استفسار عن نظافة السيارة

[Yousef.Kamel]

انا عارف ان ممكن الناس تاخد الموضوع بتفاهة ولكن الموضوع ده مع الوقت بيخلي شكل البوية وحش وهو ان لما تكون العربية متربة ويجي السايس او انا امسحها من التراب بفوطة او فرشة زفرة ( بجاز ) فيما بعد بلاحظ لما الضوء ينعكس علي الدوكو بشوف فيها زي تجاريح بسيطة وساعات بتبقي ملموسة كمان ف أنا عاوز اعرف ما هي افضل طريقة لمسح العربية من التراب غي الفوطة او الفرشة الزفرة ؟؟؟؟

[أحمد عبدالله]

فرشة ميكرو فايبر

[mastr_n]

فرشة ميكرو فايبر

دية بتلمع بردة زى الفوطة الزفرة وبتشيل تراب؟

[hugan]

فرشة ميكرو فايبر

شويه تفاضيل
منين واسعارها

[amrelsaqqa]

اوعى تستعمل الفوطة الزفرة مع عربية زيرو
انا عربيتى الجديدة جه عليها حبات رمل من المشى ع الدائري والمحور ،لدرجة انه لزق في العربية وطبعا التعرض الكتير له ممكن يعمل زي صنفرة لدهان العربية ، المهم انا مابقتش عارف اعمل ايه عشاان اطلعه بدون ما يأثر على العربية

بس جيت غسلت العربية بنفسى عن طريق خرطوم مية في الاول لقيت الرمل بدأ يطلع بسهولة ، وبدأت اطلعه بالراحة عن طريق انى بمرر ايدي على اي مكان فيه الحبات دى واطلعها بالراحة
وبعدين جبت جردل مية وحطيت عليه شوية بريل خفيف جدا ، ومسكت ليفة اسفنجية (كلها سفنج مفيش اي جزء صلب فيها او بلاستيك عشان ده اللى بيجرح العربية ) عملت بيها العربية وبعدين خرطوم مية تانى للشطف و بعدين تسيبها تنشف شوية من الهوا وفي الاخر تنشفها وتلمعها تماما بقماشة قطنية ناعمة

معرفش بقى بعد كدة هعمل ايه ، بس بفكر في موضوع التشميع وعايز اجمع معلومات عنه واشوف بيجيب نتيجة ولا لا

وعلى فكرة الموضوع مش هايف ولا حاجة ، خصوصا لو العربية لسة زيرو ، الواحد بيبقى نفسه يحافظ عليها بتلمع لاطول فترة ممكنة ، انا بكره التجاريح الدائرية اللى بتحصل دى وبيبقى عددها لا نهائى يعنى كل ما تبص لنقطة تلاقيها مركز لدايرة تجاريح كبيرة (معرفش الظاهرة دى اصلا بتحصل ازاى ! )

[Yousef.Kamel]

اوعى تستعمل الفوطة الزفرة مع عربية زيرو
انا عربيتى الجديدة جه عليها حبات رمل من المشى ع الدائري والمحور ،لدرجة انه لزق في العربية وطبعا التعرض الكتير له ممكن يعمل زي صنفرة لدهان العربية ، المهم انا مابقتش عارف اعمل ايه عشاان اطلعه بدون ما يأثر على العربية

بس جيت غسلت العربية بنفسى عن طريق خرطوم مية في الاول لقيت الرمل بدأ يطلع بسهولة ، وبدأت اطلعه بالراحة عن طريق انى بمرر ايدي على اي مكان فيه الحبات دى واطلعها بالراحة
وبعدين جبت جردل مية وحطيت عليه شوية بريل خفيف جدا ، ومسكت ليفة اسفنجية (كلها سفنج مفيش اي جزء صلب فيها او بلاستيك عشان ده اللى بيجرح العربية ) عملت بيها العربية وبعدين خرطوم مية تانى للشطف و بعدين تسيبها تنشف شوية من الهوا وفي الاخر تنشفها وتلمعها تماما بقماشة قطنية ناعمة

معرفش بقى بعد كدة هعمل ايه ، بس بفكر في موضوع التشميع وعايز اجمع معلومات عنه واشوف بيجيب نتيجة ولا لا

وعلى فكرة الموضوع مش هايف ولا حاجة ، خصوصا لو العربية لسة زيرو ، الواحد بيبقى نفسه يحافظ عليها بتلمع لاطول فترة ممكنة ، انا بكره التجاريح الدائرية اللى بتحصل دى وبيبقى عددها لا نهائى يعنى كل ما تبص لنقطة تلاقيها مركز لدايرة تجاريح كبيرة (معرفش الظاهرة دى اصلا بتحصل ازاى ! )

بس الميكرو فايبر دي لاقيها فين ؟؟؟؟ وسعرها كام ؟؟؟؟؟؟

[amrelsaqqa]

بس الميكرو فايبر دي لاقيها فين ؟؟؟؟ وسعرها كام ؟؟؟؟؟؟

انا اول مرة اعرفها صراحة
متابع معاك

[Yousef.Kamel]

وهل ممكن صورة ليها عشان انا دخلت في جوجل اقيت منها اشكال والوان ؟؟؟؟

[Yousef.Kamel]

فرشة ميكرو فايبر

ممكن تقولنا نجيبهامنين و صورة ليها ؟؟؟؟؟؟؟؟
معلش انا طلباتي كتير بس الحاجات دي فعلا مهمة

[mshmshm3]

و ممكن كل فترة تعملها بالواكس (الشمع) بس ما تستعملش فوطة زفرة بعدها عشان مايروحش

[S.Hasan]

لا بالعكس مش موصوع هايف ولا حاجة دي حاجة مهمة جدااااااااااااا
متابع

[youssef_u]

بلاش تستعمل بريل او اي صابون من بتاع المواعين ( مزيل للدهون )

هتلاقي في صابون ملمع بيتباع موجود في سبينس و في اماكن كتير ده كويس و برده الفوطه الفايبر موجوده عند سبينس

[azahranm]

موضوع مهم فعلا-متابع بشده
بس هو ايه تشميع دي-يعني ايه؟

[saddam]

صديقي المواطن
موضوعك ده موضوع مهم ووطني وقومي كمان
فوط الميكروفايبر موجودة في التوفيقية وفي كارفور وسبيني وفي أي محل كماليات بيحترم نفسه
الصحيح العربية يتعمل لها wax وده ثمنه 25 جنيه بعد متغسل العربية وتنشفها كويس بقطنة أو سفنجه تدعك بيه العربية حيكون طبقة خفيفة من اللمعة وتساعد في حفظ البوهيه والعلبة دي تكفيك 4 مرات بواقع مرة شهريا واﻷنواع كتير
شفت التكلفة عاليه
حتجيب بولش كريم مصري أبو 7 جنيه وتجيب قطن من الصيدلية ب 6 جنيه وتقعد كل أسبوع مرة تخلي إبن البواب وتدبه 10 جنيه يعملهالك بنص ساعة تنظفها وتنشفها وتوزع براس صباعك الكريم وتبتدي تدعكه بصورة دائرية بالقطنة وتسيبها 10 دقايق وبعد كده ترجع بقطنة جديدة تدعكها دعكة خفيفة من غير ظغط وممكن تعملها مرة كل أسبوع أو أسبوعين والعلبة الصغيرة أم 7 جنيه دي ممكن تمشيك 4 أو 5 مرات كما وأنصح كل واحد يرش عربيته مبسمعش كلام البوهيجي ويحط طبقتين أو ثلاثة ورنيش إضافية
وبالتوفيق وإلى اﻷمام ومن نصر إلى نصر
ودمتم للنضال

[Yousef.Kamel]

صديقي المواطن
موضوعك ده موضوع مهم ووطني وقومي كمان
فوط الميكروفايبر موجودة في التوفيقية وفي كارفور وسبيني وفي أي محل كماليات بيحترم نفسه
الصحيح العربية يتعمل لها wax وده ثمنه 25 جنيه بعد متغسل العربية وتنشفها كويس بقطنة أو سفنجه تدعك بيه العربية حيكون طبقة خفيفة من اللمعة وتساعد في حفظ البوهيه والعلبة دي تكفيك 4 مرات بواقع مرة شهريا واﻷنواع كتير
شفت التكلفة عاليه
حتجيب بولش كريم مصري أبو 7 جنيه وتجيب قطن من الصيدلية ب 6 جنيه وتقعد كل أسبوع مرة تخلي إبن البواب وتدبه 10 جنيه يعملهالك بنص ساعة تنظفها وتنشفها وتوزع براس صباعك الكريم وتبتدي تدعكه بصورة دائرية بالقطنة وتسيبها 10 دقايق وبعد كده ترجع بقطنة جديدة تدعكها دعكة خفيفة من غير ظغط وممكن تعملها مرة كل أسبوع أو أسبوعين والعلبة الصغيرة أم 7 جنيه دي ممكن تمشيك 4 أو 5 مرات كما وأنصح كل واحد يرش عربيته مبسمعش كلام البوهيجي ويحط طبقتين أو ثلاثة ورنيش إضافية
وبالتوفيق وإلى اﻷمام ومن نصر إلى نصر
ودمتم للنضال

شكرا لردك المميز ده ولكن لو العربية متربة بس من الركنة في الجراج وانا رايح الشغل ف ساعتها امسحها ب الفوطة الفايبر دي ؟؟؟؟ وممكن تصورها او كدة عشان انا سالت كذا واحد وكل واحد يوريني شكل وبسعر غير التاني او تقولي انظف نوع بكام ؟؟؟