتدى
تحياتى

[Eng_hatemfathy]

انا شمعت عربيتى من يومين وهيا لسه 500 كيلو بس عملتها يدوى وبفوطة قطن ناعمة-كنت اتفقت مع فنى دوكو يعدى عليا بالصاروخ واستندل فقررت اعملها الساعة عشرة وربع بالليل وخدت ساعتين شغل بالضبط
يعنى وزعت الشمع عليها بالسفنجه بتاعتها (نوع اسمة ترتلز جايبه من امريكا) وبعد لما نشف دعكته بالفوطة فعمل زى البودر كده وشيلته وبقت زى الفل ولمعة جميلة ونعومه ملمس يومين وطبعا البواب بيغسلها طلسقط فجيرت -بس انا مش حاطه علشان اللمعة انا حاطه علشان بيقاوم صنفرة الرمله على الدائرى بقدر ما

[Gelgel2004]

الاهم انك تراعى البواب مينضفهاش بفوطه زفره - اللى فيها الجاز - لان الجاز ضار جدا بالشمع و الطبقه النهائيه للبولش الاصلى
تحياتى

[Mohamed said]

طب يا جماعه المفروض البواب بيمسح العربيه يوميا بايه و الاحسن اننا نشمع العربيه كل فتره اد ايه!

[Gelgel2004]

فوطه منديه بس

[S.Hasan]

متابع

[mahmed0100]

متابع

[Besov]

ممكن يا جماعه اقول الخلاصه : انا بعمل شمع لعربيتى من 7 سنين الحمد لله :)

-الشمع هو طبقة من البولش معموله للأستخدام المتكرر لخلق طبقة عازله تحمى طبقة الدهان و تعزلها من العوامل الخارجيه . و الشمع مش كمبوند .

- تانى حاجه ناس كتير بتغلططططط و بتجرى على بتوع الدوكو عشان يستخدمو الصاروخ . خلينا مبدئيا نتفق ان كل العربيات فى طبقة شفافه فوق الدهان ( الورنيش ) المهم الطبقه دى المفروض انها اللمعه و الحماية لدهان العربيه .. و طبعا لما تستخدم الصاروخ دا هياكل فى الطبقه دى و مع الوقت هتلاقى طبقة الورنيش راحت و الدهان بهت و فقد جماله و العربيه تكون اكثر عرضه للخدوش و تتأثر بسرعه من الشمس .

*اولا : فى انواع كتير من الواكس ( الشمع ) sonax-turtle wax - و غيرها .. و بيكون فى شكل سائل غليظ القوام .
طيب السؤال دلوقتى انت جايب عربيه زيرو و اكيد عاوز تحافظ عن اللمعه الجميله بتاعت الفبريكه .؟ !!

__ الأجابه : تعمل واكس للعربيه من مره الى مرتين فى الشهر على حسب الأستخدام . اكيد فى ناس مش بتخرج بالعربيه كتير .

الطريقه : 1- تغسل العربيه كويس و تنشفها كويس بردو
2- تجيب فوطتين من القطن ( ممكن هدوم قديمة تكون تمام جدا )
3- تبدأ بالفوطه الأولى تحط عليه شوية من الواكس و نبدأ وليكن بالكابوت و توزع الواكس اللى على الفوطه على العربيه بحركة دائريه و مفيش داعى للضغط الا اذا كان فى وساخه او حاجه ماسكه فى جسم العربيه ( الواكس بينظف اى وساخات يصعب شلها و دى ميزه فى الواكس ) .
4- تسيب الواكس على العربيه شوية ( 10 دقائق ) كافيه جدا .
5- تجيب الفوطة رقم 2 النظيفه و تبدا تشيل الواكس بطريقة دائريه بردو هتلاقيه بعد منشف بيطلع بسرعه جدا و هتلاقى جسم العربيه ناعم جدا و بيلمع بشكل يرجع العربيه لأول يوم اتدهنت فيه :)
6- طبق الموضوع على كل اجزاء العربيه .


معلومات :
* الواكس ممتاز فى تلميع النواكل بطريقه ممتازه
* ممكن تلمع الجنوط - بيقلل تجمع الأوساخ و بقايا تيل الفرامل على الجنوط
* الواكس مع تكرار الأستخدام بيقلل من الخرابيش الصغيره اللى بتيجى من الفوطه الزفره و الكلام دا و الأهم انه بيخلى السطح املس بدرجه تخلى التراب ميمسكش فى العربيه و بالتالى تفضل نظيفه فتره اطول بكتير .
* ابعد تماما عن الصاروخ فى تلميع العربيه ( اكيد مش عاوز تضغف طبقة الورنيش و العربيه لسه جديده و تفقد جمال الزيرو )
* يمنع عمل الواكس و صاج العربيه سخن !!!
* الواكس امن على الفوانيس و الأزاز .
*يمكن الموضوع شكله صعب بس صدقونى بعد اول مره و لما تشوف عربيتك كأنها جديده - هتدعولى :)

و اتمنى اكون افدتكم و اعزرونى لو فى اخطاء :)

ملحوظه : ابعدو عن الواكس اللى عامل زى العجينه لأن استخدامه متعب جدا .. خليك فى الواكس السائل - سوناكس و كدا و انا كان فى ماركه بحبها بس خلصت من مصر اسمها prestone ماركه امريكيه بس تحفه و للأسف مش لاقيها تانى

- على فكره عبوة الواكس ممكن تقعد معاك سنة كامله من الأستخدام و سعرها تقريبا 85 جنيه سوناكس -
/- فى البنزينه الواكس مره واحده تقريبا 150 جنيه :)

التوفير حاجه احلى و احلى و اياكم و الصاروخخخخخخ :)

[Mohamed GEMY]

طب في اماكن مضمونه ممكن اروح اعمل فيها الواكس ولا لا وهيبقي بي كام؟

[Eng_hatemfathy]

ممكن يا جماعه اقول الخلاصه : انا بعمل شمع لعربيتى من 7 سنين الحمد لله :)

-الشمع هو طبقة من البولش معموله للأستخدام المتكرر لخلق طبقة عازله تحمى طبقة الدهان و تعزلها من العوامل الخارجيه . و الشمع مش كمبوند .

- تانى حاجه ناس كتير بتغلططططط و بتجرى على بتوع الدوكو عشان يستخدمو الصاروخ . خلينا مبدئيا نتفق ان كل العربيات فى طبقة شفافه فوق الدهان ( الورنيش ) المهم الطبقه دى المفروض انها اللمعه و الحماية لدهان العربيه .. و طبعا لما تستخدم الصاروخ دا هياكل فى الطبقه دى و مع الوقت هتلاقى طبقة الورنيش راحت و الدهان بهت و فقد جماله و العربيه تكون اكثر عرضه للخدوش و تتأثر بسرعه من الشمس .

*اولا : فى انواع كتير من الواكس ( الشمع ) sonax-turtle wax - و غيرها .. و بيكون فى شكل سائل غليظ القوام .
طيب السؤال دلوقتى انت جايب عربيه زيرو و اكيد عاوز تحافظ عن اللمعه الجميله بتاعت الفبريكه .؟ !!

__ الأجابه : تعمل واكس للعربيه من مره الى مرتين فى الشهر على حسب الأستخدام . اكيد فى ناس مش بتخرج بالعربيه كتير .

الطريقه : 1- تغسل العربيه كويس و تنشفها كويس بردو
2- تجيب فوطتين من القطن ( ممكن هدوم قديمة تكون تمام جدا )
3- تبدأ بالفوطه الأولى تحط عليه شوية من الواكس و نبدأ وليكن بالكابوت و توزع الواكس اللى على الفوطه على العربيه بحركة دائريه و مفيش داعى للضغط الا اذا كان فى وساخه او حاجه ماسكه فى جسم العربيه ( الواكس بينظف اى وساخات يصعب شلها و دى ميزه فى الواكس ) .
4- تسيب الواكس على العربيه شوية ( 10 دقائق ) كافيه جدا .
5- تجيب الفوطة رقم 2 النظيفه و تبدا تشيل الواكس بطريقة دائريه بردو هتلاقيه بعد منشف بيطلع بسرعه جدا و هتلاقى جسم العربيه ناعم جدا و بيلمع بشكل يرجع العربيه لأول يوم اتدهنت فيه :)
6- طبق الموضوع على كل اجزاء العربيه .


معلومات :
* الواكس ممتاز فى تلميع النواكل بطريقه ممتازه
* ممكن تلمع الجنوط - بيقلل تجمع الأوساخ و بقايا تيل الفرامل على الجنوط
* الواكس مع تكرار الأستخدام بيقلل من الخرابيش الصغيره اللى بتيجى من الفوطه الزفره و الكلام دا و الأهم انه بيخلى السطح املس بدرجه تخلى التراب ميمسكش فى العربيه و بالتالى تفضل نظيفه فتره اطول بكتير .
* ابعد تماما عن الصاروخ فى تلميع العربيه ( اكيد مش عاوز تضغف طبقة الورنيش و العربيه لسه جديده و تفقد جمال الزيرو )
* يمنع عمل الواكس و صاج العربيه سخن !!!
* الواكس امن على الفوانيس و الأزاز .
*يمكن الموضوع شكله صعب بس صدقونى بعد اول مره و لما تشوف عربيتك كأنها جديده - هتدعولى :)

و اتمنى اكون افدتكم و اعزرونى لو فى اخطاء :)

ملحوظه : ابعدو عن الواكس اللى عامل زى العجينه لأن استخدامه متعب جدا .. خليك فى الواكس السائل - سوناكس و كدا و انا كان فى ماركه بحبها بس خلصت من مصر اسمها prestone ماركه امريكيه بس تحفه و للأسف مش لاقيها تانى

- على فكره عبوة الواكس ممكن تقعد معاك سنة كامله من الأستخدام و سعرها تقريبا 85 جنيه سوناكس -
/- فى البنزينه الواكس مره واحده تقريبا 150 جنيه :)

التوفير حاجه احلى و احلى و اياكم و الصاروخخخخخخ :)

تسلم ايدك على التفاصيل الجميلة دى
انا عندى ملاحظتين
الاولى انا عندى واكس ترتل امريكى كريم وفعلا بيطلع عينى لحد ميتشال وبمجهود كبير يعنى العربية خدت ساعتين بالظبط
وطبعا التوزيع بيكون بطريقة وضع الكريم بالاصبع زى البولش كده او الكمبوند وبعدين تسييحه على الصاج بالاسفنجة بتاعتها وبعد ما ينشف بيتفرك بفوطه ناعمة
وبالنسبة للصاروخ لما يركب له غيار قطن انا شايف انه انعم على العربية وورنيشها من الفوطة وكنت ناوى فعلا اخلى صنايعى دوكو يجيب الصاروخ بتاعه ويعملها بس هوا قصر معايا ومجاش فعملتها انا

المهم تسلم ايدك وفعلا الواحد محتاج يعملها مرة كل شهر علشان يخافظ عليها وربنا الحافظ
وكل عيد وانتوا جميعا بخير

[Eng_hatemfathy]

بصوا الناس بتغسل عربياتها ازاى
Audi R8 BLACKBIRD: Basic Car Wash Techniques - /DRIVE CLEAN - YouTube