استفسار خطير جدا لبيجو 301

[Yousef.Kamel]

انا سمعت ان البيجو كله في عيب خطير جدا ولقيته في ال 301 واللي انا شايفها من افضل العربيات دلوقتي وناوي اجيبها انشاءالله والعيب ده هو ان خرطوم البنزين و طرمبة البنزين موجودين في مقدمة السيارة و مع الوقت الخرطوم ده بيتآكل و لو حصل اي شرز بيولع في العربية كلها لاقدرالله و كانت بتحصل في غالبية البيجو القديمة شوية ف انا عاوز اعرف ده ممكن يحصل دلوقتي و خصوصا ان الخرطوم موجود فوق الموتور مباشرة ؟؟؟؟؟؟؟؟

[M I D O]

ماعتقدش ان شركة بحجم بيجو تغلط الغلط الكبير دة وحتي لو الخرطوم دة فوق المحرك اكيد من خامات عالية جدا لان صعب اوي بيجو تدمر سمعتها بغلطة زي دي

[amrelsaqqa]

معتقدش ياباشا في حاجة زي كدة ، هو عامة الطرمبة ورا تحت الكنبة عادى زي اي عربية لانى وانا بحط المفتاح في الكونتاكت بسمع الزنة بتاعتها عادى جاية من ورا ....

وبعدين هو ايه اللى هيخلى خرطوم البنزين في مقدمة العربية اذا كان حتى المانيفولد مش ناحية برة والشكمان هو اللى قدام في وضعية الموتور .. . ؟

حضرتك قريت الكلام ده فين ؟

على فكرة عاوزك تطمن خالص لان العربية فيها اصلا fuel cutoff device وده اللى بيقطع الامداد تمااما بالبنزين لو حصل اصطدام جامد او حادثة للعربية لا قدر الله ..

العربية فيها جميع وسائل الامان من اول فئة فاكيد حاجة زي كدة مش هتعدي عليهم طبعا ، احجز يا باشا وانت مطمن :)

[Mostafa Khalil]

الكلام ده غير صحيح بالمرة اصلا الطرمبة تحت الكنبة الناحية اليمين تاني حاجة بالنسبة لجودة الخامة الي مصنوع منها فا انا معايا c4 هية نفس بلوك ال 301 عامل بيها 280000 والحمد الله مولعتش ولا عمره اتغير و الداخل بتاع البنزين جي من ورا الموتور تحت علبة زيت الفرامل متسبش ودانك للشعب المصري

[medo111]

كلام غير منطقي وعمرها ما حصلت في اي موديل قديم

[eleanor]

مين قال لحضرتك الكلام ده ومين قال لحضرتك الموديلات القديمه كانت بتولع ولا ان حتى خرطوم البنزين فوق الموتور
كل الكلام ده غير صحيح بالمره
انزل التوكيل وافتح الكبوت وشوف بنفسك وانت هاتحكم
اطمن وتوكل على الله واللى ربنا كاتبله حاجه بتحصل من غير طرمبه ولا خرطوم سيبها على الله

[Ahmedshalaby]

الكلام دا غير صحيح تماما
انا مغير طلمبة بنزين في ال ٣٠٧ و كانت موجودة تحت الكنبة مش في الكبوت خالص

[mohamed hussei]

ياباشا دة قضاء وقدر عندي في شارع عربية ولعت وهي مطفية يعني مفيش اي شرارة شغالة كلة نصيب

[amrelsaqqa]

عامة كدة كدة لازم الخرطوم يكون موجود في الحوض عشان يوصل للموتور ؟ اصل مش هيوصللها البنزين وايرلس :d
واي عربية كدة ، عادي يعنى

والطرمبة زي ما قلنا في مكانها ، فما تقلقش خالص

[د.عماد صلاح]

كلام مش دقيق ...ماتقلقش العربيه دي حتي الان تعتبر صفقه رابحه ...لو كملت كده سنه كمان يبقي اكلت كل الفئه من 120 الي 150

[AHMADALY1999]

عامة كدة كدة لازم الخرطوم يكون موجود في الحوض عشان يوصل للموتور ؟ اصل مش هيوصللها البنزين وايرلس :d
واي عربية كدة ، عادي يعنى

والطرمبة زي ما قلنا في مكانها ، فما تقلقش خالص

فعلا .......... مفيش عربية مش كدا

[Ahmed Amin]

انا سمعت ان البيجو كله في عيب خطير جدا ولقيته في ال 301 واللي انا شايفها من افضل العربيات دلوقتي وناوي اجيبها انشاءالله والعيب ده هو ان خرطوم البنزين و طرمبة البنزين موجودين في مقدمة السيارة و مع الوقت الخرطوم ده بيتآكل و لو حصل اي شرز بيولع في العربية كلها لاقدرالله و كانت بتحصل في غالبية البيجو القديمة شوية ف انا عاوز اعرف ده ممكن يحصل دلوقتي و خصوصا ان الخرطوم موجود فوق الموتور مباشرة ؟؟؟؟؟؟؟؟

طبعاً الكلام اللي أنت سمعته غلط, وزي ما الزملاء وضحو
إن كل العربيات مش البيجو بس فيها طرمبة البنزين ورا تحت الكنبة مش قدام وبتكون في قلب التانك,,
وطبعاً هيا اللي بتضخ البنزين لموتور العربية عشان تشغلة عن طريق خرطوم البنزين,

[Yousef.Kamel]

شكرا للافادة

شكرا جدا علي تعاونكم و ردكم السريع ..... هو خرطوم البنزين فعلا فوق الموتور ولكن طلمبة البنزين زي ما قالوا الزملاء ورا ........ والكلام اللي انا سمعتو ده فعلا حصل بس في عربية 405 وللاسف بسبب الخرطوم ده العربية نصها الامامي ولع بالكامل و لكن فعلا ده قضاء و قدر

[Ahmed Amin]

شكرا جدا علي تعاونكم و ردكم السريع ..... هو خرطوم البنزين فعلا فوق الموتور ولكن طلمبة البنزين زي ما قالوا الزملاء ورا ........ والكلام اللي انا سمعتو ده فعلا حصل بس في عربية 405 وللاسف بسبب الخرطوم ده العربية نصها الامامي ولع بالكامل و لكن فعلا ده قضاء و قدر

الشكر لله, توضيح أخير بس,
خرطوم البنزين بيكون أعلي الموتور من الجهة الخلفية, مش بيكون فوق الموتور في النص,,
وكل العربيات اللي في الدنيا كدا’’ وبنفس التصميم عشان حقن الوقود بيكون من أعلي المحرك,!