سؤال للأعضاء الخبيرة

[tamerahdy]

لدي سيارة بيجو 3008 أوتوماتيك فيها مشكلة أني حاسس أنها متكلبشة وقت ما أضع الغيار d أو r السيارة لا تتحرك أو تتحرك ببطئ شديد لابد من الضغط على البنزين وأن إشارة الفرامل الحمراء في الخلف النور الأحمر مضئ من غير ما أضغط فرامل لا أعرف السبب والسيارة لا تجري .....ممكن الإفادة

[akmm]

كده ممكن الفرامل قافشه على الطنبور وبدليل كده ان النور الخلفى للفرامل منور كانك ضاغط على الفرامل .

[amrelsaqqa]

روح التوكيل لو العربية في الضمان وان شاء الله بسيطة جدا ،

انا اتوقع تبقى مشكلة في فرامل اليد خصوصا انها الكترونية في موديل عربيتك ، يعنى ممكن حساس مش مظبوط وشادد الفرامل ، و عشان تتأكد شوف العجل الخلفى بس اللى بيسخن ولا كل العجل ..

المهم ايا كان انت عندك فرامل قاقشة وما تمشيش بالعربية كتير كدة حفاظا على التيل والطنابير والفتيس والموتور كمان

[monamize4]

روح التوكيل لو العربية في الضمان وان شاء الله بسيطة جدا ،

شوف العجل الخلفى بس اللى بيسخن ولا كل العجل ..

المهم ايا كان انت عندك فرامل قاقشة وما تمشيش بالعربية كتير كدة حفاظا على التيل والطنابير والفتيس والموتور كمان

cant agree more

[eleanor]

انت مركب الدوسات الاصليه ولا دوسات انت شاريها

[tamerahdy]

أنا روحت التوكيل والسيارة ظلت عندهم أسبوع كامل والمشكلة اتحلت الحمد لله وقالوا لي أن المشكلة كانت في حاجة أسمها البوستر وقاموا بتغييرها وأيضا قاموا بتغيير طابة البنزين مش عارف ليه

- أنا مركب دواسات أخرى غير الأصلية

[eleanor]

الحمد لله ان المشكله اتحلت بس نصيحه هات الدوسات الاصليه حتى لو سعرها غالى شويه
لان الدوسات التانيه بتعلق فى دواسه البنزين والفرامل وبتحتاج كل شويه انك ترجعها لورا علشان ماتعكسش معاك فى الدوسه ودى طبعا بتاثر على قوة دواسه الفرامل والبنزين
فخلى بالك لان دى مهمه بس الناس مش بتهتم بيها