ال بيجو 301 حاصلة على اعلى تركيز فى قسم بيجو

[shalaty]

يا جماعة انا لحظت ان العربية بيجو 301 هى الحاصلة على اكبر عدد موضيع فى قسم بيجو مع ان العربية 508 و بقية موديلات بيجو سيارات تحتاج ايضا التركيز عليهم لانهم مهدور حقهم جامد انا اخدت بالى اما قولت لواحد صاحبى يدخل على قسم بيجو علشان هو معاة عربية بيجو و فيها شوية مشاكل و قالى القسم كلو بيتكلم عن ال 301 هى اينعم سيارة تستحق التقدير بس عايزين اهتمام بل موديلات الاخرة و دة طبعا مش انطقاد لاى حد فل قسم انا عجبنى القسم و بحاول اساعد و طبعا شكرا للاستاذ احمد امين علشان هو شايل القسم كولوا

[eleanor]

القصه انها مسيطره على المبيعات وناس كتير مهتمه انها تشتريها فعلشان كده واخده جزء كبير من القسم
لكن اى استفسار عن اى موديل بيجو تانى ان شاء الله هاتلاقى اعضاء القسم متجاوبين معاك فيه

[M I D O]

عشان بس ال 301 عاملة مبيعات عالية جدا ونازلة لفئة ناس كتير جدا بتشتري فيها عشان كدة واخدة نصيب الاسد في المواضيع

[sonybony]

سعر مقابل امكانيات حلوه وسياره اوروبيه وقارن في الاسعار هتلاقي مفيش بالسعر دوهي من السيارات الجاذبه للطبقه المتوسطه

[maxx]

التركيز ده ليه فوايد
1. المقبل على شراء العربية هيطمن من الردود الإيجابية لملاك السيارة اللي عددهم في ازدياد ملحوظ
2. انتشار العربية يساعد في انتشار قطع الغيار برا الوكيل, و يلفت النظر للموديلات التانية من نفس الماركة
3. انتشار العربية يلفت نظر الشركة الأم لسوق قوي جديد يبدأ يهتم بيه أكتر و باحتياجاته
4. التنافس يظبط مع العربيات من الماركات الأخرى سعر و امكانيات (وعي المستهلك العامل رقم 1)

العيب انه بيغفل الموديلات التانية ... بس لما نبص للموضوع على انه emerging market للبيجو يبقي التركيز على موديل معين نرجع بيه اسم بيجو اهم من تشتيت التركيز على اكتر من موديل اصلا مبيعات الفئة بتاعته مش كبيرة كسوق.

[Ahmed Amin]

يا جماعة انا لحظت ان العربية بيجو 301 هى الحاصلة على اكبر عدد موضيع فى قسم بيجو مع ان العربية 508 و بقية موديلات بيجو سيارات تحتاج ايضا التركيز عليهم لانهم مهدور حقهم جامد انا اخدت بالى اما قولت لواحد صاحبى يدخل على قسم بيجو علشان هو معاة عربية بيجو و فيها شوية مشاكل و قالى القسم كلو بيتكلم عن ال 301 هى اينعم سيارة تستحق التقدير بس عايزين اهتمام بل موديلات الاخرة و دة طبعا مش انطقاد لاى حد فل قسم انا عجبنى القسم و بحاول اساعد و طبعا شكرا للاستاذ احمد امين علشان هو شايل القسم كولوا

هيا البيجو 3101 حاصلة علي أعلي عدد مواضيع وأعلي أهتمام لأنها أولاً العربية الجديدة وموديل جديد من بيجو,,
ولأن ثانياً سعرها معقول بالنسبة لمواصفاتها كعربية أوروبي ومن شركة كبيرة زي بيجو ناس كتير نفسها تركب عربيات بيجو,
خصوصاً اللي كان مجرب ال 505 وال 504 بس كانت كل عربياتها فوق ال 150 وال 170 ألف,, زي ال 308 مثلاً
أو لحد 210 و 240 ألف جنيه, زي البيجو 508

ودا ممكن يبقي صعب علي ناس كتير أنها تشتري بيه عربية خصوصاً اللي بيفكر يجيب عربية في رينج 100 إلي 120 ألف,,
وكان بيفكر يجيب عربية كوري أو صيني ونفسه يركب حاجة أوروبي,,


القسم مش بيغفل عن عربيات زي ال 508 مثلاً
ومش معني كدا إن مش عليها أهتمام زي ال 301

بس كام واحد بيشتري عربية 508 مقابل 301 ؟؟
أنا توقعي ممكن فيه عربية 508 بتتابع قصاد 10 عربيات من ال 301 نظراً لسعرها المعقول وكترة الطلب عليها,,
وبالتالي هتلاقي الناس اللي مش عايزة تجرب في عربية جديدة متعرفش عنها حاجة وحريصة علي المبلغ اللي هتدفعه في عربية بتسأل كتير هنا في المنتدي عن ال 301 قبل الشراء,
فعشان كدا هتلاقي مواضيع ال 301 أكتر بالقسم,

ودي حاجة كويسة جداً إن الواحد يعمل بحث عن كل حاجة تتعلق بالعربية قبل ما يشتريها,,



وياريت صاحبك اللي عنده بيجو اللي فيها شوية مشاكل, تقولنا موديل عربيته أيه,,
وأيه المشاكل اللي بيتصادفه, وأحنا إن شاء الله هيلاقي هنا كل الأعضاء بيساعدوة ومش هيتأخرو عنه.